ដោយ៖កាំពី/ក្រចេះ៖កាលពីព្រឹកថ្ងៃទី៧ខែមករាឆ្នាំ២០២០នេះក្នុងបរិវេណស្នាក់ការគណបក្សប្រជាជនកម្ពុជាខេត្តក្រចេះបានរៀបចំពិធីអបអរសាទរទិវាខួបអនុស្សាវរីយ៍លើកទី៤១ឆ្នាំនៃជ័យជម្នះ៧មករា ។គឺជាខួប៤១ឆ្នាំនៃថ្ងៃជ័យជម្នះ៧មករាថ្ងៃដែលប្រជាពលរដ្ឋខ្មែរនៅទូទាំងប្រទេសបានរួចផុតពីចង្កូមមច្ចុរាជនៃរបបកម្ពុជាប្រជាធិបតេយ្យ។របបដឹកនាំដោយក្រុមប្រល័យពូជសាសន៍ប៉ុលពតដ៏សែនឃោរឃៅ។
សម្រាប់ខេត្តក្រចេះថ្នាក់ដឹកនាំគ្រប់លំដាប់ថ្នាក់និងប្រជាពលរដ្ឋទូទាំងខេត្តប្រារព្វទិវាខួបអនុស្សាវរីយ៍លើកទី៤១នៃថ្ងៃជ័យជម្នះ៧មករា១៩៧៩=៧មករា២០២០ក្នុងន័យរំលឹកដឹងគុណណូបការៈកម្មាភិបាលយុទ្ធជនយុទ្ធនារីដែលបានធ្វើពលីជីវិតសាច់ស្រស់ឈាមស្រស់ដើម្បីប្តូរយកនូវសន្តិភាព សេរីភាព ជូនជាតិមាតុភូមិ ។
ពិធីធ្វើឡើងក្រោមអធីបតីភាពលោកកិត្តិបណ្ឌិត ពេជ្រ ប៊ុនធិន រដ្ឋមន្ត្រីក្រសួងមុខងារសាធារណៈ និងជាប្រធានក្រុមការងារថ្នាក់កណ្តាលចុះជួយខេត្តក្រចេះ រួមលោក,លោកស្រីអ្នកតំណាងរាស្ត្រ ថ្នាក់ដឹកនាំគ្រប់លំដាប់ក្នុងខេត្ត រួមនិងការចូលរួមពីប្រតិភូប្រទេសវៀតណាម ខេត្ត ប៉ិញភឿក និងខេត្ត ប៉ិញ យឿង ៕S/
