Home ព័ត៌មានអន្តរជាតិ ស្លាប់​ទាំងអស...

ស្លាប់​ទាំងអស់​! យន្តហោះ​អ៊ុយ​ក្រែន​ជាមួយ​អ្នកដំណើរ​១៨០​នាក់​ធ្លាក់​នៅ​អ៊ីរ៉ង់​

​យន្តហោះ​អ៊ុយ​ក្រែន​មួយ ដែល​ដឹក​មនុស្ស​យ៉ាងតិច​១៨០​នាក់​បាន​ធ្លាក់​កាលពី​ថ្ងៃ​ពុធ​ទី​៨​មករា ក្រោយ​ពី​វា​ចេញដំណើរ​ពី​អាកាសយានដ្ឋាន​ធំ​នៅ​ក្រុងតេអេ​រ៉ង់​​បាន​បន្តិច​ដោយ​សម្លាប់​មនុស្ស​ទាំងអស់​នៅក្នុង​យន្តហោះ នេះ​បើ​តាម​សេចក្តីរាយការណ៍​ពី​ទូរទស្សន៍​អ៊ីរ៉ង់​។​

​យន្តហោះ​បាន​ចេញដំណើរ​ពី​អាកាសយានដ្ឋាន​អន្តរជាតិ អ៊ី​មាំ ខូ​មេ​នីក្នុង​រដ្ឋធានី តេ​អេ​រ៉ង់​។​ការធ្លាក់​នេះ​ត្រូវបាន​គេ​សង្ស័យ​ថា​បណ្តាល​មកពី​បញ្ហា​ម៉ាស៊ីន​ហើយ​​ក្រុម​ស៊ើបអង្កេត​មួយ​បាន​ទៅដល់​កន្លែង​យន្តហោះ​ធ្លាក់​នៅ​ជាយ​ក្រុងតេអេ​រ៉ង់​។​

​មន្ត្រី​សេវា​សង្គ្រោះបន្ទាន់​អ៊ីរ៉ង់​ម្នាក់​បាន​ប្រាប់​ទូរទស្សន៍​ថា អ្នក​នៅ​ក្នុង​យន្តហោះ​បាន​ស្លាប់​ទាំងអស់ ហើយ​ក្រុម​អ្នក​ជួយ​សង្គ្រោះ​បាន​ត្រឹមតែ​ប្រមូល​សាកសព​។​

​មុន​នេះ​ទូរទស្សន៍​រដ្ឋ​អ៊ីរ៉ង់​បាន​និយាយថា មាន​មនុស្ស​១៨០​នាក់ រួម​ទាំង​អ្នកដំណើរ​និង​សមាជិក​នាវិក នៅក្នុង​យន្តហោះ​ដែល​ធ្លាក់​នេះ ។​

​ទិន្នន័យ​ហោះហើរ​មកពី​អាកាសយានដ្ឋាន​បានបង្ហាញ​ថា យន្តហោះ​បូ​អ៊ីង​737-800​របស់​ក្រុមហ៊ុន​អាកាសចរណ៍​អន្តរជាតិ​អ៊ុ​យក្រែន បាន​ចេញដំណើរ​នៅ​ព្រឹក​​ថ្ងៃ​ពុធ បន្ទាប់មក​ស្រាប់តែ​ឈប់​បញ្ជូន​ទិន្នន័យ​ភ្លាម​។​

​រូបភាព​របស់​ទីភ្នាក់ងារ​សារព័ត៌មាន​រដ្ឋ​អ៊ីរ៉ង់​អៀ​ណា​( IRNA)​បានបង្ហាញ​មន្ត្រី​ជួយ​សង្គ្រោះ​នៅ​ក្នុង​វាល​កសិដ្ឋាន​មួយ ជាមួយនឹង​បំណែក​និង​កំទេច​យន្តហោះ​។​

​ការធ្លាក់​យន្តហោះ​នេះ​បាន​កើតឡើង​តែ​ប៉ុន្មាន​ម៉ោង​ក្រោយ​អ៊ីរ៉ង់​បាញ់​កាំជ្រួច​ផ្លោង​ដាក់​មូលដ្ឋានទ័ព​អាម៉េរិក​នៅ​អ៊ីរ៉ាក់​ជាការ​សងសឹក​ការ​ដែល​អាម៉េរិក​សម្លាប់​​មេបញ្ជាការ​ជាន់ខ្ពស់រ​បស់​ខ្លួន​ម្នាក់​។​

​វា​ក៏​បាន​កើតឡើង​ចំ​ពេល​រដ្ឋបាល​អាកាសចរណ៍​អាម៉េរិក​បាន​និយាយថា ខ្លួន​នឹង​ហាមឃាត់​មិនអោយ​យន្តហោះ​ស៊ីវិល​អាម៉េរិក​ធ្វើ​ការហោះហើរ​ក្នុង​ដែនអាកាស​​លើ​អ៊ីរ៉ាក់ អ៊ីរ៉ង់​និង​ឈូង​សមុទ្រ​ពែ​ក្ស រួម​ទាំង​ដែនទឹក​រវាង​អ៊ីរ៉ង់​និង​អា​រ៉ាប៊ីសាអូឌីត​ផងដែរ​។​

​ក្រុមហ៊ុន​អាកាសចរណ៍​បរទេស​ជាច្រើន​ក៏​បាន​និយាយថា ឥឡូវ​ពួកគេ​ជៀសវាង​មិន​ហោះហើរ​លើ​តំបន់​ទាំងនោះ​។​

​ក្រុមហ៊ុន​អាកាសចរណ៍​សិង្ហ​បុរី​បាន​និយាយ​កាលពី​ថ្ងៃ​ពុធ​ថា ខ្លួន​នឹង​បង្វែរ​ការហោះហើរ​ចេញពី​ដែនអាកាស​អ៊ីរ៉ង់​៕​ប្រែ​សម្រួល​៖​វាសនា​

ទីតាំងផ្សាយពាណិជ្ជកម្ម

- Advertisment -

Most Popular

សម្តេច​តេ​ជោ​នាយករដ្ឋមន្ត...

​ដោយៈ​តារា​រិ​ទ្ធ​,​មុនី​...

ប្រជាពលរដ្ឋ​ងាយ​រងគ្រោះ​ច...

ដោយ​: ទេ​ពក​ង្រី / កំពង់ឆ...

រដ្ឋបាល​ខណ្ឌ​ពោធិ៍​សែន​ជ័...

ដោយ​៖ រ៉ា​ម៉ន / ភ្នំពេញ​៖...

បុរស​ម្នាក់​ចាប់រំលោភ​កូន...

​ដោយ​: សម្បត្តិ / ភ្នំពេញ...