ដោយៈ មុនីរ័ត្ន/ភ្នំពេញៈ រដ្ឋបាលខេត្តកែប បានឲ្យដឹងថា នៅវេលាម៉ោង២១:០៨ឬ ០៩:០៨ យប់ ថ្ងៃទី៤ ខែមករាឆ្នាំ២០២០នេះក្រុមប្រតិបត្តិការជួយសង្គ្រោះបានបន្តរុករកឃើញជនរងគ្រោះចំនួនពីនាក់បន្ថែមទៀត (ស្រីមួយនាក់)។មកដល់ពេលនេះក្រុមប្រតិបត្តិការជួយសង្គ្រោះបានយកជនរងគ្រោះចេញពីក្រោមគំនរបាក់បែក សរុបចំនួន២៩នាក់(ស្រី១២នាក់) ក្នុងនោះរបួសធ្ងន់ និងស្រាលចំនួន ២២នាក់( ស្រី៧នាក់) និងជនរងគ្រោះបាត់បង់ជីវិតមានចំនួន៧នាក់ (ស្រី៥នាក់)។
សកម្មភាពជួយសង្គ្រោះដល់ជនរងគ្រោះ របស់កម្លាំងក្រុមការងារជួយសង្គ្រោះ នៅតែបន្តសង្គ្រោះរហូតយកជនរងគ្រោះចេញអស់ពីក្រោមគំនរអគារបាក់បែក ស្ថិតនៅក្រោមការដឹកនាំ និងបញ្ជាផ្ទាល់ដោយសម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា ៕សរន
