Home ព័ត៌មានជាតិ នយោបាយ សម្តេច​តេ​ជោ​...

សម្តេច​តេ​ជោ​ហ៊ុនសែន​ជំរុញ​ឲ្យ​បង់​ក្លា​ដេ​សរក​វិធីសាស្ត្រ​ទិញ​អង្ករ​ពី​កម្ពុជា​ក្នុងតម្លៃសមរម្យ​

ដោយ​៖​តារា​រិ​ទ្ធ​(​ភ្នំពេញ​)៖​ប្រមុខ​រាជរដ្ឋាភិបាល​កម្ពុជា​សម្តេច​អគ្គមហាសេនាបតី​តេ​ជោ ហ៊ុន សែន បានទទួល​ជួបពិភាក្សា​ការងារ​ជាមួយ​លោក មហាម៉ាត់ ហ្វា​រុក ខាន់ Muhammad Faruk Khan ប្រធាន​គណៈកម្មាធិការ​អចិន្ត្រៃយ៍​ទទួលបន្ទុក​កិច្ចការបរទេស​នៃ​សភា​បង់​ក្លា​ដេ​សនា​រសៀល​ថ្ងៃទី​៦ ខែ មករា ២០២០ នៅ​វិមាន​សន្តិភាព​ទីស្តីការ នាយករដ្ឋមន្ត្រី ។

​លោក អ៊ាង សុផល្លែត ជំនួយការ​ផ្ទាល់​សម្ដេច​តេ​ជោ​បាន​ឲ្យ​ដឹងថា​ក្នុងជំនួប​នេះ​លោក មហាម៉ាត់ ហ្វា​រុក​ខាន់ បាន​គោរព​ពាំ​នាំនូវ​បណ្តាំ​ផ្ញើ​សួរសុខទុក្ខ​និង​ជូនពរ សព្វ​សាធុការពរ​ជូន​សម្ដេច​អគ្គមហាសេនាបតី​តេ​ជោ​នាយករដ្ឋមន្ត្រី​និង​ជម្រាបជូន​សម្តេច​តេ​ជោ​ថា​លោក​បាន​ជួបពិភាក្សា​ប្រកបដោយ​ផ្លែផ្កា​ជាមួយនឹង​សម​ភាគី សភា​កម្ពុជា​ហើយ​ក្នុង​កិច្ច​ពិភាក្សាគ្នា​នេះ​ក៏បាន​ជំរុញ​និង​ពង្រឹង​ទំនាក់ទំនង​រវាង​សភា​និង​សភា​ពី​បង​ដែរ ។ លោក​គោរព​ជម្រាបជូន​សម្ដេច​តេ​ជោ​ដែរ​ថា​នៅ​ឆ្នាំ ២០២០ នេះ​កម្ពុជា​នឹង​ដឹកនាំ​កិច្ចប្រជុំ​កំពូល​អាស៊ី​អឺរ៉ុប​ហើយ​លោកស្រី​នាយករដ្ឋមន្ត្រី​បង់​ក្លា​ដេ​សនឹង​មក​ធ្វើ​ទស្សនកិច្ច​នៅ​កម្ពុជា​នៅពេលនោះ​ដើម្បី​ចូលរួម​នៅ ក្នុង​កិច្ចប្រជុំ​កំពូល​អាស៊ី​អឺរ៉ុប​នៅក្នុង​ព្រះរាជាណាចក្រ​កម្ពុជា​។​

​ជាការ​ឆ្លើយតប​សម្ដេច​តេ​ជោ​បាន​ថ្លែងអំណរគុណ​ជូន​ចំពោះ​លោក មហាម៉ាត់​ចំពោះ​ការនាំមក​នូវ​ពាក្យ​ផ្ដាំផ្ញើ​សួរសុខទុក្ខ​និង​ជូនពរ​សព្វ​សាធុការពរ​ពី​លោកស្រី នាយករដ្ឋមន្ត្រី​។​សម្ដេច​បាន​សំដែង​នូវ​ការរីករាយ​យ៉ាងខ្លាំង​ចំពោះ​ទំនាក់ទំនង​រវាង​ប្រទេស​ទាំងពីរ​ហើយ​ជាពិសេស​ការលើកកម្ពស់​ទំនាក់ទំនង​រវាង​ប្រទេស​កម្ពុជា​និង​ប្រទេស​បង់​ក្លា​ដេ​ស ។ សម្ដេច​តេ​ជោ​បាន​មានប្រសាសន៍​បន្តថា​យើង​គប្បី​ណា​ជំរុញ​ការផ្លាស់ប្តូរ​ដំណើរ​ទស្សនកិច្ច​របស់​ថ្នាក់ដឹកនាំ​និង​មន្ត្រី​របស់​ប្រទេស ទាំងពីរ​ដើម្បី​ធ្វើយ៉ាងណា​ឲ្យ​មានការ​យល់ដឹង​គ្នា​កាន់តែខ្លាំង​ឡើង​ខ្ពស់​និង​ទំនាក់ទំនង​កាន់តែខ្លាំង​ឡើង​ក្នុងន័យ​ស្វែងរក​នូវ​កិច្ចសហប្រតិបត្តិការ​ផ្សេង​រួមទាំង​កិច្ច សហប្រតិបត្តិការ​លើ​វិស័យសេដ្ឋកិច្ច​វិនិយោគ​និង​ពាណិជ្ជកម្ម​ផង​។

​សម្ដេច​តេ​ជោ​បាន​មានប្រសាសន៍ថា​កន្លងមក​សម្ដេច​បាន​ស្វែងយល់​អំពី​តម្រូវ​របស់​ប្រទេស​បង់​ក្លា​ដេ​ស​ដែល​មានបំណង​ស្វែងរក​ទិញ​អង្ករ​ពី​កម្ពុជា​ក្នុងនេះ​។​សម្ដេច​បាន​មានប្រសាសន៍ថា​គប្បី​រក​វិធីសាស្ត្រ​ដើម្បី​អាច​ទិញ​អង្ករ​ពី​កម្ពុជា​បាន​នូវ​តម្លៃ​ដ៏​សមស្រប​មួយ​នោះ​គឺ​តាម​វិធី​ដែល​ប្រជាជន​ឬក៏​អ្នកវិនិយោគ​បង់​ក្លា​ដែ​ស អាចមក​វិនិយោគ សង់​ឃ្លាំង រោង​ម៉ាស៊ីនកិនស្រូវ និង ប្រមូល​ទិញស្រូវ​ពី​ប្រជាជន​ផ្ទាល់​តែម្ដង ដើម្បី​ធ្វើការ​កិន​នាំ​ចេញទៅ​ប្រទេស បង់​ក្លា​ដែ​ស​ដែល​ក្នុងន័យនេះ តម្លៃ​អង្ករ​របស់​កម្ពុជា​នឹង​អាចមាន​តម្លៃ​ប្រកួតប្រជែង​ជាមួយ​ប្រទេស​ដទៃទៀត​ផង ៕

ទីតាំងផ្សាយពាណិជ្ជកម្ម

- Advertisment -

Most Popular

ប្រជាពលរដ្ឋ​ងាយ​រងគ្រោះ​ច...

ដោយ​: ទេ​ពក​ង្រី / កំពង់ឆ...

រដ្ឋបាល​ខណ្ឌ​ពោធិ៍​សែន​ជ័...

ដោយ​៖ រ៉ា​ម៉ន / ភ្នំពេញ​៖...

បុរស​ម្នាក់​ចាប់រំលោភ​កូន...

​ដោយ​: សម្បត្តិ / ភ្នំពេញ...

ប៉ូលិស​បង្ក្រាប​ក្រុម​ជួញ...

​ដោយ​: មុនី​រ័ត្ន / ភ្នំព...