ដោយ: គ្រញូង / បាត់ដំបង: នារសៀលថ្ងៃទី៦ខែមករា២០២០ នៅទីស្នាក់ការសាខាកាកបាទក្រហមកម្ពុជា បាត់ដំបង លោក ងី សែត ប្រធានស្តីទីគណៈកម្មាធិការសាខាតំណាងលោកបណ្ឌិត ប៊ុត គឹមស៊ាន ប្រធានគណៈកម្មាធិការសាខា និងសហការី បានទទួលជួបពិភាក្សាជាមួយប្រតិភូមន្ទីរពេទ្យបាងកកចាន់បុរី (ព្រះរាជាណាចក្រថៃ) ដឹកនាំដោយលោក SOMCHAI POONWAKOL ប្រធានមន្ទីរពេទ្យ និងសហការី ដើម្បីពិភាក្សាការងារ ស្តីពីការពង្រឹងនិងពង្រីកកិច្ចសហការរវាងសាខាកាកបាទក្រហមកម្ពុជាខេត្តបាត់ដំបង (កម្ពុជា)និងមន្ទីរពេទ្យមន្ទីរពេទ្យបាងកកចាន់បូរី (ប្រទេសថៃ)។
លោក ងី សែត មានប្រសាសន៍ថ្លែងអំណរគុណចំពោះប្រតិភូមន្ទីរពេទ្យបាងកកចាន់បុរី ដែលបានចំណាយពេលវេលាជួបសំណេះសំណាយ និងពិភាក្សាការងារ ដើម្បីពង្រឹងនិងពង្រីកមិត្តភាព សាមគ្គីភាពក្នុងកិច្ចសហការ រួមគ្នាដើម្បីបំពេញសកម្ម ភាពមនុស្សធម៌ រវាងប្រទេសយើងទាំង២។
ក្នុងឱកាសនេះដែរ លោក SOMCHAI POONWAKOLប្រធានមន្ទីរពេទ្យបាងកកបានសម្តែងនូវអំណរអរគុណចំពោះ លោកប្រធានស្តីទីគណៈកម្មាធិការសាខាដែលបានទទួលស្វាគមន៍ គណៈប្រតិភូមន្ទីរពេទ្យបាងកកចាន់បុរីយ៉ាងយកចិត្តទុកដាក់ និងបានជួយបង្កលក្ខណៈងាយស្រួលគ្រប់បែបយ៉ាង ក្នុងកិច្ចសហកាក្នុងការរៀបចំកម្មវិធីការរត់ម៉ារ៉ាតុងនាពេលខាងមុនដែល មាន ឈ្មោះ ថា «Run for Battambang » នេះឡើង គឺដើម្បីបានថវិការួមទិញឧបករណ៍បរិក្ខារពេទ្យ ជូនមន្ទីរពេទ្យ យោធភូមិភាគទី៥ ខេត្តបាត់ដំបងផងដែរ។ ក្នុងគោលបំណង៖ ដើម្បីលើកទឹកចិត្តប្រជាជនកម្ពុជា ឱ្យហាត់ប្រាណដើម្បីឱ្យមានរាងកាយមាំមួន និងមានសុខភាពល្អ និងដើម្បីរកប្រាក់ចំណូលក្នុងការចូលរួមចំណែកទិញឧបករណ៍ និងបរិក្ខាពេទ្យសម្រាប់មន្ទីរពេទ្យយោធាភូមិភាគ៥។
ចុងក្រោយថ្នាក់ដឹកនាំទាំងពីរបានជូនវត្ថុអនុស្សាវរីយ៍គ្នាទៅវិញទៅមកផងដែរ៕ ល
