ក្លឹប Inter Milan បានឈ្នះការប្រកួតប្រជែងក្នុងការផ្ទេរកីឡាករ គ្រីស្ទៀន អេរិកសិន (Christian Eriksen) នៅខែនេះ នេះបើតាមសេចក្តីរាយការណ៍នៅប្រទេសដាណឺម៉ាក។
កីឡាករដាណឺម៉ាករូបនេះនៅសល់កិច្ចសន្យា៦ខែទៀត ហើយមានក្លឹបជាច្រើនចង់បាន កីឡាកររូបនេះ ដូចជាម៉េនឆេស្ទ័រ យូណាយធីត ក្លឹប PSG និងក្លឹប Juventus ។ ទោះបីជាយ៉ាងណា បណ្តាញព័ត៌មានដាណឺម៉ាក Ekstra Bladet រាយការណ៍ថា ក្លឹប Inter នឹងចំណាយ ប្រាក់២០លានផោននៅខែមករា ដើម្បីបាន អេរិកសិន។
កីឡាករវ័យ២៧ឆ្នាំរូបនេះចង់ចាកចេញស្វែងរកការប្រកួតប្រជែងថ្មី ហើយនៅពេលនេះអាចចរចាជាមួយក្លឹបផ្សេងទៀតនៅក្រៅអង់គ្លេសបាន ប្រសិនបើកីឡាកររូបនេះស្វែងរកកិច្ច ព្រមព្រៀងចាកចេញពីក្លឹប Spurs នៅរដូវក្តៅ។
អេរិកសិន បានប្រកាសកាលពីដើមរដូវក្តៅនេះ បន្ទាប់ពីក្រុម Spurs ប្រកួតចាញ់ក្រុម Liverpool នៅវគ្គផ្តាច់ព្រ័ត្រឆេមពានលីកថា “ខ្ញុំមានអារម្មណ៍ថាខ្ញុំស្ថិតក្នុងដំណាក់ កាលចង់បានការប្រកួត ប្រជែងថ្មី”។
ស្របពេលដែលមានការជឿជាក់ថា នឹងចាកចេញ អេរិកសិន បានស្វែងរកកៅអីក្នុងផែនការរបស់លោក ចូសេ ម៉ូរីញ៉ូ (Jose Mourinho) ក្នុងក្លឹប Spurs ដោយបានចាប់ផ្តើមក្នុងពីរប្រកួតចុងក្រោយ៕ ប្រែសម្រួល: ពិសិដ្ឋ
