Home ព័ត៌មានអន្តរជាតិ សិង្ហ​បុរី​បញ...

សិង្ហ​បុរី​បញ្ជូន​ឧទ្ធម្ភាគចក្រ​ទៅ​ជួយ​ពន្លត់ភ្លើង​ឆេះ​ព្រៃ​ដ៏​បំផ្លិចបំផ្លាញ​នៅ​អូស្ត្រាលី​

​សិង្ហបូរី​កំពុង​បញ្ជូន​ឧទ្ធម្ភាគចក្រ​ចំនួន​២ គ្រឿង​ដើម្បី​ជួយ​កិច្ច​ប្រឹងប្រែង​របស់​ប្រទេស​អូស្ត្រាលី​ក្នុង​ការឆ្លើយតប​នឹង​វិបត្តិ​ភ្លើង​ឆេះ​ព្រៃ​ដែល​បាន​សម្លាប់​​មនុស្ស ២៥​នាក់​និង​បំផ្លាញ​ដីព្រៃ​ជាង​៨​លាន​ហិច​តា​។​

​នាយករដ្ឋមន្ត្រី​អូស្ត្រាលី​លោក​ស្កត់ ម័រ​រី​សុន បាន​ថ្លែង​អរគុណ​ចំពោះ​សម​ភាគី​សិង្ហ​បុរី​របស់ លោក​គឺ លោក​លី សៀន​ឡុង​ចំពោះ​ផ្តល់​ការគាំទ្រ ដោយ​និយាយ​​ថា​ឧទ្ធម្ភាគចក្រ​Chinook ចំនួន​២ គ្រឿង​នឹង​ធ្វើដំណើរ​ទៅកាន់​រដ្ឋ​វិច​ធឺ​រៀ ។​

​រដ្ឋមន្ត្រីការបរទេស​សិង្ហ​បុរី លោក ង៉ អេង ហេន បាន​និយាយ​នៅលើ​ទំព័រ​ហ្វេ​សប៊ុក​ថា​ឧទ្ធម្ភាគចក្រ​Chinooks​ចំនួន​២ គ្រឿង​នេះ បាន​ហោះ​ចេញពី​ទីក្រុង​​គូ​គី​របស់​អូស្ត្រាលី ជាមួយនឹង​ទាហាន​សិង្ហ​បុរី​៤២​នាក់ ឆ្ពោះទៅកាន់​មូលដ្ឋាន​កងទ័ពអាកាស​East Sale នៅ​រដ្ឋ​វិធឺ​រៀ​​កាលពី​ព្រឹក​ថ្ងៃ​អង្គារ​ទី​៧​មករា​។​

​ភ្លើង​ឆេះ​ព្រៃ​រាប់រយ​កន្លែង កំពុង​ឆេះ​នៅ​ឡើង​នៅ​ទូទាំង​ប្រទេស​អូស្ត្រាលី​។ យន្តហោះ​និង​នាវា​យោធា​បាន​កំពុង​ជួយ​ជម្លៀស​ប្រជាជន​និង​ផ្តល់​ជំនួយ​សង្គ្រោះ​។​

​ភ្លើង​ឆេះ​ព្រៃ បាន​ឆេះ​បំផ្លាញ​ដីព្រៃ​ជាង​៨​លាន​ហិច​តា​និង​បាន​បំផ្លាញ​ផ្ទះ​អស់​ប្រមាណ​ជាង​២.០០០ ខ្នង​នៅ​ទាំង​ប្រទេស​នេះ ចាប់តាំងពី​ខែ​កញ្ញា​មក​។​ក្នុងការ​​ជួយ​ពន្លត់ភ្លើង​ឆេះ​ព្រៃ​នេះ មាន​ប្រទេស​ជាច្រើន​ទៀត​បាន​ចូលរួម​ដោយ​បញ្ជូន​អ្នក​ពន្លត់ភ្លើង​និង​ឧទ្ធម្ភាគចក្រ​ច្រើន​គ្រឿង​មក​កាន់​ប្រទេស​នេះ គឺមាន​​ប្រទេស​នូវែ​លសេ​ឡង់ សហរដ្ឋ​អាម៉េរិក​និង​កាណាដា ៕​ប្រែ​សម្រួល​៖​សុខា​/sn

ឧទ្ធម្ភាគចក្រ​យោធា​អូស្ត្រាលី ហោះ​ពីលើ​តំបន់​ភ្លើង​ឆេះ​ព្រៃ​នៅ​រដ្ឋ ញូ​វ សោត​វេលស៍ កាលពី​ថ្ងៃ​ចន្ទ​

ទីតាំងផ្សាយពាណិជ្ជកម្ម

- Advertisment -

Most Popular