ផល​នៃ​ការហាម​ប្រើ​ថង់ប្លាស្ទិក​ភ្លាមៗ​

420
ចែករម្លែក

​ពួក​អ្នក​ដើរ​ទិញ​ទំនិញ​នៅ​ថៃ​បាន​ងាក​ទៅ​ប្រើ​កន្ត្រក ធុង បាវ រួម​ទាំងរ​ទេះ​រុះដើ​ម្បី​នាំ​ទំនិញ​ចេញ​ពី​ហាង​និង​ផ្សារ​នៅ​ពេល​ក្រុមហ៊ុន​លក់រាយ​ភាគច្រើន​ចាប់ផ្តើម​​អនុវត្ត​បំរាម​ប្រើ​ស្បោង​ប្លា​ស្ទិកក្នុង​យុទ្ធនាការ​សម្អាត​បរិស្ថា​ន​ឡើងវិញ​។​

​អាច​ថា​ជា​ការផ្គើន​ឬ​មក​ពី​អនុវត្ត​បំរាម​ភ្លាមៗ​រក​អ្វី​សមរម្យ​មក​ជំនួស​មិនទាន់ ទើប​អ្នកដើរ​ផ្សារ​ជា​ច្រើន​បាន​បង្ហោះ​រូបភាព​ច្នៃប្រឌិត​របស់​គេ​ដើម្បី​ដាក់​អីវ៉ាន់​​ទិញ​ពី​ហាង​ពី​ផ្សារ​មិន​បំពាន​បំរាម​។​

​បំរាម​ប្រើ​ថង់​(​ស្បោង​)​ប្លា​ស្ទិក ត្រូវ​ចាប់ផ្តើម​អនុវត្ត​ចាប់​ពី​ដើមឆ្នាំ​នេះ ដោយ​ផ្សារ​ធំៗ​និង​ហាង​7-Eleven ចូលរួម​អនុវត្ត​ក្នុង​យុទ្ធនាការ​បរិស្ថាន នៅក្នុង​ប្រទេស​​មួយ​ដែល​មនុស្ស​ម្នាក់​ជា​មធ្យម​ប្រើ​ថង់ប្លាស្ទិក​៨​ក្នុង​មួយថ្ងៃ​។​

​ពួក​អ្នក​បរិស្ថាន​និយម អបអរ​បំរាម​នេះ ដោយ​ចាត់ទុក​វា​ជា​ការបោះ​ជំហាន​ដ៏​សំខាន់​មួយ តែ​ថា​មាន​ការងារ​ជាច្រើន​ទៀត​ត្រូវ​ធ្វើ​ដើម្បី​បំបាត់​វប្បធម៌​ប្រើ​ហើយ​​បោះចោល​រាយប៉ាយ​នា​ពេលកន្លងមក​៕​ប្រែ​សម្រួល​៖​វាសនា​

ខាងក្រោម​នេះ​ជា​រូបភាព​ខ្លះ​ដែល​អ្នកដើរ​ផ្សារ​ថៃ​ប្រើ​ឧបករណ៍​ផ្សេងៗ​ក្រៅពី​ថង់ប្លាស្ទិក​ដើម្បី​ដាក់អី​វ៉ាន់ពី​ផ្សារ

ទីតាំងផ្សាយពាណិជ្ជកម្ម