Home ព័ត៌មានជាតិ នយោបាយ មេទ័ព​ជើងគោក​...

មេទ័ព​ជើងគោក​៖​អំណោយផល​នៃ​សន្តិភាព​ផ្តល់ឱ្យ​ពលរដ្ឋ​កម្ពុជា​នូវ​ជីវភាព​រស់នៅ​ដ៏​សុខសាន្ត​

ដោយៈ​មុនី​រ័ត្ន​/​ភ្នំពេញៈ​លោក​ឧ​ត្ត​ម​សេនីយ៍​ឯក​ហ៊ុន​ម៉ា​ណែ​ត​អគ្គ​មេបញ្ជាការរង​នៃ​កងយោធពល​ខេមរភូមិន្ទ​មេបញ្ជាការ​កងទ័ពជើងគោក​បាន​ថ្លែង​បញ្ជាក់ថា​សម្រាប់​ប្រពល​រដ្ឋ​កម្ពុជា​សូម​អរគុណ​សន្តិភាព​ក្នុង​រយៈកាល​ជាង​២០​ឆ្នាំ​កន្លងមកនេះ​។​ដែល​សម្រេចបាន​ក្រោម​នយោបាយ​ឈ្នះ​-​ឈ្នះ​របស់​សម្តេច​តេ​ជោ​ហ៊ុនសែន​នាយករដ្ឋមន្ត្រី​ដែល​មិន​ធ្លាប់មាន​ក្នុង​ប្រវត្តិសាស្ត្រ​ជាង​៥០០​ឆ្នាំ​របស់​កម្ពុជា​។​

​អំណោយផល​នៃ​សន្តិភាព​បាននិងកំពុង​ផ្តល់ឱ្យ​ពលរដ្ឋ​កម្ពុជា​នូវ​ជីវភាព​រស់នៅ​ដ៏​សុខសាន្ត​ប្រកបដោយ​សុភមង្គល​សិទ្ធ​សេរីភាព​គ្រប់បែបយ៉ាង​និង​ភាពសប្បាយ​រីករាយ​ជួបជុំ​ក្រុមគ្រួសារ​ញាតិមិត្ត​ក្នុងឱកាស​បុណ្យ​តូចធំ​ទាំងអស់​ក្នុង​មាតុភូមិ​កម្ពុជា​ជាទី​ស្នេហា​នៃ​យើង​។​

​ការ​ថ្លែង​បញ្ជាក់​របស់លោក​ឧ​ត្ត​ម​សេនីយ៍​ឯក​ហ៊ុន​ម៉ា​ណែ​ត​បាន​ធ្វើឡើង​នៅក្នុង​ពិធី​បញ្ចុះបឋមសិលា​សាង​សង់​អគារ​ទីបញ្ជាការ​និង​បិទ​វគ្គ​ហ្វឹកហ្វឺន​ឆ្នាំ​២០១៩​របស់​កងពលតូច​អន្តរាគមន៍​លេខ​១៤​នៅ​ខេត្តពោធិ៍សាត់​កាលពី​ព្រឹក​ថ្ងៃទី​៤ ខែមករា ឆ្នាំ​២០២០​។​

​លោក​ឧ​ត្ត​ម​សេនីយ៍​ឯក​ហ៊ុន​ម៉ា​ណែ​ត​បាន​បន្តថា​ក្នុងនាម​ក្រសួងការពារជាតិ​អគ្គបញ្ជាការដ្ឋាន​និង​បញ្ជាការដ្ឋាន​កងទ័ពជើងគោក​សូម​សម្តែង​នូវ​ការកោតសរសើរ​និង​វាយតម្លៃ​ខ្ពស់​ចំពោះ​កិច្ច​ខិត​ប្រឹងប្រែង​របស់​កងពលតូច​អន្តរាគមន៍​លេខ​១៤​ដែល​កន្លងទៅនេះ​។​បងប្អូន​បាន​បំពេញភារកិច្ច​ការពារ​ជាតិ​មាតុភូមិ​ក្នុងនាម​ជា​កម្លាំង​ចល័ត​អន្តរាគមន៍​ឱ្យ​តាម​បណ្តា​ទិស​នៅ​សមរភូមិ​មុខ​ទិស​យោធភូមិភាគ​ទី​៥​។​

ការបំពេញ​កិច្ចសហការ​ជាមួយ​អាជ្ញាធរ​ដែនដី​និង​ស្ថាប័ន​ពាក់ព័ន្ធ​គ្រប់លំដាប់​ថ្នាក់​ក្នុងការ​ជួយសង្គ្រោះ​ប្រជាពលរដ្ឋ​និង​ថែរក្សា​ការពារ​សន្តិសុខ​សណ្តាប់ធ្នាប់​សាធារណៈ​និង​សុវត្ថិភាព​បានល្អ​ប្រសើរ​ជូន​ប្រជាពលរដ្ឋ​ធានាបាន​នូវ​ភាពសុខសាន្ត និង​ការអភិវឌ្ឍ​រីកចម្រើន​លើ​គ្រប់​វិស័យ​នៅ​កម្ពុជា​។​

​មេបញ្ជាការ​កងទ័ពជើងគោក​បាន​បន្តទៀតថា​លទ្ធផល​នៃ​វគ្គ​ហ្វឹកហ្វឺន​ឆ្នាំ​២០១៩​បាន​ឆ្លុះបញ្ចាំង​អំពី​ការខិតខំ​ប្រឹងប្រែង​រប​ស់​កងពលតូច​អន្តរាគមន៍​លេខ​១៤​ក្នុងការ​អនុវត្ត​យ៉ាងសកម្ម​នូវ​ការងារ​ហ្វឹកហ្វឺន ដែលជា​ការងារ​ស្នូល​ត្រូវធ្វើ​ជាប់​ជាប្រចាំ​។​ដើម្បី​ឆ្លើយតបបាន​ទៅនឹង​សំណូមពរ​ភារកិច្ច​ចំពោះមុខ ក៏ដូចជា​តម្រូវការ​នៃ​ការអភិវឌ្ឍ​សមត្ថភាព​របស់​យោធិន​ដែលជា​ផ្នែក​មួយ​ដ៏​សំខាន់​នៃ​ការងារ​កែទម្រង់​របស់​កងយោធពល​ខេមរភូមិន្ទ​។​

​ក៏បាន​បង្ហាញឱ្យឃើញ​ផងដែរ​អំពី​ការប្តេជ្ញាចិត្ត​និង​ការ​សាមគ្គី​សហការ​ជា​ធ្លុង​មួយ​របស់​ថ្នាក់ដឹកនាំ​នាយទាហាន​នាយទាហានរង​និង​ពលទាហាន​ទាំងអស់​របស់​កងពល​ក្នុង​បុព្វហេតុ​កសាង​បណ្តុះបណ្តាល​ធនធានមនុស្ស​ក្នុង​ជួរ​កងយោធពល​ខេមរភូមិន្ទ​ឱ្យមាន​សមត្ថភាព​ពេញលេញ​និង​ប្រកប​ដោយ​វិជ្ជាជីវៈ​សំដៅ​ធានាបាន​នូវ​ប្រសិទ្ធភាព​នៃ​កិច្ច​ការពារជាតិ​។​

​ជាមួយគ្នានេះ​លោក​ឧ​ត្ត​ម​សេនីយ៍​ឯក​ហ៊ុន​ម៉ា​ណែ​ត​សូម​គាំទ្រ​ចំពោះ​ការ​បេ្ត​ជ្ញា​ចិត្ត​របស់​កងពល​ក្នុងការ​អនុវត្ត​ទិសដៅ​ការងារ​ហ្វឹកហ្វឺន​ឆ្នាំ​២០២០​។​ក្នុងនោះ​កងពល​ត្រូវ​បន្ត​សង្កត់ធ្ងន់​លើ​ការពង្រឹង​គុណភាព​ហ្វឹកហ្វឺន​។​បន្ត​ទៅនេះ​គ្រប់​បណ្តា​អង្គភាព​និង​សាលា​ចំណុះ​កងទ័ពជើងគោក​ត្រូវ​យកចិត្តទុកដាក់​ទទួល​ខុសត្រូវ​ខ្ពស់​ធ្វើយ៉ាងណា​ឱ្យ​ការហ្វឹកហ្វឺន​ធានាបាន​នូវ​គុណភាព​ជាជាង​បរិមាណ​។​សូម​ចូលរួម​អបអរសាទរ​ចំពោះ​សមិទ្ធផល​អគារ​ទីបញ្ជាការ​ថ្មី​ដែល​កំពុង​ប្រារព្ធ​ពិធី​បញ្ចុះបឋមសិលា​សាង​សង់​នាពេលនេះ​។
​ជាមួយគ្នានេះ​លោក​ឧ​ត្ត​ម​សេនីយ៍​ឯក​ហ៊ុន​ម៉ា​ណែ​ត​សូម​ថ្លែងអំណរគុណ​ចំពោះ​ថ្នាក់ដឹកនាំ​ខេត្តពោធិ៍សាត់​និង​ស្រុក​ក្រគរ​ព្រមទាំង​អគ្គិសនី​កម្ពុជា​ជា​អង្គភាព​សម្ព័ន្ធមេត្រីភាព​ដែលជា​និច្ច​ជា​កាល​តែង​បាន​ឧបត្ថម្ភ​គាំទ្រ​ដល់​កងពល​រហូត​អង្គភាព​មានការ​រីកចម្រើន​ជា​លំដាប់​និង​ដោះស្រាយបាន​នូវ​បញ្ហាលំបាក និង​តម្រូវការ​ជាក់ស្តែង​ចំពោះមុខ​នានា​៕S/

​រូបថត​លោក​ឧ​ត្ត​ម​សេនីយ៍​ឯក ហ៊ុន ម៉ា​ណែ​ត ក្នុង​ពិធី​បញ្ចុះបឋមសិលា​សាង​សង់​អគារ​ទីបញ្ជាការ និង​បិទ​វគ្គ​ហ្វឹកហ្វឺន​ឆ្នាំ​២០១៩ របស់​កងពលតូច​អន្តរាគមន៍​លេខ​១៤

ទីតាំងផ្សាយពាណិជ្ជកម្ម

- Advertisment -

Most Popular

សមាគមគ្រូពេទ្យស្ម័គ្រចិត្...

   ដោយ:មុនីរ័ត្ន/ភ្នំពេញ:...

មេបញ្ជាការកងទ័ពជើងគោកឧបត្...

ដោយ: មុនីរ័ត្ន,សុខុម/ភ្...

រកឃើញអ្នកប៉ះពាល់ផ្ទាល់និង...

ដោយ:មុនីរ៍ត្ន/ភ្នំពេញៈ ...

មេ​តំ​ហ្វេ​តា​មីន ៣០ កញ្ច...

​ដោយៈ ទេព មង្គល​- គ្រញូង ...