ដោយសុផល/ភ្នំពេញ៖ ការទទួលបាននូវចំណេះដឹង និងព័ត៌មាននាពេលបច្ចុប្បន្នមានច្រើនបែបយ៉ាង តែការអានសៀវភៅ នៅតែជាផ្នែកមួយក្នុងការផ្ដល់ចំណេះដឹង ដែលគ្មានអ្វីអាចមកជំនួសបានឡើយ ជាពិសេសការអានសៀវភៅមិនត្រឹមតែផ្ដល់នូវចំណេះដឹងតែមួយមុខនោះទេវាថែមទាំងផ្ដល់នូវអត្ថប្រយោជន៍ ១0 យ៉ាង ផ្សេងទៀតផងដែរ។
អ្នកចូលចិត្តអានសៀវភៅនិងអ្នកដែលមិនទាន់ចាប់ផ្ដើមអានសៀវភៅទាំងអស់គួរតែមកចូលរួមពិព័រណ៍សៀវភៅធំបំផុត និងមិនធ្លាប់មានពីមុននៅកម្ពុជា ដែលនឹងរៀបចំធ្វើឡើងចាប់ពីថ្ងៃទី ៩ ខែមករា រហូតដល់ថ្ងៃទី២០ ខែមករា ឆ្នាំ២០២០ ចាប់ពីម៉ោង ៩ ព្រឹក ដល់ម៉ោង ១២ អធ្រាត្រនៅ ផ្សាររុងរឿង ដែលស្ថិតនៅក្នុងសង្កាត់ជ្រោយចង្វាររាជធានីភ្នំពេញ។ហេតុអ្វីបានជាការអានសៀវភៅមានអត្ថប្រយោជន៍ ហើយយើងគួរតែបណ្ដុះទម្លាប់នៃការអានសៀវភៅបន្ថែមទៀតនោះ?
ខាងក្រោមនេះគឺផលប្រយោជន៍ទាំង១០ដែលបានមកពីការអានសៀវភៅ៖១.ដុះខាត់សតិរបស់អ្នកតាមរយៈការផ្តោតអារម្មណ៍ទៅលើពាក្យនៅក្នុងខ្សែរឿងនៃសៀវភៅវារំញោចដល់ខួរក្បាលរបស់អ្នក។ការរំញោចនេះអាចជួយដុះខាត់សតិរបស់អ្នកជាពិសេសផ្នែកនៃខួរក្បាលដែលទទួលខុសត្រូវចំពោះការផ្តោតអារម្មណ៍និងការវិភាគ។
២.បង្កើនវាក្យសព្ទ(ពាក្យ)ថ្មីៗនៅពេលអានសៀវភៅអ្នកអាចនឹងជួបពាក្យថ្មីៗមួយចំនួនដែលអ្នកមិនយល់ឬមិនដែលស្គាល់ពីមុនមកដែលអាចនាំឱ្យអ្នកឈានទៅរកស្វែងរកនិយមន័យនៃពាក្យទាំងនោះ។៣.កាត់បន្ថយភាពតានតឹងការអាននិងផ្តោតលើពាក្យដែលសរសេរក្នុងសៀវភៅអាចជួយបន្ធូរអារម្មណ៍របស់អ្នកពីសម្ពាធផ្សេងៗដោយសារតែទង្វើនេះវាបានទាញចិត្តរបស់អ្នកឲ្យចាក់ចេញពីភាពតានតឹងទៅកាន់សៀវភៅនៅក្នុងដៃរបស់អ្នកវិញ។
ដូចនេះអ្នកអាចសម្រាកនិងភាពតានតឹងដែលអ្នកមាននឹងរលាយបាត់។៤.កាត់បន្ថយជំងឺបាក់ទឹកចិត្តការអានសៀវភៅជាពិសេសសៀវភៅជួយខ្លួនឯងអាចជួយការពារកុំឲ្យកើតមានជំងឺបាក់ទឹកចិត្ត។ដូចគ្នាទៅនឹងការបន្ថយកម្រិតស្ត្រេសដែរការអានសៀវភៅគឺបានរំញោចទៅផ្នែកនៃខួរក្បាលដែលទាក់ទងនឹងការបាក់ទឹកចិត្តផងដែរ។
៥.ធ្វើឱ្យប្រសើរឡើងនូវការចងចាំនិងការផ្តោតអារម្មណ៍ការអានសៀវភៅយ៉ាងហោចណាស់តែបន្តិចមួយទំព័រក្នុងមួយថ្ងៃជារៀងរាល់ថ្ងៃអាចជួយបង្កើនការផ្តោតអារម្មណ៍និងមុខងារចងចាំរបស់អ្នក។ការអានសៀវភៅជួយជំរុញខួរក្បាលឲ្យសកម្មជាពិសេសផ្នែកនៃខួរក្បាលដែលជួយដល់ការចងចាំនិងការយកចិត្តទុកដាក់។៦.ពង្រឹងសមត្ថភាពសរសេរអត្ថបទមិនថាអ្នកសរសេរអត្ថបទសម្រាប់ការងារឬគ្រាន់តែដើម្បីភាពរីករាយនោះទេការអានសៀវភៅច្រើនអាចបង្កើនជំនាញនិងសមត្ថភាពក្នុងការសរសេររបស់អ្នក។
មានវិធីជាច្រើនដែលការអានសៀវភៅអាចជួយពង្រឹងជំនាញក្នុងការសរសេររបស់អ្នកហើយវិធីទាំងនេះកើតឡើងដោយឯកឯងសម្បីតែរូបអ្នកក៏មិនដឹងផង។៧.បង្កើនការស្រមើលស្រមៃរបស់អ្នកអ្នកនឹងពិចារណាអំពីពិភពលោកនិងតួអង្គនៅក្នុងសៀវភៅប្រលោមលោកដែលអ្នកកំពុងអាន។ដោយសារតែពិភពលោកនិងតួអង្គនៅក្នុងសៀវភៅវាបានជំរុញផ្នែកនៃខួរក្បាលរបស់អ្នកដែលផ្ទុកដោយការស្រមើលស្រមៃត្រូវបានរំញោចដែលបណ្តាលឱ្យភាពស្រមើលស្រមៃកាន់តែដូចទៅនឹងរូបភាពនិងពាក្យដែលសរសេរនៅក្នុងសៀវភៅ។
៨. ជួយឲ្យគេងលក់ស្កប់ការអានសៀវភៅ បានជួយឱ្យអ្នកលំហែរអាម្មរណ៏ និងបំបាត់ភាពតានតឹង ដូចនេះ ការអានសៀវភៅ អាចជួយឱ្យអ្នកគេងលក់ស្កប់ស្កល់ក្នុងដំណេក។ វាហាក់ដូចជាមិនគួរឲ្យជឿ តែជាការពិតការអានពិតជាអាចជួយឱ្យអ្នកគេងលក់ស្រួលមែន។បើមិនជឿអ្នកអាចសាកល្បងបាន។
៩.រីករាយជាមួយការកម្សាន្តនិងស្ងប់អារម្មណ៍អ្នកអានសៀវភៅទាំងអស់ដឹងថាការអានសៀវភៅអាចឲ្យមានអារម្មណ៍ស្ងប់និងនាំឱ្យមានអារម្មណ៍ធូរស្បើយ។តាមរយៈការបញ្ចូលអារម្មណ៍របស់អ្នកទៅក្នុងសៀវភៅល្អណាមួយក្បាលអ្នកស្ទើរតែអាចមានអារម្មណ៍ថាភាពតានតឹងឬកង្វល់ទាំងឡាយត្រូវបានរលាយបាត់។១០.ការអានសៀវភៅធ្វើឲ្យស្រស់ស្រាយនៅក្នុងជីវិតប្រចាំថ្ងៃសៀវភៅអាចផ្ដល់នូវសេចក្តីរីករាយដល់ជីវិតប្រចាំថ្ងៃ។
ការអានសៀវភៅគឺផ្ដល់នូវគុណប្រយោជន៍ដ៏ធំធេងទាំងសុខភាពផ្លូវចិត្តនិងរាងកាយហើយថែមទាំងអាចជួយឱ្យជីវិតប្រចាំថ្ងៃរបស់អ្នកស្រស់ស្រាយផងដែរ។ការអានសៀវភៅពិតជាមានអត្ថប្រយោជន៍ខ្លាំងណាស់ដូច្នោះសូមកុំខកខានឱកាសនេះក្នុងការស្វែងរកសៀវភៅថ្មីៗល្អៗនៅក្នុងកម្មវិធីតាំងពិព័រណ៍សៀវភៅBigBadWolfនៅទីក្រុងភ្នំពេញដែលនឹងចាប់ផ្ដើមពីថ្ងៃទី៩រហូតដល់ថ្ងៃទី២០ខែមករាចាប់ពីម៉ោង៩ព្រឹកដល់ម៉ោង១២អធ្រាត្រនៅផ្សាររុងរឿងស្ថិតនៅក្នុងសង្កាត់ជ្រោយចង្វាររាជធានីភ្នំពេញ៕S/
