Home ព័ត៌មានអន្តរជាតិ ចិន​ថា​ការផ្ទ...

ចិន​ថា​ការផ្ទុះ​ជំងឺ​រលាក​សួត គឺ​មិនមែន​ជា​ជំងឺ​ផ្លូវដង្ហើម​ធ្ងន់ធ្ងរ​ឬ​ជំងឺផ្តាសាយបក្សី​ទេ​

​ចិន កាលពី​ថ្ងៃអាទិត្យ​ថ្ងៃទី​៥​ខែ​មករា​បាន​និយាយថា ការផ្ទុះ​ជំងឺ​រលាក​សួត​ដ៏​អាថ៌កំបាំង​ដែល​បាន​ធ្វើឱ្យ​ប៉ះពាល់​ដល់​មនុស្ស​៥៩​នាក់ គឺ​មិនមែន​ជា​ជំងឺ​ផ្លូវ​​ដង្ហើម​ធ្ងន់ធ្ងរ​(​ជំងឺ​Sars )​ដែល​បាន​សម្លាប់​មនុស្ស​រាប់រ​យ​នាក់​កាលពី​ជាង​មួយ​ទសវត្សរ៍​កន្លង​ទៅ​នោះ​ទេ​។​

​ការឆ្លង​ជំងឺ​នេះ​ត្រូវបាន​រាយការណ៍​ជា​លើកដំបូង​កាលពី​សប្តាហ៍​មុន​នៅ​ទីក្រុង​វូ​ហាន​ប្រទេស​ចិន ដែលនាំឱ្យ​មាន​ការភ័យខ្លាច​និង​មាន​ការរំពឹង​អំពី​ការ​កើត​​ឡើងវិញ​នៃ​វីរុស​ជំងឺ​Sars ដែល​អាច​បង្ក​ការឆ្លង​រាលដាល​ខ្លាំង​។​

​គណៈកម្មការ​សុខ​ភាព​នៃ​ក្រុង​វូ​ហាន បាន​និយាយថា​”​យើង​បាន​ច្រានចោល​នូវ​ការលើកឡើង​នៅលើ​បណ្តាញ​ទំនាក់ទំនង​សង្គម​ថា វា​ជា​ជម្ងឺ​ផ្លូវដង្ហើម​ធ្ងន់​​ធ្ង​រ​(Sars)​ឬ​ជា​រោគសញ្ញា​ផ្លូវដង្ហើម​(​ជំងឺ​Mers)​ដែល​កើត​នៅ​មជ្ឈិមបូព៌ា​”​។​

​កាលពី​ថ្ងៃ​ពុធ​ប៉ូលិស​ក្រុង​វូ​ហាន បាន​និយាយថា​ពួកគេ​បាន​ដាក់ទោស​មនុស្ស​៨ នាក់​ពី​បទ​ផ្សព្វផ្សាយ​ឬ​បញ្ជូន​ព័ត៌មាន​មិន​ពិត​តាម​ប្រព័ន្ធ​អ៊ី​ន​ធឺ​ណែ​ត​។ គណៈ​​កម្ម​ការ​សុខាភិបាល​នេះ បាន​និយាយថា អ្នកជំងឺ​៧​នាក់​ក្នុងចំណោម​៥៩ នាក់​មាន​ជំងឺ​ធ្ងន់ធ្ងរ ប៉ុន្តែ​គ្មាន​នរណា​ម្នាក់​បាន​ស្លាប់​ទេ​។ អ្នក​ទាំងអស់​នោះ​កំពុង​​ត្រូវបាន​ព្យាបាល​នៅ​ដាច់​ដោយឡែក​ពីគ្នា​។​

​ការផ្ទុះ​ជំងឺ​រលាក​សួត​នេះ បាន​កើត​ឡើង​រវាង​ថ្ងៃទី​១២​និង​២៩​ខែ​ធ្នូ នៅ​ទីក្រុង​វូ​ហាន​ហើយ​រហូត​មកដល់ពេលនេះ មិន​បាន​ភស្តុតាង​អំពី​ការឆ្លង​ជំងឺ​នេះ ពី​​មនុស្ស​ទៅ​មនុស្ស​នោះ​ទេ​៕​ប្រែ​សម្រួល​៖​សុខា​/sn

មន្ត្រី​សុខាភិបាល ប្រើប្រាស់​ឧបករណ៍​វាស់​កំដៅ​ដើម្បី​ពិនិត្យមើល​អ្នកដំណើ​រដែ​ល​មកដល់​អាកាសយានដ្ឋាន​ក្រុង​ហុងកុង​ក្រោយ​លេច​ឮ​ព័ត៌មាន​អំពី​ការ​​កើត​ជម្ងឺ​ផ្លូវដង្ហើម​ដ៏​អាថ៌កំបាំង​នៅ​ចិន​

ទីតាំងផ្សាយពាណិជ្ជកម្ម

- Advertisment -

Most Popular

យី ធា អតីត​ពេទ្យ​ខ្មែរក្រ...

​ហ៊ាន ពិសី​៖ អ្នកស្រា...

ហេដ្ឋារចនាសម្ព័ន្ធ​ធារាសា...

ដោយៈ​ប​.​ខុន​/​ភ្នំពេញៈ​រ...

ព្រឹត្តិការណ៍​ជាតិ​សំខាន់...

ដោយ​: ម៉េង​ឆៃ​/ ភ្នំពេញ​:...

បន្ទាប់ពី​រកឃើញ​កូ​វីដ​១៩...

ដោយៈ​មុនី​រ័ត្ន​,គូលែន/​ភ...