Home ព័ត៌មានជាតិ នយោបាយ ​មី​ទ្ទិញ​អបអ...

​មី​ទ្ទិញ​អបអរ​ខួប ៤១ ឆ្នាំ​ទិវា​ជ័យជម្នះ ៧​មករា​បានចាប់ផ្តើម​ហើយ​ក្រោម​អធិបតីភាព​របស់​សម្តេច​តេ​ជោ ហ៊ុន សែន

ដោយ​៖​តារា​រិ​ទ្ធ​(​ភ្នំពេញ​)៖​នៅ​ព្រឹក​នេះ​ថ្នាក់ដឹកនាំ​មហាជន​ប្រមាណ​៣ម៉ឺន​នាក់​នៅ​រាជ ធានី​ភ្នំពេញ​បានមក​ជួបជុំគ្នា​នៅមុខ​មហោស្រព​កោះ​ពេជ្រ​ដើម្បី​ប្រារព្ធ​ទិវាមហា​ជ័យជម្នះ​៧​មករា ខួប​៤១​ឆ្នាំ នា​ព្រឹក​ថ្ងៃទី​៧ ខែមករា ឆ្នាំ​២០២០​នេះ ​។ ថ្ងៃ​៧​មករា កាលពី ៤១ ឆ្នាំមុន​គឺជា​ថ្ងៃ​ដែល​ប្រជាជន​កម្ពុជា​នៅ​ទូទាំងប្រទេស​ដែល នៅ​សេសសល់​ពី​ការកាប់សម្លាប់​នៃ​របប​ប្រល័យពូជសាសន៍ ប៉ុល ពត មហា​ឃោរឃៅ​។​

​នៅវេលា​ម៉ោង៧៖២០ នាទី​សម្តេច​អគ្គមហាសេនាបតី​តេ​ជោ ហ៊ុន សែន ប្រធាន​គណបក្ស​ប្រជាជន​កម្ពុជា​និង​ជា​នាយករដ្ឋមន្ត្រី​នៃ​ព្រះរាជាណាចក្រ​កម្ពុជា​បាន អញ្ជើញ​ដល់​កន្លែង​ប្រារព្ធ​ពិធី​ក្រោម​ការស្វាគមន៍​ពីស​ម្តេច​អគ្គ​មហា​ពញា​ចក្រី ហេង សំរិន ប្រធានកិត្តិយស​គណបក្ស​ប្រជាជន​កម្ពុជា​និង សម្តេច​អនុប្រធាន​គណ បក្ស​ប្រជាជន​កម្ពុជា និង អង្គ​មី​ទ្ទិញ​ទាំងមូល ។​

​ការ​ប្រារព្ធ​ពិធី​ដ៏​មហោឡារិក​នេះ​ឡើង​ដើម្បី​រំឭក​នូវ​ការចងចាំ​មិន​ឤ​ច​បំភ្លេចបាន​ចំពោះ​មហា​ឧក្រិដ្ឋកម្ម​ដ៏​សាហាវព្រៃផ្សៃ​បំផុត​នៃ​របប​កម្ពុជា​ប្រជាធិបតេយ្យ​របស់ ពួក ប៉ុល ពត ដែល​បាន​ប្រព្រឹត្ត​មកលើ​មាតុភូមិ​និង​ប្រជាជន​កម្ពុជា​ក្នុង​ស្មារតី​គោរព​ដឹងគុណ​យ៉ាង​ជ្រាលជ្រៅ​ចំពោះ​យុទ្ធជន​យុទ្ធ​នារី​និង​អ្នកស្នេហាជាតិ​ទាំង ឡាយ​ដែល​បានធ្វើ​ពលិកម្ម​ប្រកបដោយ​វីរភាព ក្នុង​ការតស៊ូ​ផ្តួលរំលំ​របប​ប្រល័យពូជសាសន៍​និង​ការពារ​មិនឱ្យ​របប​នេះ​ឤ​ច​វិល​ត្រឡប់មក​កម្ពុជា​ជាថ្មី​វិញ​បាន​។ ព្រមជាមួយ​ការ​លំឱនកាយវាចា​ចិត្ត គោរព​ដល់​វិញ្ញាណក្ខន្ធ​របស់​ជនរួមជាតិ​រាប់លាន​នាក់​ដែល​ត្រូវបាន​សម្លាប់​យ៉ាង​អយុត្តិធម៌​បំផុត​នៅក្នុង​របប​ដ៏​យង់ឃ្នង​នា ពេលនោះ​ហើយ​ឧទ្ទិស​បួងសួង​សូមឱ្យ​ដួង​វិញ្ញាណក្ខន្ធ​របស់លោក​អ្នក​ទាំងអស់នោះ បាន​ទៅកាន់​សុគតិភព​ជា​រៀង​ដរាប​។​

​មហា​ជ័យជម្នះ ៧ មករា​បាន​សង្គ្រោះ​ទាន់ពេលវេលា​នូវ​ឤ​យុ​ជីវិត​ប្រជាជន​កម្ពុជា​រាប់លាន​នាក់​ដែល​នៅ​រង់ចាំតែ​សេចក្តីស្លាប់ បានធ្វើឱ្យ​រាល់​តម្លៃ​ទាំង​ខាង​ស្មារតី និង​សម្ភារៈ​របស់​ប្រជាជាតិ​ខ្មែរ​ដែល​ត្រូវបាន​កសាង​ពូន​ជ្រំ​ក្នុង​ប្រវត្តិសាស្ត្រ​រាប់ពាន់​ឆ្នាំ​របស់ខ្លួន​ហើយ​បាន​ស្រកស្រុត​ស្ទើរ​រលាយ​សាបសូន្យ​បាត់អស់​នៅក្នុង​របប ប្រល័យពូជសាសន៍ ប៉ុល ពត គ្រានោះ​រស់​ឡើង​មកវិញ​បាន​បិទ​ទំព័រ​ដ៏​ខ្មៅ​ងងឹត​បំផុត​នៃ​ប្រវត្តិសាស្ត្រ​កម្ពុជា​ហើយ​បើក​ឡើង​នូវ​សករាជ​ថ្មី​គឺ សករាជ​នៃ​ឯករាជ្យ សេរីភាព ប្រជាធិបតេយ្យ​និង​វឌ្ឍនភាព​សង្គម​ជូន​ដល់​ប្រជាជាតិ​ដ៏​កំសត់​មួយ​នេះ និង បាន​ផ្តល់ជូន​ប្រជាជន​កម្ពុជា​នូវ​សិទ្ធិសេរីភាព​គ្រប់យ៉ាង ក្នុងការ​ធ្វើជា​ម្ចាស់ លើ​ជោគវាសនា​របស់ខ្លួន​ពិតប្រាកដ ។ លើសពីនេះ​ទៀត​មហា​ជ័យជម្នះ ៧ មករា ១៩៧៩ ក៏បាន​រួមវិភាគទាន​ដ៏​សកម្ម​ដល់​សន្តិភាព​និង​ស្ថិរភាព​នៅក្នុង​តំបន់ ផងដែរ ។ ប្រជាជន​កម្ពុជា​បាន​ប្រសិទ្ធ​នាម​ថា ថ្ងៃ ៧ មករា ១៩៧៩​គឺជា​ថ្ងៃកំណើត​ទី​ពីរ​របស់ខ្លួន បើ​គ្មាន​ជ័យជម្នះ ៧ មករា​ក៏​យើង​គ្មានអ្វីៗ​នៅថ្ងៃនេះ​ដែរ ។ នេះ​ជា​សច្ចធម៌​ប្រវត្តិសាស្ត្រ​ដែល​គ្មាន​ជន​ណា ឬ កម្លាំង​ណា​ឤ​ចមក​បំភ្លៃ​ឬ​បំផ្លាញ​បានឡើយ​។​

​ជា​ការពិត​ជ័យជម្នះ ៧ មករា ១៩៧៩ សម្រេច​បានមក​ដោយ​ឈរលើ​មូលដ្ឋាន​នៃ​ការ​គួបផ្សំ​យ៉ាង​ស្អិតរ​មួ​ត​រវាង​កម្លាំង​ពីរ​គឺ​កម្លាំង​មហា​សាមគ្គី​ជាតិ​របស់​កម្ពុជា ក្រោម​ការដឹកនាំ​របស់​គណបក្ស​ប្រជាជន​កម្ពុជា​និង​ការជួយឧបត្ថម្ភ​យ៉ាង​ធំធេង​ទាន់ពេល​និង​មាន​ប្រសិទ្ធភាព​ពី​សំណាក់​កងទ័ព​ស្ម័គ្រចិត្ត​វៀតណាម​។​បើ​គ្មាន​ការគួបផ្សំ​នៃ​កម្លាំង​ទាំងពីរ​នេះ​ទេ​គឺ​ពិតជា​មិន​ឤ​ច​មាន​មហា​ជ័យជម្នះ​៧​មករា​១៩៧៩​បានឡើយ ។​ឈរលើ​មូលដ្ឋាន​ជា​អ្នកប្រតិបត្តិ​ព្រះពុទ្ធសាសនា​ប្រជាជន​កម្ពុជា ពិតជា​អរគុណ​ចំពោះ​រដ្ឋាភិបាល កងទ័ព និង​ប្រជាជន​វៀតណាម ដែល​បាន​ឆ្លើយតប​ទៅនឹង​ការអំពាវនាវ​របស់រ​ណ​សិរ្ស​សាមគ្គី​សង្គ្រោះ​ជាតិ​កម្ពុជា​ក្នុង​ការតស៊ូ រំដោះប្រទេស​និង​ប្រជាជន​កម្ពុជា​ពីរ​បប​ប្រល័យពូជសាសន៍ និង​បាន​បន្ត​ជួយ​ទប់ស្កាត់​មិនឱ្យ​របប​នេះ​វិលត្រឡប់​មកវិញ​បាន ។ គុណូបការៈ​ដ៏​ថ្លៃថ្លា​នេះ​ត្រូវបាន ចារិក​ទុកជា​និច្ច​នៅក្នុង​ប្រវត្តិសាស្ត្រ​ជាតិ​កម្ពុជា ៕

ទីតាំងផ្សាយពាណិជ្ជកម្ម

- Advertisment -

Most Popular