Home ព័ត៌មានអន្តរជាតិ ហ្វីលីពីន​ត្រ...

ហ្វីលីពីន​ត្រៀម​ជម្លៀស​កម្មករ​របស់​ខ្លួន​នៅ​ប្រទេស​អ៊ីរ៉ាក់​និង​អ៊ីរ៉ង់​

​ប្រធានាធិបតី​ហ្វីលីពីន​លោក​រ៉ូ​ឌ្រី​ហ្គោ ឌុយ​ទែត​បានបញ្ជាឱ្យ​កងទ័ព​ត្រៀម​បញ្ជូន​យន្តហោះ និង​នាវា​របស់ខ្លួន​ដោយ​រង់ចាំ​តែ​មាន​បញ្ជា​ដើម្បី​ជម្លៀស​កម្មករ​​ហ្វីលីពីន​រាប់ពាន់​នាក់​នៅ​ប្រទេស​អ៊ីរ៉ាក់​និង​អ៊ីរ៉ង់ ដោយ​មាន​ការភ័យខ្លាច​ខ្លាំង​ឡើង​អំពី​ការផ្ទុះ​អំពើហិង្សា​នៅ​មជ្ឈិមបូព៌ា​។​

​ប្រទេស​អាស៊ី​មួយ​ចំនួន​ទៀត​ដែល​មាន​ចំនួន​កម្មករ​ច្រើន​ធ្វើការ​នៅ​មជ្ឈិមបូព៌ា ក៏​អាច​នឹង​ការសម្រេចចិត្ត​ស្រដៀង​គ្នា​នេះ​ផងដែរ ចំ​ពេល​ភាព​តានតឹង​​កើន​ឡើង​រវាង​សហរដ្ឋ​អាម៉េរិក​និង​អ៊ីរ៉ង់​បន្ទាប់​ពី​ការវាយប្រហារ​តាម​អាកាស​ដោយ​អាម៉េរិក​កាលពី​សប្តាហ៍​មុន​​បានសម្លាប់ ឧត្តមសេនីយ៍​អ៊ីរ៉ង់​ម្នាក់​នៅ​ទីក្រុង​បា​ដា​ត​។​

​ក្រសួងការបរទេស​កូរ៉េខាងត្បូង​បាន​និយាយ​កាលពី​សប្តាហ៍​មុន​ថា​ខ្លួន​នឹង​បង្កើន​សន្តិសុខ​ដល់​ជនជាតិ​របស់​ខ្លួន​ប្រមាណ​ជា​១.៦០០ នាក់​នៅ​ប្រទេស​អ៊ីរ៉ាក់​ ដែល​ពួកគេ​ភាគច្រើន​ធ្វើការ​នៅតាម​ការដ្ឋាន​សំណង់​។ ចំណែក​អ្នកនាំពាក្យ​ក្រសួងការបរទេស​ឥណ្ឌា បាន​និយាយថា ឥណ្ឌា​មិន​មាន​គម្រោង​ជម្លៀស​ពលរដ្ឋ​​ណា​ម្នាក់​ចេញពី​តំបន់​ដែល​ងាយ​រងគ្រោះ​នោះ​នៅឡើយ​ទេ​។​

​បន្ទាប់​ពី​ការវាយប្រហារ​តាម​អាកាស​នេះ អ៊ីរ៉ង់​បាន​ប្តេជ្ញា​សងសឹក​ហើយ ប្រធានាធិបតី​អាម៉េរិក​ដូណាល់​ត្រាំ​បានព្រមានថា កងទ័ព​អាម៉េរិក​នឹង​វាយបក​វិញ​​ទៅលើ​គោលដៅ​អ៊ីរ៉ង់​ចំនួន​៥២​គោលដៅ ប្រសិនបើ​ជនជាតិ​អាមេរិក​ស្ថិតនៅក្រោម​ការវាយប្រហា​រ​៕ ​ប្រែ​សម្រួល​៖​សុខា​/sn

លោក រ៉ូ​ឌ្រី​ហ្គោ ឌុយ​ទែត​ធ្វើ​កិច្ចប្រជុំជា​បន្ទាន់ជា​មួយ​ក្រុម​មន្ត្រី​យោធា​និង​ប៉ូលិស​ជាន់ខ្ពស់​កាលពី​ថ្ងៃអាទិត្យ ដើម្បី​ពិភាក្សា​អំពី​ផែនការ​ជម្លៀស​នេះ​

ទីតាំងផ្សាយពាណិជ្ជកម្ម

- Advertisment -



Most Popular