ក្រុមហ៊ុន Lenovo បង្ហាញ កុំព្យូទ័រយួរដៃថ្មីអាចបត់អេក្រង់ចូលគ្នាបានលើកដំបូងលើពិភពលោក

ក្រុមហ៊ុន Lenovo កំពុងដាក់បង្ហាញដល់អ្នកចូលរួមក្នុងពិព័រណ៍ CES ឆ្នាំនេះនៅឡាសវេហ្គាស នូវកុំព្យូទ័រយួរដៃថ្មីពោរពេញដោយមហិច្ឆតារបស់ខ្លួន ដែលក្រុមហ៊ុនពិពណ៌នាថាជា “កុំព្យូទ័រអាចបត់បានលើកដំបូងនៅលើ​ពិភពលោក”។

មានឈ្មោះថា ThinkPad X1 Fold កុំព្យូទ័រនេះមើលភ្លាមគឺដូចជាថេប្លេតធម្មតា ដែលមានអេក្រង់ OLED ទំហំ ១៣,៣ អ៊ីញ។

នៅពេលភ្ជាប់ជាមួយក្តារចុចប៊្លូធូសឆក់ពីខាងក្រៅ ហើយដាក់វានៅលើតុធ្វើការ ពេលនោះ ThinkPad X1 Fold អាចប្រើការដូចជាកុំព្យូទ័រយួរដៃស្តង់ដារដែរ។

អ្នកប្រើក៏អាចបត់អេក្រង់ជាពីរផងដែរ ដោយអាចបិទវាដូចសៀវភៅឬពត់វាទៅមុំ ៩០ ដឺក្រេ។

នៅពេលអេក្រង់ត្រូវបានបត់នៅមុំត្រឹមត្រូវ វាអាចប្រើសម្រាប់ពហុមុខងារ ដោយកម្មវិធីមួយនឹងដំណើរការនៅអេក្រង់ខាងលើនិងមួយទៀតដំណើរការនៅលើអេក្រង់ខាងក្រោម។

ឧទាហរណ៍ជាក់ស្តែង អ្នកប្រើប្រាស់អាចភ្ជាប់ការហៅជាវីដេអូសន្និសីទ​នៅអេក្រង់ខាងលើ ខណៈបើកបញ្ជីឬឯកសារឱ្យដំណើរការនៅលើអេក្រង់​ខាងក្រោម។

ThinkPad X1 Fold ក៏មានក្តារចុចនិម្មិតមួយផងដែរ ដែលអាចទាញមកប្រើ​បានគ្រប់ពេល ក្នុងករណីពុំមានក្តារចុចខាងក្រៅ។

ក្រុមហ៊ុន Lenovo និយាយថា កុំព្យូទ័រ Fold នឹងលក់រាយក្នុងតម្លៃប្រហែល ២.៥០០ ដុល្លារ ហើយនឹងមានលក់នៅពាក់កណ្តាលឆ្នាំ ២០២០ ទោះបីជា​កាលបរិច្ឆេទជាក់លាក់មិនទាន់ត្រូវបានបញ្ចេញឱ្យដឹងក៏ដោយ៕ ដោយ៖ កញ្ញាដាលីស/Ha

ទីតាំងផ្សាយពាណិជ្ជកម្ម

- Advertisment -

Most Popular

កក​ ,​កក់​ ,​កក្កដ​ ,កករ​...

ដោយៈ​ដកស្រង់​ពី​វចនានុក្រ...

៥​ធ្នូ ទិវា​អន្តរជាតិ​នៃ​...

ដោយៈ សុផល​/ភ្នំពេញៈ នៅ​ថ្...

កម្ពុជា​-​ឥណ្ឌា​បន្ដ​វេទិ...

ដោយ​: ជា សីហៈ​/​ភ្នំពេញ​៖...

ឃាត់​ចិន​៥​នាក់ និង វៀតណា...

​  ដោយៈ​ស​រិ​ទ្ធ​/​ភ្...