Home ប្លែកៗ ឆ្មា​សាកល្បង​...

ឆ្មា​សាកល្បង​ភាព​អត់ធ្មត់​របស់លោក​បង​ពេល​សូត្រធម៌​

ឆ្មា​វត្ត​មួយ​ក្បាល​ដែល​ព្យាយាម​ទាមទារ​ការចាប់អារម្មណ៍ និង​ចង់ឱ្យមាន​អ្នក​ប្រលែង​ជាមួយ វា​អំឡុង​ពិធីសូត្រមន្ត​រយៈពេល​ប្រាំ​ម៉ោង​នៅ​យប់​ថ្ងៃ​ឆ្លង​ឆ្នាំ​សកល​ល្មម​គ្រប់គ្រាន់​នឹង​សាកល្បង ភាព​អត់ធ្មត់​របស់​ព្រះសង្ឃ​មួយ​វ័យក្មេង​មួយអង្គ នៅពេល​ព្រះអង្គ​កំពុង​ផ្ចង់ស្មារតី​សូត្រធម៌​។

​វីដេអូ​ឃ្លី​ប ដែល​បង្ហាញ​ពី​សកម្មភាព​ព្រះសង្ឃ​ព្យាយាម​រុញ​ឆ្មា​ដែល​ឡើងលើ​ភ្លៅ​របស់​ព្រះអង្គ ចេញ​ដោយ​កាយវិការ​ទន់ភ្លន់​គួរឱ្យ​គ្នាន់គ្នេរ បានធ្វើឱ្យ​ប្រជាជន​ថៃ មានចិត្ត​ជ្រះថ្លា និង​កោត សរសើរ​ទឹក​ព្រះទ័យ​របស់លោក​ដែល​សន្ដោស​ចំពោះ​សត្វ​តិរច្ឆាន​ក្រោយពី​ពួកគេ​មើល​វីដេអូ ឃ្លី​ប​នេះ​លើ​ទំព័រ​ហ្វេ​ស​ប៊ុ​ក​របស់​វត្ត​មួយ​នៅ​ប្រទេស​ថៃ​។​

​សូមបញ្ជាក់ថា​ការ​មាន​មេត្តា​ចំពោះ​សព្វ​សត្វ​គឺជា​គោលការណ៍​ដ៏​សំខាន់​មួយ​នៃ​ព្រះពុទ្ធសាសនា ដែល​ប្រជាជន​ថៃ​ប្រហែល​៩៥​ភាគរយ​ប្រ​ណិ​ប​តន៍​។

​បន្ទាប់ពី​ព្យាយាម​រុញ​វា​ចេញ​ជាច្រើនលើក នៅពេល​វា​តោង​ចីវរ​របស់​ព្រះអង្គ​ឡើងដល់​លើ​ស្មា ធ្វើឱ្យ​ព្រះអង្គ​មើល​គម្ពីរ​ធម៌​លែងឃើញ ទីបំផុត​ព្រះអង្គ​ក៏​បណ្ដោយ​តាមចិត្ត​វា​ហើយ​ចាប់​វា​មក ថ្នាក់ថ្នម​។

​ព្រះ​តេជគុណ​ដែលមាន​ព្រ​ជន្ម ២៥ ឆ្នាំ​ខាងលើ​មាន​សង្ឃដីកា​ថា “​ពេលនោះ​អាត្មា​កំពុង ព្យាយាម​អាន​គម្ពីរ ប៉ុន្តែ​អាត្មា​យកចិត្តទុកដាក់​លើ​ឆ្មា​ខ្លាំង​ជាង​” ៕ ប្រែ​សម្រួលៈ​ខុម​

ទីតាំងផ្សាយពាណិជ្ជកម្ម

- Advertisment -

Most Popular

ប៉ូលិស​ថៃ​ចោទប្រកាន់​មេដឹ...

ប្រែ​សម្រួលៈ​វាសនា​/​បាងក...

ស្ថានទូត​កម្ពុជាៈ មន្ទីរព...

ដោយៈ រ៉ា​ម៉ន / ភ្នំពេញៈ ក...

ឃាត់ខ្លួន​ជនសង្ស័យ​ម្នាក់...

​ដោយៈ ស​រិ​ទ្ធ / ភ្នំពេញៈ...

ក្មេងស្រី​អាយុ​មួយឆ្នាំ ប...

​ដោយៈ ស​រិ​ទ្ធ / កណ្ដាលៈ ...