គូស្នេហ៍វ័យក្មេងជនជាតិរុស្ស៊ី មួយគូត្រូវបានប៉ូលិសចាប់ខ្លួននិងផាកពិន័យជាប្រាក់ពីបទរួមភេទ យ៉ាងអនាចារលើឆ្នេរខ្សាច់ប៉ាត់តាយ៉ា ប្រទេសថៃ ទាំងកណ្ដាលថ្ងៃចែសកាលពីថ្ងៃសៅរ៍ ចុងសប្ដាហ៍កន្លងទៅ។
ប៉ូលិសទេសចរណ៍ថៃ និយាយថា ពួកគេបានចាប់ខ្លួនយុវជនវ័យ ២៦ ឆ្នាំ និងស្រីស្នេហ៍វ័យ ១៩ ឆ្នាំលើឆ្នេរខ្សាច់ប៉ាត់តាយ៉ានៅម៉ោងជាបីរសៀលថ្ងៃសៅរ៍កន្លងទៅកណ្ដាលវាលដោយគ្មានកេរ្តិ៍ខ្មាស។
ពួកគេត្រូវបាននាំខ្លួនទៅកាន់ប៉ុស្តិ៍ប៉ូលិសហើយរងការចោទប្រកាន់ពីបទប្រព្រឹត្តអំពើអនាចារ នៅទីសាធារណៈ។ ប៉ូលិសបានផាកពិន័យពួកគេជាប្រាក់ក្នុងម្នាក់ៗចំនួន ៥.០០០ បាត (១៦៦ ដុល្លារអាម៉េរិក) ដែលជាការផាកពិន័យខ្ពស់បំផុតសម្រាប់បទល្មើសនេះ។
ប៉ូលិសទេសចរណ៍បានគូសបញ្ជាក់ថា គូស្នេហ៍នេះស្រវឹងស្រាហើយដោយសារឃើញស្ងាត់ ល្អគ្មានមនុស្ស ហើយម្យ៉ាងមានអារម្មណ៍ពុះកញ្ជ្រោលចង់រួមភេទពួកគេក៏ចាប់ផ្ដើមរួមភេទ តែម្ដងទៅ៕ ប្រែសម្រួលៈខុម
