Home ព័ត៌មានជាតិ នយោបាយ កម្ពុជា​សម្តែ...

កម្ពុជា​សម្តែង​ការ​ព្រួយ​បារ​ម្ត​យ៉ាងខ្លាំង​ចំពោះ​ស្ថានភាព​តានតឹង​រវាង​អ៊ីរ៉ង់​ជាមួយ​អាម៉េរិក​

លោក​កុយ គួ​ង អ្នកនាំពាក្យ​ក្រសួងការបរទេស និង​សហប្រតិបត្តិការ​អន្តរជាតិ (រូបឯកសារ)

ដោយៈ មុនី​រ័ត្ន​/​ភ្នំពេញៈ កម្ពុជា​បាន​សម្តែង​ការ​ព្រួយ​បារ​ម្ត​យ៉ាងខ្លាំង​ចំពោះ​ស្ថានភាព​រវាង​អ៊ីរ៉ង ជាមួយ​សហរដ្ឋ​អាម៉េរិក គឺ​ខ្លាច​មាន​ភាព​តានតឹង​ឡើងៗ រហូត​អាចឈាន​ទៅរក​ជម្លោះ​ជា​ទ្រង់ទ្រាយ​ធំ​ណាមួយ​។ នេះ​បើតាម​ការបញ្ជាក់​របស់​លោក​កុយ គួ​ង អ្នកនាំពាក្យ​ក្រសួងការបរទេស និង​សហប្រតិបត្តិការ​អន្តរជាតិ កាលពី​ព្រឹក​ថ្ងៃទី​៨ ខែមករា ឆ្នាំ​២០២០ នេះ​។


អ្នកនាំពាក្យ​ក្រសួងការបរទេស​កម្ពុ​ជា​បាន​បន្តថា​កម្ពុជា​លើកទឹកចិត្ត​ដល់​ភាគី​ពាក់ព័ន្ធ​ទាំងអស់​ធ្វើយ៉ាងណា​ឲ្យ​មានការ​អត់ធ​ម្មត់​ជា​អតិប្បរមា​បំផុត​ដើម្បី​ជៀសវាង​កុំ​ឲ្យ​ស្ថានភាព​មាន​ភាព​តានតឹង​ឬក៏​ទៅរក​ស្ថានភាព​មួយ​មិនអាច​គ្រប់គ្រង​បាន ហើយ​ជំរុញ​ឲ្យ​ភាគី​ពាក់ព័ន្ធ​ធ្វើយ៉ាងណារ​កនូវ​ដំណោះស្រាយ​ដោយ​សន្តិភាព​ដោយ​សន្តិវិធី​មួយ តាមរយៈ​កិច្ចសន្ទនា ឬ​កិច្ចពិភាក្សា​។​


​សូមជម្រាបថា ភាព​តានតឹង​រវាង​អ៊ីរ៉ង់ និង​អាម៉េរិក កាន់តែ​ក្តៅ​ឡើង បាន​កើតឡើង​បន្ទាប់ពី​មេបញ្ជាការ​កំពូល​អ៊ីរ៉ង់ នាយ​ឧ​ត្ត​ម​សេនីយ៍​កា​សេម​សូលី​ម៉ា​នី​(QassemSoleimani)​ត្រូវបាន​សម្លាប់​ក្នុង​ហេតុការណ៍​វាយប្រហារ​តាម​អាកាស​របស់​អាម៉េរិក ក្រោម​បញ្ជា​របស់​រដ្ឋបាល ដូ​ណា​ល់ ត្រាំ កាលពី​ថ្ងៃទី​២ ខែមករា ។​


​ចំពោះ​ការបាញ់​មី​ស៊ី​ល​របស់​អ៊ីរ៉ង់​នេះ លោក​ប្រធានាធិបតី​អាមេរិក ដូ​ណា​ល់ ត្រាំ មិនទាន់​បញ្ចេញ​ប្រតិកម្ម​នៅឡើយ​ទេ ប៉ុន្តែ​លោក​កំពុង​តាមដាន​យ៉ាង​ហ្មត់ចត់​ហើយ​។​ប៉ុន្តែ​ភ្លាមៗ​បន្ទាប់ពី​កងទ័ព​បាន​បាញ់​ផ្លោង​មី​ស៊ី​ល​ជាច្រើន​គ្រាប់​ដាក់​មូលដ្ឋាន​ទ័ព​អាមេរិក នៅ​ប្រទេស​អ៊ីរ៉ាក់ លោក​ប្រធានាធិបតី​អាម៉េរិក ដូ​ណា​ល់ ត្រាំ បាន​បង្ហោះ​សារ​ឆ្លើយតប​នៅលើ​បណ្តាញ​ទ្វី​ត​ធ័​រ នា​ព្រឹក​ថ្ងៃទី​៨​មករា ដែលមាន​ខ្លឹមសារ​ថា «​ល្អ​! មី​ស៊ី​លបាញ់​ចេញពី​អ៊ីរ៉ង់ ដាក់​ទៅលើ​មូលដ្ឋាន​យោធា​២​កន្លែង ក្នុងប្រទេស​អ៊ីរ៉ាក់​។ ការវាយតម្លៃ​ពី​ជនរងគ្រោះ និង​ការខូចខាត កំពុង​ធ្វើឡើង​ហើយ​។ រហូតមកដល់​ពេលនេះ យើង​មាន​ឧបករណ៍​យោធា​ដ៏​ខ្លាំង​បំផុត និង​គ្រប់កន្លែង​ក្នុង​ពិភពលោក​។ ខ្ញុំ​នឹងធ្វើ​សេចក្តីថ្លែងការណ៍​នៅ​ព្រឹកស្អែក (​យប់​នៅ​កម្ពុជា​)»៕​សរន​

ទីតាំងផ្សាយពាណិជ្ជកម្ម

- Advertisment -

Most Popular