Home កីឡា អែន​ត័​ញ គ្រី...

អែន​ត័​ញ គ្រី​ស្មាន់ ចង់​ឲ្យ​ក្លិប​បា​សេ​ឡូ​ណា ចុះ​កិច្ចព្រមព្រៀង​ផ្ទេរ​ខ្សែប្រយុទ្ធ នី​ម៉ា​

កីឡាករ អែន​ត័​ញ គ្រី​ស្មាន់ (Antoine Griezmann) បាន​ណែនាំ​ឲ្យ​ក្លិប បា​សេ​ឡូ​ណា (Barcelona) ផ្ទេរ​កីឡាករ នី​ម៉ា (Neymar) ពី​ក្លិប PSG មកវិញ​នៅ​រដូវក្តៅ​នេះ​បើទោះបីជា វត្តមាន​របស់​កីឡាករ​ប្រេ​ស៊ី​ល​រូបនេះ​អាច​នឹង​បង្ករ​ហា​នី​ភ័យ​ចំពោះ​កៅអី​របស់ខ្លួន​ក្នុង​ក្រុម​ជម្រើស​ដំបូង​ក៏ដោយ នេះ​បើតាម​សេចក្តីរាយការណ៍​ពី​ប្រទេស​អេ​ស្ប៉ា​ញ​។​
​ ​
នី​ម៉ា បាន​ចាក​ចេញពី​ពហុ​កីឡដ្ឋាន Nou Camp កាលពី​ឆ្នាំ​២០១៧ ទៅ​ចូលរួម​ក្លឹប​ជើងឯក បារាំង PSG ដើម្បី​ស្វែងរក​ការប្រកួតប្រជែង​ថ្មី ដោយសារ​កន្លងមក​កីឡាករ​រូបនេះ​បាន​ត្រឹម ជា​កីឡាករ​បន្ទាប់បន្សំ​ពី លី​អូ​ណេ​ល ម៉េ​ស​ស៊ី (Lionel Messi) និង ល្វី​ស ស្វា​រ៉េ​ស (Luis Suarez) ។​
​ ​
កិច្ចព្រមព្រៀង​ផ្ទេរ​តម្លៃ​២០០​លាន​ផោន​ទៅកាន់​រាជធានី​បារាំង​គឺមាន​បំណង​ចង់​សាង​កេរ្តិ៍ឈ្មោះ​របស់ខ្លួន និង​ផ្តល់ឱកាស​ប្រសើរ​ជាង​នេះ​ដើម្បី​ឈានដល់​ការ​ឈ្នះ​ពាន​បាល់​មាស Ballon D`or ។​
​ ​
ប៉ុន្តែ​កិច្ចព្រមព្រៀង​ហាក់ដូចជា​មិន​ដំណើរ​ទៅតាម​ផែនការ​នោះទេ នី​ម៉ា បាន​ញាំញី​ដោយ សារ​របួស​ប៉ុន្មាន​រដូវ​កាល​ចុងក្រោយ​នេះ ហើយ​ខកខាន​មិនបាន​ជំរុញ​ក្រុម​នេះ​ឲ្យ​ឡើង ដល់​វគ្គ​បន្ទាប់​នៅ​ឆេ​ម​ពាន​លី​ក​នោះទេ​។​
​ ​
​មាន​ការទស្សទាយ​ថា ការវិលត្រឡប់​របស់ នី​ម៉ា នឹង​បង្ក​ការ​គំរាម​ដល់​កៅអី​របស់ គ្រី​ស្មាន់ និង​ធ្វើ​ឲ្យ​អនាគត​របស់​កីឡាករ​រូបនេះ​ស្ថិតក្នុង​ភាពមិនច្បាស់លាស់ ហើយ​ខ្សែបម្រើ​ស្លាប អូ​ស្មា​ណេ ដេ​ម​បេ​ឡេ (Ousmane Dembele) ក៏​ដូចគ្នា​ដែរ​។​
​ ​
ប៉ុន្តែ គ្រី​ស្មាន់ ជឿថា កាលណា​ក្រុម Barcelona មាន​សម្បូរ​ដោយ​កម្លាំង​ប្រយុទ្ធ​ដែលមាន គុណភាព​នោះ ពួកគេ​នឹងមាន​ឱកាស​ច្រើន​ក្នុង​ការលើក​ពាន​៕ ប្រែ​សម្រួល​: ពិសិដ្ឋ​

កីឡាករ អែន​ត័​ញ គ្រី​ស្មាន់ (Antoine Griezmann) និង​កីឡាករ នី​ម៉ា (Neymar)

ទីតាំងផ្សាយពាណិជ្ជកម្ម

- Advertisment -

Most Popular