Home កីឡា បិទ​ការប្រកួត...

បិទ​ការប្រកួត​កីឡា​វាយ​សី​និង​កីឡាបាល់ទាត់​ដណ្តើមពាន​រង្វាន់​សម្តេច​ក្រឡាហោម​ស ខេង​

ដោយ​: គ្រញូង / បាត់ដំបង​: នៅលើ​ទីលាន​បាល់ទាត់​នៃ​សាកលវិទ្យាល័យ​បាត់ដំបង កាលពី​រសៀល​ថ្ងៃទី​៧​ខែមករា​ឆ្នាំ​២០២០ បានរៀបចំ​កម្មវិធី​បិទ​ការប្រកួត​កីឡា​វាយ​សី និង​កីឡាបាល់ទាត់​ដណ្តើមពាន​រង្វាន់​សម្តេច​ក្រឡាហោម ស ខេង ក្រោម​អធិបតី​លោក ស សុខា រដ្ឋលេខាធិការ​ក្រសួង​អប់រំ​យុវជន​និង​កីឡា តំណាង​លោក​បណ្ឌិត​សភាចា​រ្យ ហង់ ជួនណា​រ៉ុ​ន រដ្ឋមន្ត្រីក្រសួង​អប់រំ​យុវជន​និង​កីឡា នាយ​ឧ​ត្ត​ម​សន្តិ​បណ្ឌិត សុខ ផល រដ្ឋលេខាធិការ​ក្រសួងមហាផ្ទៃ និង​លោក ងួន រតនៈ អភិបាលខេត្ត​។​

​លោក ងួន រតនៈ អភិបាលខេត្ត​មានប្រសាសន៍ថា ព្រឹ​ត្ត​ការណ៍​នៃ​ការប្រកួត​កីឡា​មហាជន​ដណ្តើមពាន​រង្វាន់​របស់​សម្តេច​ក្រឡាហោម​ស ខេង ដើម្បី​អបអរសាទរ​ខួប​ខួប​អនុស្សាវរីយ៍​លើក​ទី​៤១​ទិវា​ជ័យជម្នះ​៧​មករា​១៩៧៩-៧​មករា​២០២០ (​លើក​ទី​២) មានការ​ចូលរួម​ពី​បណ្តា​ក្រុង ស្រុក ស្ថាប័នរដ្ឋ និង​ឯកជន គ្រឹះស្ថានសិក្សា​និង​ក្លឹប​កីឡា​សរុប​៦៤​ក្រុម ក្រុម​ដើរ​ក្បួន​៩​ផែន និង​ក្រុមការងារ​រៀប​ច​បច្ចេកទេស​សរុប​ចំនួន​១,៦០៩​នាក់ រួមមាន​៖ ១.​ប្រភេទ​កីឡាបាល់ទាត់​មាន​២៤​ក្រុម​កីឡាករ​សរុប​៦០០​នាក់​, ២.​ប្រភេទ​កីឡា​វាយ​សី​មាន​៤០​ក្រុម​សរុប​៨០​នាក់​(​កីឡា​ការ​នី​បីនាក់​) ៣.​ក្រុម​ចូលរួម​ដើរ​ក្បួន​ចំនួន​១០​ផែន​សរុប​៧៧០​នាក់ មាន​ជាង​១០​ក្រុម និង​៤.​ក្រុមការងារ​រៀបចំ​បច្ចេកទេស​លើ​វិញ្ញាសារ​ប្រកួត​វាយ​សី​កីឡាបាល់ទាត់​សរុប​៨៩​នាក់​។​

​ជា​លទ្ធផល​ប្រភេទ​កីឡាបាល់ទាត់​លេខ​១ បាន​ទៅ​ក្រុម​ស៊ាន​ពិសិដ្ឋ ទទួលបាន​ពាន​មួយ​មេដាយមាស​២៣​គ្រឿង និង​ថវិកា​៥​លាន​រៀល​។ លេខ​២ បាន​ទៅលើ​ក្រុមយុវជន​ស្រុក​បាណន់​ទទួលបាន​មេដាយប្រាក់​២៣​គ្រឿង និង​ថវិកា​៣​លាន​រៀល និង​លេខ​៣ បាន​ទៅ​ក្រុម ស​.​ស​.​យ​.​ក​.​ស្រុក​សង្កែ ទទួលបាន​មេដាយសំរិទ្ធ​២៣​គ្រឿង និង​ថវិកា​២​លាន​រៀល​។ ប្រភេទ​កីឡា​វាយ​សី​វាយ​គូ​លេខ​១ ទទួលបាន​ពាន​១ មេដាយមាស​២​គ្រឿង និង​ថវិកា​៨០​ម៉ឺន​រៀល​។ លេខ​២ មេដាយប្រាក់​២​គ្រឿង និង​ថវិកា​៦០​ម៉ឺន​រៀល និង​លេខ​៣ ទទួលបាន​មេដាយសំរិទ្ធ​២​គ្រឿង និង​ថវិកា​៤០​ម៉ឺន​រៀល​។ ដោយឡែក​កីឡាករ​២១​ក្រុម ដែល​មិនបាន​លេខ​ក៏​ទទួលបាន​មួយក្រុម​១​លាន​រៀល​ដែរ​។​

​ក្នុង​កម្មវិធី​បិទ​ការប្រកួត លោក ស សុខា រដ្ឋលេខាធិការ​ក្រសួង​អប់រំ​យុវជន​និង​កីឡា មានប្រសាសន៍ថា នេះ​ជា​មោទនភាព​ក្រៃលែង​ដែល​រាជរដ្ឋាភិបាល​កម្ពុជា ក្រោម​ការដឹកនាំ​ដ៏​ឆ្លាត​វៃ​ប្រកបដោយ​គតិបណ្ឌិត​រប​ស់ស​ម្តេច​អគ្គមហាសេនាបតី​តេ​ជោ ហ៊ុន សែន នាយករដ្ឋមន្ត្រី​នៃ​ព្រះរាជាណាចក្រ​កម្ពុជា ដែល​បាន​ដឹកនាំ​នាវា​កម្ពុជា​ទទួលបាន​នូវ​សន្តិភាព​មកដល់​សព្វថ្ងៃ​នេះ អរគុណ​សន្តិភាព​។ បើ​យើងទាំងអស់គ្នា​គ្មាន​សន្តិភាព តើ​យើងទាំងអស់គ្នា​អាច​បានមក​ជួបជុំគ្នា លេង​កីឡា​ជុំគ្នា​សប្បាយរីករាយ​បែបនេះ​កើត​ទេ សន្តិភាព​គឺ​បានបង្ហាញ​មុខមាត់​និង​ការរីកចម្រើន​របស់​ព្រះរាជាណាចក្រ​កម្ពុជា​នាពេល​បច្ចុប្បន្ន​៕ ល​

ទីតាំងផ្សាយពាណិជ្ជកម្ម

- Advertisment -

Most Popular