Home ព័ត៌មានអន្តរជាតិ គ្រូពេទ្យ​ដែល...

គ្រូពេទ្យ​ដែល​ធ្វើដំណើរ​តាមផ្លូវ​ជាប់​រហូត ៖ ជាប់​ចិត្តនឹង​អ្នកស្រុក​នៅ​ស្រុកកំណើត​របស់ខ្លួន

ពេល​ថ្មីៗ​នេះ នៅពេល​ទៅយក​បទសម្ភាសន៍​នៅ​មន្ទីរពេទ្យ​ប្រជាជន​ក្នុងស្រុក ស្វយ័ត​ជនជាតិ លី​ស៊ូ វី​ស៊ី មណ្ឌល​ស្វយ័ត​ជនជាតិ​ទី​បេ​ត៍ ទី​ឈី​ង ខេត្ត​យូ​ន​ណាន អ្នកកាសែត​បាន​ជួបនឹង​លោក យូ ឆាវ​ឈី​ង ដែលជា​អនុប្រធាន​មន្ទីរពេទ្យ ប្រធាន​ផ្នែក​ព្យាបាល​ជំងឺ​ត្រចៀក ច្រមុះ និង​បំពង់ក និង​ជា​អ្នកជំនាញការ​ព្យា​ល​បាល​ជំងឺ​ភ្នែក ។ លោក​មាន​ការងារ​រវល់​ខ្លាំងណាស់​ហាក់ដូចជា គ្រូ​ទេ​ព្យ​ម្នាក់​ដែល​តែងតែ​ធ្វើដំណើរ​តាមផ្លូវ​ជាប់​រហូត​មើលទៅ ។​

​លោក​បាន​ប្រាប់​អ្នកកាសែត​ថា នៅ​ឆ្នាំ ២០០២ ខ្ញុំ​បានបញ្ចប់​ការសិក្សា​ពី​មហាវិទ្យាល័យ វេជ្ជសាស្ត្រ​ក្រុង​គុន​មីង ហើយ​ត្រឡប់មក​ស្រុកកំណើត​ខ្ញុំ​វិញ​ដើម្បី​ធ្វើការ​នៅ​មន្ទីរពេទ្យ ប្រជាជន​ស្រុក​វី​ស៊ី ។ ខ្ញុំ​សម្រេចចិត្ត​មក​ធ្វើការ​នៅ​ស្រុកកំណើត​របស់ខ្ញុំ ដោយសារ​ខ្ញុំ​ចង់​ប្រើ ចំណេះដឹង​ពេទ្យ​ដែល​ខ្ញុំ​បាន​រៀនសូត្រ ទៅ​ជួយ​ដល់​អ្នកស្រុក​ដែលមាន​តម្រូវការ ។ លោក​ជា គ្រូ​ទេ​ព្យ​ល្អ​ម្នាក់ ដែល​មិន​ត្រឹមតែ​ធ្វើការ​នៅក្នុង​មន្ទីរពេទ្យ​ប៉ុណ្ណោះ​ទេ ហើយ​តែងតែ​ទៅធ្វើ​ការ នៅ​ស្រែចំការ​ផង ។​

​នៅ​ឆ្នាំ ២០០៧ លោក​បាន​ចូលរួម​កម្មវិធី​សប្បុរសធម៌​មួយ ដែល​រៀបចំ​ដោយ​សមាគម​ជនពិការ ។ កាលនោះ លោក​បាន​រកឃើញថា នៅ​តំបន់​ជនបទ មាន​អ្នកស្រុក​ច្រើន​កើត​ជំងឺ​ភ្នែក​ឡើង បាយ ។ លោក​យល់ឃើញថា ដោយសារ​គ្រូពេទ្យ​ធ្វើការ​មិនបាន​ដិតដល់​ទើប​ធ្វើឱ្យ​ប្រជាជន ច្រើន​រងគ្រោះ​ពី​ជំងឺ​នេះ ។ លោក​បាន​ប្រាប់​អ្នកកាសែត​ថា នេះ​ជា​កំហុស​របស់ខ្ញុំ ពីព្រោះ​ខ្ញុំ​ធ្វើ ការងារ​មិនបាន​ល្អ​ទេ ។ លោក​បន្ទោស​ខ្លួន​ក្នុង​ចិត្ត ហើយ​ចាប់ផ្តើម​កំណត់​ផែនការ​ដ៏​ធំ​មួយ ដើម្បី​ជួយ​ប្រជាជន​ក្នុង​តំបន់​ជនបទ ។​

​តាំងពី​ពាក់កណ្តាល​ឆ្នាំ ២០០៨ មក លោក​តែងតែ​ស្ពាយ​កាបូប​ទៅធ្វើ​ការសិក្សា​នៅ​តំបន់​ជុំវិញ រាល់ថ្ងៃ​សៅរ៍ និង​ថ្ងៃអាទិត្យ ដើម្បី​ជួយ​ពិនិត្យ​សុខភាព​ភ្នែក​របស់​អ្នកស្រុក​ក្នុង​តំបន់ ។ លោក​បាន គូសបញ្ជាក់ថា នៅ​ឆ្នាំ​នោះ ខ្ញុំ​បានធ្វើ​ការវះកាត់​ឱ្យ​អ្នកស្រុក​ជាង ៧០ នាក់ ។ ខ្ញុំ​នឿយហត់​ខ្លាំង តែ​សប្បាយចិត្ត​ណាស់ ។ ខ្ញុំ​គិតថា អ្វីដែល​ខ្ញុំ​បានធ្វើ​ទាំងនោះ ពិតជា​មានតម្លៃ​ណាស់ !

​ពេល​ដំបូង លោក​ទៅ​ជួយ​ព្យាបាល​ជំងឺ​របស់​អ្នកស្រុក​តែម្នាក់ឯង​ទេ តែ​សព្វថ្ងៃ​លោក​បាន​បង្កើត ជា​ក្រុមសុខាភិបាល​ជំនាញ​មួយ ។ លោក​ចាប់អារម្មណ៍​យ៉ាងខ្លាំង​ចំពោះ​គោលនយោបាយ​កាត់ បន្ថយ​ភាពក្រីក្រ​ដោយ​តម្រង់ទិស ពិសេស​គឺ​ចំពោះ​ការរីក ចម្រើន​នៃ​តំបន់​ជនបទ​ក្រោយ ពី​បាន​អនុវត្ត​គោលនយោបាយ​នេះ ។ លោក​បាន​បន្ថែមទៀតថា សព្វថ្ងៃ​ខ្ញុំ​បាន​បង្កើត​ក្រុម​សុខា ភិ​បាល​មួយ ។ ក្នុង​ក្រុម​នេះ​មាន​គ្រូពេទ្យ​ព្យាបាល​ជំងឺ​ភ្នែក ៧ រូប ។ យើង​អាច​ចុះទៅ​តំបន់ ជនបទ ដើម្បី​ជួយ​ពិនិត្យ​សុខភាព​ភ្នែក​របស់​អ្នកស្រុក​ដោយ​ផ្លាស់​វេន ។ យើង​បានទទួល​បរិក្ខារ ពេទ្យ​ថ្មី ដែល​ផ្តល់​ការងាយស្រួល​ដ៏​ច្រើន​ក្នុងការ​ពិនិត្យ​ជំងឺ​ឱ្យ​អ្នកស្រុក ។ ក្រោយពី​អនុវត្ត​គោល នយោបាយ​កាត់បន្ថយ​ភាពក្រីក្រ​តាមរយៈ​ការអនុវត្ត​គម្រោង​សុខាភិបាល​មាន​គ្រូពេទ្យ​ឆ្នើម​ដ៏​ច្រើន ដែល​មកពី​ក្រុង​សៀង​ហៃ និង​មន្ទីរពេទ្យ​ថ្នាក់​ខេត្ត​មក​ធ្វើការ​នៅទីនេះ ។​បច្ចេកទេស​របស់ គ្រូពេទ្យ​ក្នុង​មន្ទីរពេទ្យ​ថ្នាក់ស្រុក​ក៏បាន​ត្រូវ​លើកកម្ពស់​ជា​បន្តបន្ទាប់​ដែរ ។ គោលនយោបាយ កាត់បន្ថយ​ភាពក្រីក្រ​បានធ្វើឱ្យ​តំបន់​ជនបទ​ប្រែ​មុខ​ប្រែ​មាត់​យ៉ាងខ្លាំង ៕ ដោយ ស្យូ​ង យ៉ាន ឈូ តុង​ហួ លី ហ៊ឺ​ង​ឈាំ​ង និង លី វិ​ន​ជូន​

លោក យូ ឆាវ​ឈី​ង កំពុង​ពិនិត្យ​សុខភាព​ឱ្យ​អ្នកស្រុក​ក្នុង​តំបន់ ។​

ទីតាំងផ្សាយពាណិជ្ជកម្ម

- Advertisment -

Most Popular

កម្ពុជា​-​ឥណ្ឌា​បន្ដ​វេទិ...

ដោយ​: ជា សីហៈ​/​ភ្នំពេញ​៖...

ឃាត់​ចិន​៥​នាក់ និង វៀតណា...

​  ដោយៈ​ស​រិ​ទ្ធ​/​ភ្...

ក្រសួងទេសចរណ៍​ផ្សព្វផ្សាយ...

ដោយ​:​ជា​សីហ​:/​ភ្នំពេញ​:...

ឃាត់​ស្ត្រី​ម្នាក់​ដែល​បង...

​ដោយៈ​ស​រិ​ទ្ធ​/​ភ្នំពេញៈ...