ក្លិប អាស្តុនវីឡា(Aston Villa) រងសម្ពាធខ្លាំង ស្របពេលខ្សែប្រយុទ្ធ វ៉េស្លី (Wesley) ដែលមាន តម្លៃ២២លានផោន អាចនឹងខកខានការប្រកួតរហូតដល់ចប់រដូវកាល។
វ៉េស្លី មានបញ្ហារបួសក្បាលជង្គង់ បន្ទាប់ពីប៉ះទង្គិចជាមួយខ្សែការពារ បេន មី (Ben Mee) ដោយជួយក្រុម Aston Villa ឈ្នះ២-១ ។
លទ្ធផលស្កែនបានបង្ហាញថា កីឡាករប្រេស៊ីលវ័យ២៣ឆ្នាំរូបនេះមានបញ្ហាសរសៃពួរ ហើយ ដែលអាចសម្រាកព្យាបាល៩ខែ។ ព័ត៌មាននេះគឺជាសម្ពាធមួយសម្រាប់ក្រុម Aston Villa បន្ទាប់ពីខ្សែប្រយុទ្ធរូបនេះរកបានគ្រាប់បាល់ទី៥នៅក្របខណ្ឌព្រីមីញ៉េលីក។
នៅពេលនេះ ក្រុម Aston Villa បង្ខំចិត្តចូលប្រឡូកក្នុងទីផ្សារ ដើម្បីស្វែងរកខ្សែប្រយុទ្ធថ្មី ស្របពេលខ្សែប្រយុទ្ធ មីឈី បាតស៊ួយី (Michy Batshuayi) អាចជាគោលដៅសម្រាប់ខ្ចីជើង។
ក្លិប Aston Villa ក៏កំពុងរង់ចាំលទ្ធផលពិនិត្យរបួសរបស់អ្នកចាំទី ថម ហ៊ីធិន (Tom Heaton) ដែលមានរបួស អំឡុងរបួសក្បាលជង្គង់។
ខ្សែបម្រើសំខាន់ ចន ម៉ាកហ្គីន (John McGinn) របស់ក្លឹប Aston Villa មានរបួសស្រាប់ហើយ ស្របពេលមានបញ្ហាកជើង៕ ប្រែសម្រួល: ពិសិដ្ឋ
