ភ្នំពេញៈ សមិទ្ធផលជាច្រើនក្នុង វត្តអង្គសិរី ឃុំអន្លង់រមៀត ស្រុកកណ្តាលស្ទឹង ខេត្តកណ្តាល បានលេចរូបរាងជាបន្តបន្ទាប់ហើយថ្មីៗនេះក៍មានសមិទ្ធ ផល មហាកុដិ ដែលកំពុងតែសាងសង់។
ប៉ុន្តែដោយសារសំណង់កំពុងស្ថិតក្នុងការសាងសង់និងខ្វះខាតថវិកាឱ្យថ្លៃ ពិដាននិងការ៉ូ ពិដានឈើ គណៈកម្មការ លោកអាចារ្យ និងពុទ្ធបរិស័ទ ចំណុះជើង វត្តអង្គសិរី ឃុំអន្លង់រមៀត ស្រុកកណ្តាលស្ទឹង ខេត្តកណ្តាល បានរៀបចំធ្វើ បុណ្យផ្ការស្មីសាមគី្គនិងមាឃបូជា ដើម្បីប្រមូលបច្ច័យយកមកកសាង កុដិឱ្យថ្លៃពិដាននិងការ៉ូ ពិដានឈើ អស់ចំនួន៤៥០ម៉ែត្រ ការ៉េដោយ ក្នុងមួយម៉ែត្រការ៉េថ្លៃ៤៥ដុល្លារស្មើ២០.២៥០ដុល្លារ ការ៉ូអស់ចំនួន៤៥០ម៉ែត្រការ៉េ ក្នុងមួយការេ២០ដុល្លារស្មើ៩.០០០ដុល្លារអាម៉េរិក។
អាស្រ័យដូចបានជម្រាបជូនខាងលើនេះសូមអញ្ជើញពុទ្ធបរិស័ទ សប្បុរសជនក្ដីជិតឆ្ងាយទាំង អស់សូមមេត្តាចូលរួមចាប់មគ្គផលតាមកម្លាំងសទ្ធា ជ្រះថ្លារៀងៗខ្លួន។ កម្មវិធីបុណ្យ ថ្ងៃសៅរ៍១៥កើត ខែមាឃ ឆ្នាំកុរ ឯកស័ក ព.ស២៥៦៣ ត្រូវនឹងថ្ងៃទី៨ ខែកុម្ភៈ ឆ្នាំ២០២០ វេលាម៉ោង៣រសៀលជួបជុំពុទ្ធ បរិស័ទទីជិតឆ្ងាយនៅ វត្តអង្គសិរី ដើម្បីរៀបចំពិធីដង្ហែ មាឃបូជា ប្រទក្សិណព្រះអង្គធំ រួចធ្វើបទនមស្ការ ព្រះរតនត្រ័យជាសមាទានសីលនិមន្ត ព្រះសង្ឃចម្រើនព្រះបរិត្តនិងសម្តែងធម៌ទេសនា ៕ ដោយៈ បូរិន
