Home ព័ត៌មានជាតិ សន្តិសុខ បាក់​សំណង់​អគ...

បាក់​សំណង់​អគារ​នៅ​កែបៈ​គិត​ត្រឹម​ម៉ោង​៨:៣០ សង្គ្រោះ១៥​នាក់​,​ ស្លាប់​បី​នាក់​

បាក់​សំណង់​អគារ​នៅ​កែបៈ​គិត​ត្រឹម​ម៉ោង​៧:៤០ សង្គ្រោះបាន​១៦​នាក់​,​ស្លាប់​ពីរ​នាក់​

ដោយៈ​បូកគោ​,​មុនី​រ័ត្ន,ទេពមង្គល​/​ភ្នំពេញៈ​ព័ត៌មាន​បឋម​បញ្ជាក់ថា​ គិត​ត្រឹម​ម៉ោង​៨:៣០យប់​ថ្ងៃទី​៣​ខែមករា​នេះ​ សមត្ថកិច្ច​បាន​ជួយសង្គ្រោះ​មនុស្ស​ចំនួន​១៨​នាក់​ចេញពី​អគារ​ដែល​បាក់​នោះ ​ហើយ​ក្នុងចំណោម​នេះ​មាន​មនុស្ស​បីនាក់​បាន​ស្លាប់​។​សំណង់​អគារ​កម្ពស់​៧​ជាន់ នៅក្បែរ​វត្ត​សម្មាធិ​ បាន​បាក់​នៅវេលា​ម៉ោង​៤:១៥រសៀល ថ្ងៃទី​៣ ខែមករា ឆ្នាំ​២០២០ នៅ​ភូមិ​កែប សង្កាត់​កែប ក្រុងកែប ខេត្ត​កែប​។ សកម្មភាព​រុករក​កំពុង​បន្ត​។​

យោងតាមសេចក្តីប្រកាសព័ត៌មានបញ្ជាក់ថា រដ្ឋបាលខេត្តកែបសូមគោរព​ជម្រាបជូន​សម្តេច ឯកឧត្តម លោកជំទាវ សាធារណជន និងអ្នកសារព័ត៌មាន មេត្តាជ្រាបថា នៅវេលាម៉ោង ៤:១៥ នាទីរសៀល នាថ្ងៃទី០៣ ខែមករា ឆ្នាំ ២០២០ មានករណីបាក់រលំអគារមួយដែលកំពុងដំណើរ​ការសាងសង់កម្ពស់ ៧ ជាន់ មានទីតាងស្ថិតនៅផ្លូវឡើងវត្តសមាធិ ភូមិកែប សង្កាត់កែប ក្រុងកែប ខេត្តកែប។

មកទល់ពេលនេះ ថ្នាក់ដឹកនាំនៃគណៈកម្មាធិការជាតិគ្រប់គ្រងគ្រោះមហន្តរាយ ថ្នាក់ដឹកនាំខេត្ត កម្លាំងមានសមត្ថកិច្ច និងអាជ្ញាធរមូលដ្ឋានកំពុងសហការគ្នាយ៉ាង​មមាញឹកដើម្បីជួយសង្គ្រោះជនរងគ្រោះដែលកំពុងជាប់ក្នុងគំនរនៃអគារបាក់បែកនៃការដ្ឋាននេះ និងបានបង្កើតក្រុមការងារប្រចាំការជួយសង្គ្រោះបន្ទាន់ ដល់ជនរងគ្រោះ។ ព័ត៌មានទទួលបានជាបឋម (គិតត្រឹមម៉ោង ៨:៣០យប់នេះ) ជនរងគ្រោះចំនួន ១៨ នាក់ (ស្រី ៥ នាក់) ត្រូវបានជួយសង្គ្រោះ ក្នុងនោះស្លាប់ ៣ (ស្រី២)។ ជនរងគ្រោះជាកម្មករសំណង់ ដែលស្នាក់នៅក្នុងអគារសាងសង់នោះ។

​ស្នងការ​នគរបាល​ខេត្ត​កែប លោក​ឧ​ត្ត​ម​សេនីយ៍​ត្រី បែន ដា​រា បានឱ្យដឹងថា អគារ​ដែល​បាក់​រលំ​នេះ បានកើត​ពេល​កម្មករ​កំពុង​ចាក់​ប្លង់​សេ​អគារ​នៅ​ជាន់​ទី​៧​។​លោកស្នងការ​បានឱ្យដឹង​ទៀតថា មាន​កម្មករ​ប្រមាណ​២០-៣០​នាក់ បាន​ស្ថិតនៅក្នុង​អគារ​ពេល​បាក់​រលំ​នោះ​។ ក្នុងនោះ​រួមទាំង​អ្នកម៉ៅការ​សំណង់​ផងដែរ​។ ក្រៅពី​ការបញ្ជា​ឱ្យ​កងកម្លាំង​បើក​ប្រតិបត្តិការ​ដោយ​យកចិត្តទុកដាក់​ខ្ពស់​លើ​ការជួយ​សង្គ្រោះ​ជីវិត​ជនរងគ្រោះ​ហើយ​នោះ នាយ​ឧ​ត្ត​ម​សេនីយ៍ នេ​ត សាវឿន ក៏បាន​ដាក់បទបញ្ជា​ក​ម្លាំ​ង​នគរបាល​ខេត្ត​កែប ឱ្យ​តាមរក​ម្ចាស់​សំណង់ អ្នកម៉ៅការ និង​ជាងសំណង់​ផងដែរ​។


​ប្រភព​បញ្ជាក់ថា​ ម្ចាស់​សំណង់ ឯក សារុន (​ប្តី​) និង ឈី​វ សុធី (​ប្រពន្ធ​) មាន​លំនៅ​បច្ចុប្បន្ន​ភូមិ ១ សង្កាត់​៣ ក្រុងព្រះសីហនុ​។ សំណើ​ចុះ​ថ្ងៃ ០៦-៣-២០១៩​។ មកដល់​ច្រកចេញចូល​សាលាខេត្ត លេខ ១៧៩/១៩ ចុះ​ថ្ងៃ ១៦-៧-២០១៩​។ មន្ទីរ ដន​សស ខេត្ត​កែប លេខ ០០៩ ដន​សស​/​ក​.​សុ​ដី ចុះ​ថ្ងៃ ០៣-៧-២០១៩​។ ខេត្ត​សម្រេច លេខ ៤២៧/១៩ ប​ជ ចុះ​ថ្ងៃ ០២-៨-២០១៩​។​បើក​ការដ្ឋាន ០២៣/​ដន​សស​-​ខក ចុះ​ថ្ងៃ​២០-៨-២០១៩​។​ថ្ងៃទី ៥-១២-២០១៩ មន្ទីរ​បាន​ចុះ​ពិនិត្យ បាន​សន្និដ្ឋានថា សំណង់​សង់​ខុសពី​លិខិតអនុញ្ញាត​។​ ​សំណង់​នេះ ក្រោម​៣០០០​ម៉ែត្រការ៉េ​ រដ្ឋបាលខេត្ត​កែប សម្រេច​ក្នុង​ដែន​សមត្ថកិច្ច​របស់ខ្លួន ។​

​សម្តេច​តេ​ជោ ហ៊ុន សែន នាយករដ្ឋមន្ត្រី បានចេញ​ដំណើរ​ពី​ភ្នំពេញ​ឆ្ពោះទៅកាន់​ខេត្ត​កែប​ទាំងយប់ ដើម្បី​ចូលរួម​ដឹកនាំ​ការរុករក​សង្គ្រោះ​កម្មករ​ដែល​កំពុង​ជាប់​នៅក្រោម​សំណង់​អគារ​ដែល​ដួលរលំ​។

សូម​រម្លឹកថា ករណី​បាក់​អគារ​នៅ​ខេត្ត​កែបនេះ​ជា​ករណី​លើក​ទី​២ ហើយ បន្ទាប់​ឧបទ្ទវហេតុ​បាក់​រលំ​អគារ​កម្ពស់ ៧​ជាន់ ស្ថិត​ក្នុងភូមិ​៣ សង្កាត់​លេខ​៤ ក្រុងព្រះសីហនុ កាលពី​ទៀបភ្លឺ​ថ្ងៃទី​២២ ខែមិថុនា ឆ្នាំ​២០១៩ បាន​បណ្តាល​ឲ្យ​មនុស្ស​ស្លាប់​២៨​នាក់ និង​អ្នករបួស​មាន​ចំនួន ២៦​នាក់​៕​សរន​/Ha

ទីតាំងផ្សាយពាណិជ្ជកម្ម

- Advertisment -

Most Popular