ភ្នំពេញ៖ តារាសម្តែងកញ្ញា ម៉ារី គ្រាន់តែចូលឆ្នាំថ្មី២០២០ភ្លាមលេងដូររថយន្តទំនើប Lexus RX 2020 ដែលមានតម្លៃជាង១៥ម៉ឺនដុល្លារ បើកយ៉ាងសប្បាយធ្វើឱ្យអ្នកគាំទ្រចាប់អារម្មណ៍ យ៉ាងខ្លាំង។
ដើមឆ្នាំ២០២០មិនទាន់បានប៉ុន្មានថ្ងៃផង តារាសម្តែងសិចស៊ីកញ្ញា ម៉ារីបានធ្វើឱ្យមហាជន ចាប់អារម្មណ៍កាន់តែខ្លាំងបន្ថែមទៀតដោយកញ្ញាដូររថយន្តទំនើបតម្លៃជាង១៥ម៉ឺនដុល្លារ យ៉ាងរំភើយ ខណៈកេរ្តិ៍ឈ្មោះតារាសម្តែងរូបនេះ ត្រូវបានអ្នកគាំទ្រ ចាប់អារម្មណ៍ខ្លាំងគួរសម។
កញ្ញា ម៉ារី បានប្រាប់រស្មីកម្ពុជាកាលពីថ្ងៃទី០៦ ខែមករា ឆ្នាំ២០២០ ថា សម្រាប់នាងការពិតចង់ បានប្រភេទរថយន្តស៊េរីនេះយូរហើយ នាងចាំដល់ឆ្នាំថ្មីទើបសម្រេចចិត្តទិញតែម្តង។ រថយន្តនេះ ជាកាដូឆ្នាំថ្មីសម្រាប់នាង ក៏ដូចជាលើកទឹកចិត្តខ្លួនឱ្យសប្បាយចិត្តនិងខំប្រឹងធ្វើការ ងាររកស៊ីទៅមុខខ្លាំងទៀត។ កាដូនេះអ្នកម្តាយរបស់នាង ផ្តល់ជូននាងសម្រាប់ឆ្នាំ២០២០។ នាងពិតសប្បាយចិត្តខ្លាំងណាស់ដែលអ្នកម្តាយនាងយល់ចិត្តទិញរថយន្ត Lexus RX 2020 ជូននាង។
សូមបញ្ជាក់ថា កញ្ញា ម៉ារី ឈ្មោះពិតគឺ “ឡុង ថារី” ជាតារាសម្តែងដែលបានប្រឡូកក្នុង វិស័យសម្តែងជាច្រើនរឿងមកហើយ ខណៈរូបនាងត្រូវបានមហាជនស្គាល់ក្នុងរឿងរបស់ ផលិតកម្មអិលឌី។ តារាស្រីរូបនេះក៏ទទួលប្រជាប្រិភាពនិងទីផ្សារកាន់តែខ្លាំងផងដែរក្នុងរឿង ភាគរបស់ស្ថានីយទូរទស្សន៍ជាច្រើនផងដែរ។
សូមរំលឹកផងដែរថា តារាសម្តែងរូបនេះជាកូនស្រីអ្នកជំនួញ និងមានមុខរបរផ្ទាល់បើកហាង លក់គ្រឿងសង្ហារឹមពីឈើប្រណិតៗ ហើយកាលពីថ្មីៗនេះ នាងទើបឡើងផ្ទះវីឡាក្នុងបុរីអ័រគីដេ តម្លៃជាង៣០ម៉ឺនដុល្លារអាមេរិក។
ដោយល្បីនៅក្នុងវិស័យសម្តែងមិនអស់នោះ កញ្ញា ម៉ារី ជាងតារាបង្ហាញម៉ូតដែលលេចធ្លោ ហើយមានទីផ្សារការងារជាច្រើនពេញចិត្តនឹងនាង ខណៈទាំងរូបរាងនិងរូបសម្រស់របស់នាង ត្រូវបានអ្នកដឹកនាំកម្មវីធីសរសើរពេញចិត្តយកថតនិងដើរម៉ូត៕ ដោយៈ បូរិន
