របួសធ្ងន់​២​នាក់​ស្រាល​២​នាក់​ដោយសារ​ម៉ូ​បុក​ជាមួយ​ផា​ស់អាប់​

211
ចែករម្លែក

ដោយ​: គ្រញូង / បាត់ដំបង​: មាន​ករណី​គ្រោះថ្នាក់​ចរាចរណ៍ រវាង​ម៉ូតូ​១​គ្រឿង​និង​ម៉ូតូ​កង់​បី​(​ផា​ស់អាប់​) បណ្ដាល​ឲ្យ​របួសធ្ងន់​២​នាក់ និង​ស្រាល​២​នាក់ កាលពី​យប់​ថ្ងៃទី​៨​ខែមករា​ឆ្នាំ​២០២០ នៅតាម​បណ្តោយ​ផ្លូវជាតិ​៥ ត្រង់ចំណុច​ក្រុមទី​០១ ភូមិ​ពោធិ៍​២ ឃុំ​គារ ស្រុក​មោងឫស្សី ចន្លោះ​បង្គោលគីឡូម៉ែត្រ​លេខ​២៤៧-២៤៨​។​

​លោក ម៉ៅ ហ៊​ត មេបញ្ជាការរង​មូលដ្ឋាន​អាវុធហត្ថ​ស្រុក​មោងឫស្សី បានឱ្យដឹងថា មាន​ករណី​គ្រោះថ្នាក់​ចរាចរណ៍​មួយ​កើតឡើង​រវាង​ម៉ូតូ​១​គ្រឿង ម៉ាក​ហុងដា MSX ធុន C125 ពណ៌​ក្រហម ពាក់​ផ្លាកលេខ បាត់ដំបង 1AI 2135 អ្នកបើកបរ​ឈ្មោះ រស់ ចាន់ណា​រាយ ភេទ​ប្រុស អាយុ​២២​ឆ្នាំ រស់នៅ​ភូមិ​រកា ឃុំ​រកា ស្រុក​សង្កែ ខេត្តបាត់ដំបង​(​របួសធ្ងន់​) ទិសដៅ​បញ្ច្រាស​គ្នា មកដល់​ចំណុចកើតហេតុ​ខាងលើ បាន​បុក​ម៉ូតូ​កង់​បី (​ផាស់​ស្អាប់​) ១​គ្រឿង ម៉ាក BAJAJ MAXIMA គ្មាន​ផ្លាកលេខ អ្នកបើកបរ​ឈ្មោះ ទួន វុទ្ធី ភេទ​ប្រុស អាយុ​៣៨​ឆ្នាំ រស់នៅ​ភូមិ​ទួល​តា​ឯក សង្កាត់​ទួល​តា​ឯក ក្រុង​បាត់ដំបង ខេត្តបាត់ដំបង​(​របួសស្រាល​) និង​អ្នករួមដំណើរ​២​នាក់ ១.​ឈ្មោះ ភឿន សុ​ណា​លីន ភេទ​ស្រី អាយុ​៩​ឆ្នាំ ត្រូវជា​កូន​(​របួសធ្ងន់​) និង ២.​ឈ្មោះ​ភឿន សុវត្ថិ ភេទ​ប្រុស អាយុ​២​ឆ្នាំ ត្រូវជា​កូន​(​របួសស្រាល​)​។ ជនរងគ្រោះ​ត្រូវ​បញ្ជូនទៅ​សម្រាក​ព្យាបាល​នៅ​មន្ទីរពេទ្យបង្អែក​ស្រុក​មោងឫស្សី​។

​លោក​មេបញ្ជាការរង​ស្រុក​បាន​ប្រាប់​ពី​មូលហេតុ នៃ​គ្រោះថ្នាក់​នេះ​ថា មុនដំបូង​មាន​យុវជន​ម្នាក់​នើ​ក​ម៉ូតូ MSX ជែង​ក្នុងស្ថានភាព​គ្រោះថ្នាក់​(​មិន​ប្រកាន់​ស្ដាំ​) បាន​ជ្រុល​ទៅបុក​ជាមួយ​ផា​ស់អាប់ បណ្តាលឱ្យ​របួស​ទាំងសងខាង​។ មធ្យោបាយ​បង្កហេតុ​២​គ្រឿង​ខាងលើ ផ្នែក​ជំនាញ​ចរាចរណ៍ បាន​យកមក​រក្សាទុក​នៅ​អធិការដ្ឋាន​នគរបាល​ស្រុក រង់ចាំ​ដោះស្រាយ​នៅពេល​ក្រោយ​៕ ល​