ដោយ: ភ្នំស្វាយ / បន្ទាយមានជ័យ: កាលពីថ្ងៃទី៥និង៦ ខែ មករា ឆ្នាំ២០២០ មន្ត្រីអាជ្ញាធរខេត្តបន្ទាយមានជ័យបានទៅសួរសុខទុក្ខអ្នករបួស និងបញ្ជូនសពកម្មកររងគ្រោះបាក់អគារកំពុងសាងសង់នៅខេត្តកែប។ កាលពីថ្ងៃទី៦ខែមករាដែរ សាខាកាកបាទក្រហមកម្ពុជាខេត្តនេះ ក៏បាននាំអំណោយទៅជូនគ្រួសារជនរងគ្រោះដល់ផ្ទះ ស្ថិតនៅភូមិដងត្រាងឃុំចំណោមស្រុកមង្គលបូរី។
លោក អ៊ុ រាត្រី អភិបាលខេត្តបន្ទាយមានជ័យនិងជាប្រធានគណៈកម្មាធិការសាខាកាកបាទក្រហមកម្ពុជាខេត្តបន្ទាយមានជ័យ រួមជាមួយលោក លោកស្រីសមាជិកព្រឹទ្ធសភា សមាជិករដ្ឋសភាប្រចាំមណ្ឌលខេត្តបន្ទាយមានជ័យ លោក លោកស្រីថ្នាក់ដឹកនាំមន្ទីរអង្គភាពជុំវិញខេត្ត ស្រុក បានអញ្ចើញចុះសួរសុខទុក ដល់គ្រួសារនៃសពនិងអ្នករបួសក្នុងឧបទ្ទហេតុរលំអាគារកំពុងសាងសងនៅខេត្តកែប កាលពីល្ងាចថ្ងែទី៣ ខែមករា ឆ្នាំ២០២០ កន្លងថ្មីៗនេះ។
សូមបញ្ជាក់ថាជនរងគ្រោះស្លាប់ និងរបួស ចំនួន៩នាក់គឺមានពីរគ្រួសារធំៗ ដែលទីលំនៅក្នុងភូមិដងត្រាងតែមួយនាឃុំចំណោមស្រុកមង្គលបូរីខេត្តបន្ទាយមានជ័យ។ ក្នុងនោះគ្រួសារទី១ -មានសមាជិកចំនួន៧ នាក់ ក្នុងនោះជនរងគ្រោះស្លាប់ស្លាប់៤នាក់ របួស៣នាក់ ។ និងគ្រួសារទី២ – មានសមាជិក២នាក់ ហើយរងរបួសទាំង២នាក់។
ជនរងគ្រោះដែលបានស្លាប់ទី១-ឈ្មោះ ឆន ផ្លយ ភេទប្រុស អាយុ២៤ឆ្នាំ។ ទី២ ឈ្មោះ ឆន ចាន់ណា ភេទស្រី អាយុ ២៦ឆ្នាំ។ ទី៣- ឈ្មោះ ពេញ សុផល ភេទប្រុស អាយុ១៥ឆ្នាំ និងទី៤-ឈ្មោះ ពេញ សាវី ភេទប្រុស អាយុ ៣០ឆ្នាំ។ អ្នកទាំង៤ខាងលើជាសាច់ញាត្តិបងប្អូននឹងគ្នា។ ឯ៥នាក់ទៀតរងរបួស ។
ថ្លែងក្នុងឱកាសនោះ លោក អ៊ុ រាត្រី ក្នុងនាមកាកបាទក្រហមខេត្ត ក្នុងនាមរដ្ឋបាលខេត្ត សូមចូល រួមរំលែកមរណៈទុក្ខ ដល់ក្រុមគញរួសារសពដែលមានទុក្ខយ៉ាងក្រៀមក្រំក្រៃលែង ដែលបានបាត់បង់កូន កូនប្រសារ ចៅ ដែលជាទីស្រឡាញ់របស់គ្រួសារបងប្អូនរងគ្រោះ ។ ក្នុងការចុះមកសាកសួរសុខទុក្ខ ក៏បាននាំយកនូវអំណោយមនុស្សធម៌ របស់កាកបាទក្រហមខេត្ត មកផ្តល់ជូនគ្រួសារសព រួមមានអង្ករ២០០ គីឡូក្រាម ត្រីខ ៨០កំប៉ុង មី៨កេស ទឹកស៊ីអ៊ីវ ២៤ដប ទឹកក្រូច១៥កេស ទឹកសុទ្ធ១៥កេស និងថវិការ ២លានរៀល ។
ដោយឡែកថវិកាមួយចំនួនទៀតបានមកពីរ សាលាខេត្តបន្ទាយមានជ័យ និងការរឌអង្គាសពីលោក លោកស្រី សមាជិកព្រឹទ្ធសភា រដ្ឋសភា អាជ្ញាធរស្រុក ឃុំ សរុបប្រមាណ៥លាន បន្ថែមទៀត។
នាថ្ងៃដដែលនេះផងដែរ អស់លោក លោកស្រី ក៏បានចូលរួមក្នុងពិធីដង្ហែរសពនិងបូជាសពតាមបែបព្រះពុទ្ធសាសនាផងដែរ៕ ល
