ក្រសួងមហាផ្ទៃ​អនុញ្ញាតឱ្យ​អតីតមន្ត្រី​បក្សប្រឆាំង​បង្កើត​គណបក្ស​ខ្មែរ​ស្រឡាញ់​ជាតិ​

ដោយៈ​មុនី​រ័ត្ន​/​ភ្នំពេញៈ​នៅ​ទីបំផុត​ក្រសួងមហាផ្ទៃ​អនុញ្ញាតឱ្យ​អតីតមន្ត្រី​ជាន់ខ្ពស់​នៃ​អតីត​គណបក្ស​សង្គ្រោះ​ជាតិ បង្កើត​គណបក្ស​ខ្មែរ​ស្រឡាញ់​ជាតិ ជា​ផ្លូវការ​ហើយ​កាលពី​ថ្ងៃទី​៦ ខែមករា ឆ្នាំ​២០២០​។ ការអនុញ្ញាត​នេះ គឺ​បន្ទាប់ពី​បានដាក់​ពាក្យស្នើសុំ​បង្កើត​គណបក្ស​ទៅ​ក្រសួងមហាផ្ទៃ កាលពី​ថ្ងៃទី​០២ ខែមករា ឆ្នាំ​២០២០​។

សម្តេច​ក្រឡាហោម សខេង​ឧបនាយករដ្ឋមន្ត្រី​រដ្ឋ​មន្ត្រី​ក្រសួងមហាផ្ទៃ​កាលពី​ថ្ងៃទី​៦​ខែមករា​ឆ្នាំ​២០២០ បាន​ជម្រាបជូន​លោក​ខឺ​យ​ស៊ី​នឿន​តំណាង​ស្ថាបនិក​គណបក្ស​ខ្មែរ​ស្រឡាញ់​ជាតិ​ថា​ក្រសួងមហាផ្ទៃ​អនុញ្ញាតឱ្យ​បង្កើត​គណបក្ស​ខ្មែរ​ស្រឡាញ់​ជាតិ​ឈ្មោះ​សរសេរ​ជា​អក្សរ​កាត់​(​គ​.​ខ​.​ស​.​ជ​)​។​មាន​ទីស្នាក់ការ​តាំងនៅ​ផ្ទះ​លេខ​១៧ បេ​១០ ផ្លូវលំ ភួ​មិ​ទួល​រកា សង្កាត់​ចាក់អង្រែ​ក្រោម ខណ្ឌមានជ័យ​រាជធានី​ភ្នំពេញ ស្របតាម​បទ​ប្បញ្ញត្តិ​ដូច​មានចែង​ក​ក្នុង​វាក្យខណ្ឌ​ទី​១ មាត្រា​៩ នៃ​ច្បាប់​ស្តីពី​គណបក្សនយោបាយ​។​

សម្តេច​ក្រឡាហោម​សខេង​បាន​បញ្ជាក់ថា​ដើម្បី​ទទួលបាន​សុពលភាព​និង​អាចធ្វើ​សកម្មភាព​ស្របតាម​ច្បាប់​ស្តីពី​គណបក្សនយោបាយ គណបក្ស​ខ្មែរ​ស្រឡាញ់​ជាតិ ត្រូវ​ស្នើសុំ​ចុះបញ្ជី​នៅ​ក្រសួងមហាផ្ទៃ ស្របតាម​វាក្យខណ្ឌ​ទី​២​មាត្រា​៩​មាត្រា​១៨​ថ្មី​មាត្រា​១៩​ថ្មី​និង​មាត្រា​២០​នៃ​ច្បាប់​ស្តីពី​គណបក្សនយោបាយ​។​

សូមជម្រាបថា គណបក្ស ខ្មែរ​ស្រឡាញ់​ជាតិ “​អក្សរ​កាត់ គ​.​ខ​.​ស​.​ជ “ បាវចនា សេរីភាព យុត្តិធម៌ ប្រជាធិបតេយ្យ ឈ្មោះ​ជា​ភាសាបរទេស Cambodian Nation Love Party (CNLP)​។​លោក​ខឺ​យ ស៊ី​នឿន​តំណាង​ស្ថាបនិក​គណបក្ស​ខ្មែរ​ស្រលាញ់​ជាតិ​បាន​ថ្លែងប្រាប់​រស្មី​កម្ពុជា​ថា​ការបង្កើត​គណបក្ស​ថ្មី​នេះ​ត្រូវបាន​បង្កើតឡើង​តាម​សំណូមពរ​របស់​ប្រជាពលរដ្ឋ​ខ្មែរ​សកម្មជន​អតីត​គណបក្ស​សង្គ្រោះ​ជាតិ អ្នកប្រជាធិបតេយ្យ​និង​អ្នកស្នេហាជាតិ​ដែល​យើងខ្ញុំ​ទាំងអស់គ្នា​បាន​ចុះ​តាម​មូលដ្ឋាន​បាន​ជួប​ពួកគាត់​អស់​រយៈពេល​កន្លងមក​៕S/​

ទីតាំងផ្សាយពាណិជ្ជកម្ម

- Advertisment -

Most Popular

យាន​ស្រាវជ្រាវ​របស់​ចិន​ច...

​ប្រែ​សម្រួល : កញ្ញា​ដា​ល...

ទើប​ចេញពី​ពន្ធនាគារ បាន ៩...

ដោយៈ ប​.​ជ័យ / បន្ទាយ​មាន...

តុលាការ​ថៃ​ព្រមាន​ទុក​នៅ​...

​ប្រែ​សម្រួលៈ​វាសនា​/​បាង...

សម្តេច​ចក្រី ហេង សំរិន រំ...

ដោយៈ​បូព៌​ព្រឹក្ស​/​ភ្នំព...