ដោយៈចាន់តូ/ភ្នំពេញ៖ប្រុសម្នាក់បើករថយន្តម៉ាកព្រូសយ៉ាងលឿនតាមបណ្ដោយផ្លូវ២០០៤ដល់ស្តុបណតប្រ៊ីតក៏រ៉េចង្កូបុកឡើងលើខឿនចែកទ្រូងផ្លូវបណ្ដាលឱ្យបាក់ផ្លាកប៉ាណូអស់មួយដើម ។កាលពីវេលាម៉ោង ២និង ៤០នាទីយប់រំលងអធ្រាត្រឈានចូលថ្ងៃសៅរ៍ ទី ៤ ខែមករា ឆ្នាំ ២០២០ ផិតស្តុបណតប្រ៊ីត តាមបណ្តោយផ្លូវ២០០៤ក្នុងសង្កាត់អូបែកក្អម ខណ្ឌសែនសុខ ។
អ្នកបើករថយន្ដរួមមានស្រីប្រុស២នាក់មិនត្រូវបានស្គាល់អត្តសញ្ញាណនោះទេដោយភ្លាមៗនោះគេឃើញចាកចេញពីកន្លែងកើតហេតុបាត់បន្សល់ទុកតែរថយន្តនៅទីនោះ។ចំណែករថយន្តបង្កបានរងការខូចខាតទៅមុខលែងរួចសំណាងល្អមិនបង្កឱ្យនរណាម្នាក់រងរបួសនោះទេ។
ក្រោយមកសមត្ថកិច្ចមូលដ្ឋានបានចុះមកដល់ហើយក៏បានទំនាក់ទំនងទៅសមត្ថកិច្ចចរាចរក្រុងមកស្ទូចយករថយន្តទៅរក្សាទុក ដើម្បីឱ្យម្ចាស់រថយន្តចូលខ្លួនមកដោះស្រាយនៅពេលក្រោយ៕S/
