ក្រុមហ៊ុន Mercedes នាំអ្នកដឹកនាំរឿង “Avatar” មកបង្ហាញរថយន្តគំរូបំផុសគំនិតចេញពីភាពយន្តនេះ អាចបើកបរពីចំហៀងបាន

ក្រុមហ៊ុន Mercedes Benz កំពុងប្រើថាមពលអគ្គិសនីដើម្បីផ្តល់កម្លាំងដល់រថយន្តគំរូរបស់ខ្លួនឈ្មោះថា Vizion AVTR។

នៅក្នុងពិព័រណ៍គ្រឿងអេឡិចត្រូនិច (CES) ក្នុងក្រុងឡាសវេហ្គាសកាលពីថ្ងៃចន្ទទី៦មករា ក្រុមហ៊ុន Daimler-Benz (ឬ Mercedes-Benz) បានបញ្ចេញនូវរថយន្តអគ្គិសនីថ្មីរាងប្លែករបស់ខ្លួន ដែលបំផុសគំនិតផលិតឡើងចេញពីខ្សែភាពយន្ត Avatar។

ដើម្បីជួយឱ្យគំនិតនេះប្រែក្លាយជារថយន្តពិតៗ ក្រុមហ៊ុន Daimler-Benz បានសុំអ្នកដឹកនាំរឿង Avatar លោក ជែម ខេមរ៉ូន ឱ្យជួយ។

លោកខេមរ៉ូន ដែលកំពុងផលិតវគ្គបន្ទាប់ទៀតនៃរឿង Avatar ដែលបានដាក់បញ្ចាំងដំបូងក្នុងឆ្នាំ ២០០៩ បានយកឱកាសនេះលើកមកនិយាយអំពីសារដ៏សំខាន់នៃចីរភាព និង របៀបដែលសារនេះរកឃើញផ្លូវរបស់វាដើម្បីក្លាយជារថយន្ត។

លោកខេមរ៉ូននិយាយថា “ខ្ញុំបានអង្គុយក្នុងរថយន្តគំរូនេះ នៅកន្លែងបញ្ជា ហើយវាមានអារម្មណ៍ដូចមានជីវិតអ៊ីចឹង វាចេះដកដង្ហើម វាពិតជាអស្ចារ្យ”។

រថយន្តអគ្គិសនីដ៏រលើបរលោងនេះ មានសមត្ថភាពបើកបរដោយស្វ័យប្រវត្តិ និងថែមទាំងអាចបើកបរពីចំហៀងបានទៀតដោយប្រើឧបករណ៍បញ្ជាហៅថា “Bionic Flap” ដែលយកគំរូតាមកន្ទុយសត្វល្មូន។

ឧបករណ៍បញ្ជានេះអនុញ្ញាតឱ្យកង់មុខនិងកង់ក្រោយបែរទៅចំហៀងទន្ទឹមគ្នា និងផ្តល់សមត្ថភាពដល់រថយន្ត VISION AVTR បើកទៅចំហៀងដោយរលូន។

រថយន្តនេះគ្មានចង្កូតទេ ដូច្នេះអ្នកបើកបរគ្រាន់តែដាក់ដៃលើកន្លែងបញ្ជា វានឹងចាប់ផ្តើមបញ្ឆេះម៉ាស៊ីនដោយស្វ័យប្រវត្តិ គឺដូចក្នុងរឿង Avatar យ៉ាងអ៊ីចឹង។

យោងតាមក្រុមហ៊ុនឱ្យដឹងថា ផ្ទៃខាងក្នុងចាប់ផ្តើមដំណើរការ និងស្គាល់អ្នកបើកបរដោយសារចង្វាក់បេះដូងនិងដង្ហើមរបស់អ្នកបើកបរ។

អ្នកបើកបរគ្រាន់តែលើកដៃ នោះបញ្ជីមួយនឹងលោតលើបាតដៃ ដើម្បីឱ្យអ្នកជិះជ្រើសរើសរបៀបឱ្យវាបើកបរដោយស្វ័យប្រវត្តិ៕ ដោយ៖ កញ្ញាដាលីស

ទីតាំងផ្សាយពាណិជ្ជកម្ម

- Advertisment -

Most Popular

ការប្រឡង​ឌី​ប្លូ​ម​២​ថ្ងៃ...

​ដោយ​:​ដេប៉ូ​/​ភ្នំពេញ​:​...

សម្តេច​ប្រធានរដ្ឋសភា​កម្ព...

ដោយៈ​ស្រីនាថ​,​សុផល​/​ភ្ន...

ពិតជា​ស្ចា​រ្យ​មែន​! អតិ...

ដោយ​៖ ដេប៉ូ / ភ្នំពេញ​៖ ប...

ដំរី​ឈ្មោល​ខា​វ៉ាន់​ពី​ប៉...

ដោយ​: ដេប៉ូ / ភ្នំពេញ​: ស...