ស្ត្រី​ជប៉ុន ឈាន​ចូល​វ័យ​១១៧​ឆ្នាំ ដោយ​បំបែក​ឯតទគ្គ​កម្ម​មនុស្ស​ចាស់​បំផុត​ក្នុង​លោក​

​លោកយាយ​កា​ណេ តា​ណា​កា​(Kane Tanaka )​បាន​ពង្រីក​កំណត់ត្រា​ឯតទគ្គ​កម្ម​ពិភពលោក​ក្នុងនាម​ជា​មនុស្ស​អាយុ​ច្រើន​បំផុត ដោយ​លោកយាយ​បាន​ប្រារព្វ​​ខួបកំណើត​ទី​១១៧​ឆ្នាំ​នៅ​ផ្ទះ​ថែរក្សា​មនុស្ស​ចាស់​មួយ​នៅ​ក្រុង​ហ្វុយ​គូ​ស៊ីម៉ា នៅ​ជប៉ុន​ខាងត្បូង​កាលពី​ថ្ងៃអាទិត្យ​ទី​៥​មករា​។​

​លោកយាយ​បាន​ប្រារព្វ​ខួបកំណើរ​ជាមួយ​បុគ្គលិ​កមណ្ឌល​និង​មិត្តភ័ក្តិ​ផ្ទះថែ​រក្សា​មនុស្ស​ចាស់​។​

​លោកយាយ​តា​ណា​កា ដែល​កើត​ថ្ងៃ​០២ មករា បាន​ខាំ​នំ​មួយ​ដុំ​ពី​នំ​ខួបកំណើត​របស់​លោកយាយ​និង​បាន​និយាយថា«​ឆ្ងាញ់​» ញញឹម​ហើយ​និ​​យាយ​ថា «​ខ្ញុំ​ចង់បាន​ថែម​ទៀត​»​។​

​កាលពី​ឆ្នាំមុន​លោកយាយ​ត្រូវបាន​គណៈកម្មការ​កំណត់​ត្រា​ឯតទគ្គ​កម្ម​ពិភពលោកGuinness Worl​ត​d Records​អះអាងថា​ជា​មនុស្ស​រស់​មាន​អាយុ​ច្រើន​បំ​​ផុត​ក្នុង​លោក​ពេល​លោកយាយ​ឈាន​ចូល​វ័យ​១១៦​ឆ្នាំ ។​

​អាយុ​ឯតទគ្គ​កម្ម​របស់​តា​ណា​កា ជា​និមិត្តរូប​នៃ​ប្រជាពលរដ្ឋ​វ័យ​ចំណាស់​កាន់តែច្រើន​នៅ​ជប៉ុន ក្នុងពេល​អត្រាកំណើត​ទារក​កាន់តែ​ធ្លាក់​ចុះ ដែល​ជាហេតុ​នាំ​​អោយ​មាន​ការព្រួយបារម្ភ​អំពី​ការខ្វះខាត​កម្លាំង​ពលកម្ម និង​ទស្សនវិស័យ​សំរាប់​កំណើនសេដ្ឋកិច្ចជប៉ុន​នាពេល​អនាគត​។​

​ចំនួន​ទារ​កកើត​នៅ​ជប៉ុន​បាន​ធ្លាក់​ប្រមាណ​៥,៩​ភាគរយ​កាលពី​ឆ្នាំមុន មក​នៅត្រឹម​ចំនួន​តិចជាង​៩​សែន​នាក់​ជា​លើកដំបូង​ចាប់តាំងពី​រដ្ឋាភិបាល​ចាប់ផ្តើម​​ចងក្រង​ទុក​ទិន្នន័យ​នៅ​ឆ្នាំ​១៨៩៩​។​

​លោកយាយ​កា​ណេ តា​ណា​កា បាន​កើតមុន​កំណត់​(​មិន​គ្រប់​ខែ​)​នៅ​ឆ្នាំ​១៩០៣ និង​បាន​រៀបការ​មានកូន​៤​នាក់​៕​ប្រែ​សម្រួល​៖​វាសនា​

​