​លោក​ហ៊ុន​ម៉ា​ណែ​ត​៖​មេដឹកនាំ​ដែល​ត្រឹមត្រូវ​គឺ​នាំឱ្យមាន​លំនឹង​ស្ថិរភាព​សង្គម​និង​ការអភិវឌ្ឍ​

ដោយៈ​មុនី​រ័ត្ន​/​ភ្នំពេញៈ​លោក​ឧ​ត្ត​ម​សេនីយ៍​ឯក​ហ៊ុន​ម៉ា​ណែ​ត​អគ្គ​មេបញ្ជាការរង​នៃ​កងយោធពល​ខេមរភូមិន្ទ និង​ជា​មេបញ្ជាការ​កងទ័ពជើងគោក បាន​បញ្ជាក់ថា មេដឹកនាំ​ដែល​ត្រឹមត្រូវ និង​មាន​ទឹកចិត្ត គឺជា​កត្តា​កំណត់​នាំឱ្យមាន​លំនឹង​ស្ថិរភាព​សង្គម​និង​ការអភិវឌ្ឍ​។​

​ប្រជាពលរដ្ឋ​ខ្មែរ​ទាំងអស់​អាច​រួបរួមសាមគ្គី​គ្នា​ក្រោម​ស្មារតី​តែមួយ​ថែរក្សា​សេចក្តីសុខ​និង​ការរីកចម្រើន​របស់​ប្រទេសជាតិ​យើង​។​ការបញ្ជាក់​នេះ​បានធ្វើ​ឡើង​ក្នុង​ពិធី​សម្ពោធ​ពុទ្ធរូប​ព្រះអង្គ​ធំ​និង​សមិទ្ធិផល​នានា ក្នុង​វត្ត​និគ្រោធារាម នៅ​ឃុំ​ពាមជីកង ស្រុក​កងមាស ខេត្តកំពង់ចាម កាលពី​ថ្ងៃទី​០៥ ខែមករា ឆ្នាំ​២០២០​។​

​លោក​ឧ​ត្ត​ម​សេនីយ៍​ឯក ហ៊ុន ម៉ា​ណែ​ត បាន​បន្តថា ពេលខ្លះ​យើង​អាច​មើលមិនឃើញ ឬ​ចាប់អារម្មណ៍ និង​ឱ្យ​តម្លៃ​តិច​បំផុត​ចំពោះ​អ្វីដែល​មានតម្លៃ​បំផុត​នៅក្នុង​ជីវិត​យើង ដូចជា​សន្តិភាព​ជាដើម​។ សន្តិភាព ជា​របស់​មនុស្សជាតិ​ទាំងអស់គ្នា យើង​អាចរ​ស់បាន​ដោយសារ​សន្តិភាព ហើយ​វា​មានតម្លៃ​ណាស់ នៅពេលដែល​វា​បាត់បង់​។​

​ប៉ុន្តែ​យ៉ាងណាក៏ដោយ​ឆ្លងតាម​សភាពការណ៍​ជាក់ស្តែង​កន្លងមក​ក៏បាន​បង្ហាញ​ដែរ​ថា​ប្រជាពលរដ្ឋ​ខ្មែរ​ភាគច្រើន​បាន​យល់ច្បាស់​និង​ឱ្យ​តម្លៃ​លើ​សេចក្តីសុខ​និង​សន្តិភាព​របស់​ប្រទេសជាតិ​គឺ​សន្តិភាព​ដែល​សម្រេចបាន​ដោយ​នយោបាយ​ឈ្នះ​-​ឈ្នះ​របស់​សម្តេច​តេ​ជោ​និង​ការចូលរួម​របស់​ប្រជាពលរដ្ឋ​ទូទាំងប្រទេស​។​

សន្តិភាព​នេះ​គឺជា​សមិទ្ធិផល​រួម​ប្រកប​ដោ​មោទនភាព​របស់​ប្រជាពលរដ្ឋ​យើងទាំងអស់គ្នា​ហើយ​មិន​ធ្លាប់មាន​ឡើយ​នៅក្នុង​ប្រវត្តិសាស្ត្រ​ជាង​៥០០​ឆ្នាំ​របស់​កម្ពុជា​។​សូម​អរគុណ​សន្តិភាព​ដែល​កំពុងមាន​នេះ​,​សូម​អរគុណ​ដល់​អ្នក​ជួយ​រក​សន្តិភាព​និង​សូម​ចូលរួម​ទាំងអស់គ្នា​ថែរក្សា​ការពារ​ឱ្យ​ខាន​តែ​បាន​។​

លោក​បាន​បញ្ជាក់ថា បញ្ហា​ប្រឈម និង​ការខ្វះខាត​ក៏​នឹង​បន្ត​កើតមាន​ជា​ដរាប ប៉ុន្តែ​អ្វីដែល​សំខាន់ គឺ​ការ​មាន​ទឹកចិត្ត និង​ការយកចិត្តទុកដាក់​ចូល​រួម​ជួយ​ចែករំលែក និង​ដោះស្រាយ​បញ្ហា​ទាំងអស់គ្នា ។​ដើម្បី​បង្កលក្ខណៈ​ឱ្យ​យើង​មានឱកាស​និង​លទ្ធភាព​បន្ត​កសាង​និង​អភិវឌ្ឍ​ទៅមុខទៀត​ដោយ​អ្វីៗ​គ្រប់យ៉ាង​គឺ​ធ្វើ​ដើម្បី​ប្រជាពលរដ្ឋ​។​

​នេះ​គឺជា​គោលដៅ​របស់​រាជរដ្ឋាភិបាល​ដែល​ដឹកនាំ​ដោយ​សម្តេច​តេ​ជោ​នាយករដ្ឋមន្ត្រី​ដែល​ចង់ឱ្យ​ប្រជាពលរដ្ឋ​រស់នៅក្នុង​សុខ​សុភមង្គល​សប្បាយរីករាយ​និង​ទទួលបាន​ការបម្រើ​សេវា​សាធារណៈ​ល្អប្រសើរ​លើ​គ្រប់​វិស័យ​៕S/​

ទីតាំងផ្សាយពាណិជ្ជកម្ម

- Advertisment -

Most Popular

រោងភាពយន្ត លេ​ជិន ផ្អាក​ប...

​ដោយៈ សុផល / ភ្នំពេញៈ រោង...

ក្រោយ​ការធ្វើ​តេស្ត​ជំងឺ​...

​ដោយ​៖ ទេព មង្គល / ភ្នំពេ...

ថ្នាក់ដឹកនាំ​និង​មន្ត្រី​...

ដោយៈ​ដេប៉ូ​/​ភ្នំពេញៈ​ថ្ន...

ក្រសួង​អប់រំ​ប្រកាស​ផ្អាក...

​ដោយ​:​សុផល​/​ភ្នំពេញៈ​ដើ...