ពិធីបុណ្យទឹកកកប្រចាំឆ្នាំនៅក្រុងហាពិន (Harbin) ប្រទេសចិន បានចាប់ផ្ដើមយ៉ាងអាធិកអាធ័ម ដោយមានស្វាមីភរិយាជាច្រើនគូតម្រង់ជួរគ្នាសម្រាប់អាពាហ៍ពិពាហ៍រួមអ្នកហែលទឹកក្លាហាន ចុះហែលទឹកកក និងរាជវាំងទឹកកកផុសឡើងចេញពីដីយ៉ាងអស្ចារ្យ។
មិនតែប៉ុណ្ណោះ កាំជ្រួចត្រូវបានគេបាញ់ច្រូងច្រាងជះពន្លឺភ្លឺព្រាកៗពេញមេឃដើម្បីស្វាគមន៍ ពិធីបុណ្យនេះកាលពីរាត្រីថ្ងៃអាទិត្យ ចុងសប្ដាហ៍កន្លងទៅ។ កូនកំលោះនិងកូនក្រមុំរហូតដល់ ទៅ ៤៣ គូបានតម្រង់ជួរគ្នារង់ចាំចូលរួមក្នុងអាពាហ៍ពិពាហ៍រួមចំណែកឯក្រុមអ្នកហែលទឹក ក្លាហានលោតចូលអាងទឹកកកក្នុងទន្លេសុងហ័រ (Songhua River) ក្រោមសីតុណ្ហភាពដក ៧ អង្សាសេនៅពេលរសៀល។
ពិធីបុណ្យព្រិលទឹកកកអន្តរជាតិក្រុងហាពិន (Harbin International Ice and Snow Festival) ក្នុងខេត្តហីឡុងជាំង (Heilongjiang) ឆ្នាំនេះត្រូវការទឹកកករហូតដល់ទៅ ១៧០.០០០ ម៉ែត្រគូបដែលកម្មករជាង ១០០ នាក់បានកាត់យកចេញពីទន្លេសុងហ័រ។
អញ្ចឹងតោះ! បើចង់ជ្រាបកាន់តែច្បាស់ សូមរីករាយទស្សនារូបភាពខាងក្រោមទាំងអស់គ្នា៕ ប្រែសម្រួលៈ ខុម
