ដោយ៖ប.ជ័យ/បន្ទាយមានជ័យ៖អភិបាលខេត្តបន្ទាយមានជ័យបានចូលរួមរំលែកទុក្ខក្រុមគ្រួសារអ្នកកាសែតម្នាក់នៅក្រុងប៉ោយប៉ែត ដែលបានស្លាប់ដោយគាំងបេះដូង ។
លោកអ៊ុរាត្រីប្រធានគណបក្សប្រជាជនកម្ពុជាខេត្តនិងអភិបាលខេត្តបន្ទាយមានជ័យបានផ្តល់ថវិកាចំនួន៥០០.០០០រៀលតាមរយៈលោកអោមឡាយុំអ្នកសារព័ត៌មាននិងសហការីកាលពីល្ងាចថ្ងៃទី៣ខែមករាឆ្នាំ២០២០ដើម្បីយកទៅចូលរួមរំលែកទុក្ខជាមួយក្រុមគ្រួសារនិងបុណ្យឈាបនកិច្ចសពលោកសាន់តារាជាអនុប្រធានមជ្ឈមណ្ឌលព័ត៌មានសំឡេងជាយដែន ។
លោកអោម ឡាយុំ កាលពីល្ងាចថ្ងៃទី៣ខែមករាឆ្នាំ២០២០ ខណៈទៅចូលរួមគោរពវិញាណក្ខន្ធ បានពាំនាំបណ្តាំរំលែកទុក្ខដ៏ក្រៀមក្រំនិងសោកស្តាយរបស់លោកអ៊ុរាត្រីអភិបាលខេត្តចំពោះអ្នកស្រីយានធូរីអាយុ៤៩ឆ្នាំនិងកូនៗ៤នាក់និងចៅៗ៨នាក់។
ព្រមទាំងសាច់ញាតិនៃសពហើយបានចាត់ទុកមរណភាពលោកសាន់ តារា បាត់បង់ស្វាមី ឳពុក ជីតានិងអ្នកសារព័ត៌មានម្នាក់ ។នៅល្ងាចដដែល តំណាងយុវជនកម្ពុជាក្រុម១៥៧ក្រុងប៉ោយប៉ែត បានដឹកនាំសមាជិកទៅគោរពវិញ្ញាណក្ខន្ធ ។ នៅព្រឹកថ្ងៃទី៤ខែមករាឆ្នាំ២០២០លោកឈុនពេជ្រប្រធានមជ្ឈមណ្ឌលព័ត៌មានសំឡេងជាយដែននៅក្រុងប៉ោយប៉ែត និងសហការីក៏ទៅចូលរួមដែរ ។
លោកសាន់ តារាក៏ជាមន្ត្រីយោធានិងជាអនុប្រធានសាខាយុវជនកម្ពុជាក្រុម១៥៧ ក្រុងប៉ោយប៉ែត ហើយក៏ជាអាជីវករកសិករចម្រុះផងដែរ។លោកបានទទួលមរណភាពដោយជំងឺគាំងបេះដូងក្នុងអាយុ៥៤ឆ្នាំកាលពីថ្ងៃទី១ខែមករាឆ្នាំ២០២០នៅគេហដ្ឋាននាមណ្ឌល៣ភូមិប្រជាធម្មសង្កាត់ផ្សារកណ្តាលក្រុងប៉ោយប៉ែតខេត្តបន្ទាយមានជ័យ។
ប៉ុន្តែសពត្រូវដឹកដង្ហែទៅបញ្ចុះនៅវិហារអីស្លាមមួយនៅភូមិ/សង្កាត់រកាក្រុង/ខេត្តកំពង់ចាម។ឯបុណ្យសពបានធ្វើនៅគេហដ្ឋាននៃសពដូចខាងលើ៕S/
រូបថត៖លោកអ៊ុរាត្រីបានផ្តល់ថវិកា៥០ម៉ឺនរៀលតាមរយៈលោកអោមឡាយុំអ្នកសារព័ត៌មានកាសែតរស្មីកម្ពុជាដើម្បីយកទៅចូលរួមរំលែកទុក្ខជាមួយអ្នកស្រីយាន ធូរី ភរិយានៃសពលោកសាន់ តារា(រូប៖ នី នឿន )
