Home ព័ត៌មានអន្តរជាតិ អំពើ​ហិង្សា​ន...

អំពើ​ហិង្សា​នៅ​សាកលវិទ្យាល័យ បង្ក​ឱ្យមាន​ការតវ៉ា​ជា​ថ្មី​នៅ​ទូទាំង​ប្រទេស​ឥណ្ឌា​

​ការតវ៉ា​ត្រូវបាន​ធ្វើឡើង​នៅ​ទូទាំង​ប្រទេស​ឥណ្ឌា​កាលពី​ថ្ងៃ​ចន្ទ​ទី​៦​មករា​បន្ទាប់ពី​ក្រុម​អ្នក​វាយប្រហារ​ប្រដាប់​ដោយ​ដំបង​ឈើ​និង​ដំបង​ដែក​បាន​ប្រព្រឹត្ត​​អំពើ​ហិង្សា​នៅ​សាកលវិទ្យាល័យ​មួយ នៅ​ក្រុង​ញូវដែលី ដោយ​ធ្វើឱ្យ​បួស​មនុស្ស​រាប់​សិប​នាក់​។​

​ភាពចម្រូងចម្រាស​ជុំវិញ​អំពើហិង្សា កាលពី​ថ្ងៃអាទិត្យ នៅ​សាកលវិទ្យាល័យ​ចា​វ៉ា​ហា​ឡាល់ នេ​រុ​(Jawaharlal Nehru )​បាន​ក្លាយជា​បញ្ហា​ប្រឈម​ជា​ថ្មី​មួយ​ចំពោះ​រដ្ឋា​​ភិ​បាល នៅ​ពេល​ខ្លួន​ប្រឈម​មុខ​នឹង​ការតវ៉ា​ទូទាំង​ប្រទេស​រួចជាស្រេច​ហើយ​ស្តីពី​ច្បាប់​សញ្ជាតិ​ថ្មី ដែល​ក្រុម​អ្នក​រិះគន់​និយាយថា​ប្រឆាំង​នឹង​ប្រជាជន​អ៊ីស្លាម​។​

​និស្សិត​មួយចំនួន​បាន​ស្តីបន្ទោស​ការវាយប្រហារ​សកល​វិទ្យាល័យ​នេះ​ទៅលើ​សកម្មជន​ស្តាំនិយម ប៉ុន្តែ​ពួកគេ​ក៏​បាន​ចោទប្រកាន់​ប៉ូលិស​ថា​មិនបាន​ធ្វើ​អ្វី​ដើម្បី​​បញ្ឈប់​អំពើហិង្សា​នេះ​ទេ​។​

​យ៉ាងហោច​ណាស់​សិស្ស​និង​គ្រូ​ចំនួន​២៨​នាក់​បាន​រងរបួស ខណៈ​ដែល​គ្រូពេទ្យ​ដែល​មក​ពី​មន្ទីរពេទ្យ​នៅក្បែរ​នោះ​ដែល​បាន​ទៅ​ព្យាបាល​ពួកគេ​ក៏​ត្រូវបាន​វាយ​​ប្រហារ​ផងដែរ​។​

​ប៉ូលិស​បង្ក្រាប​កុបកម្ម​កាលពី​ថ្ងៃ​ចន្ទ​បាន​ដើរល្បាត​នៅ​សាកលវិទ្យាល័យ​ដែល​ទទួលរង​ការខូចខាត​ដោយ​អំពើហិង្សា​នេះ​។ ប៉ូលិស​មិនបាន​ធ្វើ​ការចាប់ខ្លួន ​ប៉ុន្តែ​បាន​ស្តីបន្ទោស​អំពើហិង្សា​នេះ​ទៅលើ​ក្រុម​និស្សិត​ជា​គូប្រជែង​គ្នា​៕​ដោយ​៖​សុខា​/sn

មនុស្ស​ជាង​១.០០០​នាក់​ធ្វើ​ការតវ៉ា​នៅ​ទីក្រុង​មុំ​បៃ​ដើម្បី​តវ៉ា​ប្រឆាំង​ការវាយប្រហា​រលើ​និស្សិត​និង​គ្រូ​នៅ​សកល​វិទ្យាល័យ​ចា​វ៉ា​ហា​ឡាល់ នេ​រុ​

ទីតាំងផ្សាយពាណិជ្ជកម្ម

- Advertisment -

Most Popular