កងទ័ព នឹងជីករណ្តៅដ៏ធំជាច្រើនដើម្បីកប់សត្វចៀមនិងគោក្របីជាង ១០០.០០០ក្បាលដែលបានងាប់ដោយសារភ្លើងឆេះព្រៃដើម្បីការពារជំងឺឆ្លងពីសត្វទៅមនុស្ស។
លោកដាវីត លីតថលប្រោត រដ្ឋមន្ត្រីគ្រប់គ្រងគ្រាអាសន្នបាននិយាយថាការជីកកប់សត្វងាប់ទាំងនេះគឺជាការងារបន្ទាន់ ។
ចំណែករដ្ឋមន្ត្រីកសិកម្ម លោកប្រ៊ីហ្កេត ម៉ាកកេនហ្ស៊ី បាននិយាយថា បសុពេទ្យ១០០នាក់ត្រូវបានបញ្ជូនទៅកាន់រដ្ឋទាំងឡាយដែលមានភ្លើងឆេះព្រៃ ដើម្បីធ្វើការវាយតម្លៃនិងសម្លាប់ចោលសត្វរាប់ពាន់ក្បាលដែលមានជំងឺនិងរបួស។
លោកបាននិយាយថា វិបត្តិភ្លើងឆេះព្រៃនេះ អាចបណ្តាលឱ្យសត្វទាំងអស់នេះងាប់ដោយសារកំដៅខ្លាំងនិងផ្សែងចេញពីភ្លើងឆេះព្រៃ។
ចំនួនសត្វងាប់នេះ ត្រូវបានរំពឹងថានឹងកើនឡើងបន្ទាប់ពីភ្លើងឆេះព្រៃ បានឆេះនៅទូទាំងរដ្ឋញូវ សោតវេលស៍ នៅចុងសប្តាហ៍នេះ៕ប្រែសម្រួល៖សុខា/sn
