Home ព័ត៌មានអន្តរជាតិ អូស្ត្រាលី​ពង...

អូស្ត្រាលី​ពង្រឹង​ការការពារ ខណៈ​ការខូចខាត​ដោយ​ភ្លើង​ឆេះ​ព្រៃ​កើនឡើង​

​អ្នក​ពន្លត់​អគ្គិភ័យ​អូស្ត្រាលី​បាន​ប្រើប្រាស់​អាកាសធាតុ​ត្រជាក់​នៅ​ថ្ងៃ​អង្គារ​ទី​៧​ខែ​មករា​នេះ​ដើម្បី​ព្យាយាម​ទប់ស្កាត់​ភ្លើង​ឆេះ​ព្រៃ​ជិត ២០០​កន្លែង​នៅ​តំបន់​​ភាគ​អាគ្នេយ៍​នៃ​ប្រទេស​អូស្ត្រាលី ខណៈ​ដែល​លោក​ស្កត់ ម័រ​រី​សុន នាយករដ្ឋមន្ត្រី​បាន​ត្រៀម​ជួប​ជាមួយ​នាយក​ប្រតិបត្តិ​ក្រុមហ៊ុន​ធានារ៉ាប់រង​និង​ធនាគារ​​ដើម្បី​ពិភាក្សា​អំពី​វិបត្តិ​នេះ​។​

​ភ្លើង​ឆេះ​ព្រៃ​នេះ បាន​ឆេះ​បំផ្លាញ​ដីព្រៃ​ជាង​៨​លាន​ហិច​តា​នៅ​ទូទាំង​ប្រទេស​អូស្ត្រាលី​ដោយ​បាន​សម្លាប់​មនុស្ស​២៥​នាក់​និង​បំផ្លាញ​ផ្ទះ​រាប់ពាន់​ខ្នង​ហើយ​មនុស្ស​​រាប់ពាន់នាក់ បាន​ក្លាយ​ជា​ជន​គ្មាន​ទីជម្រក​។​

​ក្រុមប្រឹក្សា​ធានារ៉ាប់រង​អូស្ត្រាលី​បាន​បង្កើន​ការប៉ាន់ស្មាន​របស់​ខ្លួន​ចំពោះ​ការអះអាង​ទារ​សំណង​និង​បណ្តឹង​អំពី​ការខូចខាត​ដោយ​អគ្គិភ័យ គឺ​អស់​ទឹកប្រាក់​៧០០ លាន​ដុល្លារ​អូស្ត្រាលី (៤៨៥,៥៩ លាន​ដុល្លារ​អាម៉េរិក​)​នៅ​ថ្ងៃ​អង្គារ​នេះ​ដោយ​មាន​ការវាយតម្លៃ​ថា​ចំនួន​ការខូចខាត​នេះ​នឹង​កើនឡើង​បន្ថែម​ទៀត​នៅពេល​​ដែល​តំបន់​ដែល​រងគ្រោះ​ដោយ​ភ្លើង​ឆេះ​បន្ថែមទៀត នឹង​ត្រូវ​បាន​រាយការណ៍​។​

​កាលពី​ថ្ងៃ​ចន្ទ លោកនាយក​រដ្ឋមន្ត្រី បាន​សន្យា​ផ្តល់​ប្រាក់​២​ពាន់​លាន​ដុល្លារ​អូស្ត្រាលី​ដល់​ភ្នាក់ងារ​ពន្លត់ភ្លើង​និង​ការជួយ​សង្គ្រោះ​ជាតិ​ដែល​ទើប​បង្កើត​ថ្មី​ដើម្បី​​ដោះស្រាយ​បញ្ហា​ភ្លើង​ឆេះ​ព្រៃ​នេះ​៕​ប្រែ​សម្រួល​៖​សុខា​/sn

ទីតាំងផ្សាយពាណិជ្ជកម្ម

- Advertisment -

Most Popular