Home ព័ត៌មានអន្តរជាតិ ចំ​ពេល​ពេល​មា...

ចំ​ពេល​ពេល​មាន​ភាព​តានតឹង​ជាមួយ​អ៊ីរ៉ង់ អាម៉េរិក​ប្រុង​បញ្ជូន​យន្តហោះ​B-52 ទៅកាន់​ឌី​អេ​ហ្គោ ហ្កា​ស្យា​

​យោងតាម​របាយការណ៍ កងទ័ពអាកាស​អាម៉េរិក​កំពុង​ត្រៀម​បញ្ជូន​យន្តហោះ​ទម្លាក់​គ្រាប់បែក​ធុន​B-52 Stratofortress​ចំនួន​៦​គ្រឿង ទៅ​កាន់​កោះ​ឌី​អេ​ហ្គោ​​ហ្កា​ស្យា ដែល​ជា​មូលដ្ឋាទ័ព​អាម៉េរិកមួយ​នៅក្នុងម​ហា​សមុទ្រ​ឥណ្ឌា និង​ជា​ទីតាំង​ដែល​អាច​វាយប្រហារ​ដល់​ប្រទេស​អ៊ីរ៉ង់​។​

​មន្ត្រី​អាម៉េរិក​ម្នាក់​បាន​ប្រាប់​សារព័ត៌មាន​CNN​ថា ក្រសួង​ការពារជាតិ​អាម៉េរិក​នឹង​បញ្ជូន​យន្តហោះ​ទម្លាក់​គ្រាប់បែក​ធុន​ធ្ងន់​៦​គ្រឿង​ទៅ​កាន់​មូលដ្ឋាន​នៅ ឌី​អេ​ហ្គោ ហ្កា​ស្យា សំរាប់​ប្រឆាំង​អ៊ីរ៉ង់ បើសិនជា​មាន​ការបញ្ជា​អោយ​ធ្វើ​ដូច្នេះ​។​

​មូលដ្ឋាន​នេះ​នៅ​ចម្ងាយ​២.៣០០​ម៉ា​យ​ខាងត្បូង​ចុង​ខាងត្បូង​បំផុត​នៃ​ប្រទេស​អ៊ីរ៉ង់​តែ​អាច​ស្ថិត​ក្នុង​រង្វង់​វ៉ៃ​ប្រហារ​បាន​យ៉ាង​ល្អ​សំរាប់​បណ្តា​យន្តហោះ​ចាក់​សាំង​​កណ្តាល​អាកាស​។​កោះ​នេះ​ជា​កន្លែង​ឈប់​សំចត​តាម​ធម្មតា​សំរាប់​បណ្តា​យន្តហោះ​ទម្លាក់​គ្រាប់បែក​អាម៉េរិក​។​

​វា​ជា​ទឹកដី​អង់គ្លេស​មួយ​តែ រដ្ឋាភិបាល​អង់គ្លេស​បាន​ជួល​កោះ​តូច​ច្រឡឹង​នៅក្នុង​មហាសមុទ្រ​ឥណ្ឌា​នេះ​ទៅអោយ​អាម៉េរិក​ចាប់តាំងពី​ឆ្នាំ​១០៦៦​។​

​ប្រធានាធិបតី​អាម៉េរិក​បាន​និយាយ​កាលពី​ថ្ងៃអាទិត្យ​ថា អាម៉េរិក​ត្រៀម​វ៉ៃ​ប្រហា​រលើ​គោលដៅ​៥២​របស់​អ៊ីរ៉ង់ រួម​មាន​ទីតាំង​វប្បធម៌​សំខាន់ៗ​បើសិនជា​អ៊ីរ៉ង់​សង​​សឹក​អាម៉េរិក​ចំពោះ​ការសម្លាប់ មេបញ្ជាការ​កងកម្លាំង​គូត លោក​កា​សេម សូ​ឡេ​ម៉ានី​កាលពី​សប្តាហ៍​មុន​។​

​ស្ថាបនា​ដោយ​ក្រុមហ៊ុន​Boeing យន្តហោះ​ម៉ាស៊ីន​៨B-52​ជា​យន្តហោះ​ទម្លាក់​គ្រាប់បែក​ធំ​បំផុត​ក្នុង​យោធា​អាម៉េរិក ដោយ​វា​អាច​ផ្ទុក​សព្វាវុធ​ច្រើន​មុខ រួមមាន​​កាំជ្រួច​បណ្តែត គ្រាប់បែក​ធម្មតា និង​គ្រាប់បែក​បញ្ជា​នាំ​ផ្លូវ​ដោយ​កម្ម​រស្មី​ឡា​ហ្សែ​រ និង​សំខាន់​បំផុត គ្រាប់បែក​នុយគ្លេអ៊ែរ​៕​ប្រែ​ម​ស្រួល​៖​វាសនា​

ទីតាំងផ្សាយពាណិជ្ជកម្ម

- Advertisment -

Most Popular

សម្តេច​តេ​ជោ​នាយករដ្ឋមន្ត...

​ដោយៈ​តារា​រិ​ទ្ធ​,​មុនី​...

ប្រជាពលរដ្ឋ​ងាយ​រងគ្រោះ​ច...

ដោយ​: ទេ​ពក​ង្រី / កំពង់ឆ...

រដ្ឋបាល​ខណ្ឌ​ពោធិ៍​សែន​ជ័...

ដោយ​៖ រ៉ា​ម៉ន / ភ្នំពេញ​៖...

បុរស​ម្នាក់​ចាប់រំលោភ​កូន...

​ដោយ​: សម្បត្តិ / ភ្នំពេញ...