ក្លឹបឆេលស៊ីនិងម៉េនឆេស្ទ័រ យូណាយធីតកំពុងប្រុងជើងការ បន្ទាប់ពីដឹងថា ខ្សែប្រយុទ្ធ អេឌីនសិន កាវ៉ានី (Edinson Cavani) នឹងមិនបន្តកិច្ចសន្យាជាមួយក្លឹប PSG ទេ។
កាវ៉ានី គឺជាខ្សែប្រយុទ្ធឆ្នើមក្នុងការរកគ្រាប់បាល់ ហើយរកបានច្រើនដល់១៩៨គ្រាប់ក្នុងការ បង្ហាញមុខ២៩០ប្រកួតសម្រាប់ក្លឹប PSG ។ ក្នុងវ័យ៣២ឆ្នាំ កាវ៉ានី ឈានដល់កម្រិតកំពូល នៃអាជីពរបស់ខ្លួន ហើយមានក្លឹបពីរនៅក្របខណ្ឌព្រីមីញ៉េលីកចង់បានកីឡាកររូបនេះ។
កាវ៉ានី នឹងមិនប្រាកដថា នឹងនៅបន្តជាមួយក្លឹប PSG ហួសពីខែមិថុនាទេ ហើយ កាវ៉ានី បានព្រមព្រៀងមុនកិច្ចសន្យាជាមួយក្លឹប Atletico Madrid ។
មិនទាន់មានការចុះហត្ថលេខានៅឡើយទេហើយទាំងក្លឹបឆេលស៊ីនិងយូណាយធីតចង់ដាក់ សំណើនៅលើតុជាស្រេច ដើម្បីប្រជែងនឹងក្លឹបនៅអេស្ប៉ាញនេះ ។
មានសេចក្តីរាយការណ៍ថា កាវ៉ានី អន្ទះសាចង់ចូលរួមជាមួយគ្រូបង្វឹក ឌីអេហ្គោ ស៊ីម៉ូណេ (Diego Simeone) ហើយក្លឹប Atletico ចេញមុខមកប្រជែងនៅរដូវក្តៅ។ ស្របពេលជាមួយគ្នា នោះដែរ ឆេលស៊ីបានសួរនាំពីខ្សែប្រយុទ្ធរូបនេះ ខណៈពេលពួកគេត្រៀមបង្កើនជម្រើស ប្រយុទ្ធរបស់ខ្លួន៕ ប្រែសម្រួល: ពិសិដ្ឋ
