ដោយ: ចាន់តូ / ភ្នំពេញ: បុរសម្នាក់ស្លាប់នៅកន្លែងតុអង្គុយញ៉ាំក្នុងភោជនីយដ្ឋានហេបភីណេស កាលពីវេលាម៉ោង ៤ និង ៣០នាទីទៀបភ្លឺ ឈានចូលថ្ងៃព្រហស្បតិ៍ ទី៩ ខែមករា ឆ្នាំ២០២០ ស្ថិតតាមបណ្ដោយផ្លូវ ៦៣ ស្ថិតក្នុងសង្កាត់បឹងរាំង ខណ្ឌដូនពេញ។
ជនរងគ្រោះដែលស្លាប់ត្រូវ ១គ្រាប់ចំសៀតផ្កាស្លាប់ភ្លាមៗ នៅកន្លែងកើតហេតុគេមិនទាន់ស្គាល់អត្តសញ្ញាណនោះទេ និងមិនទាន់ដឹងពីមូលហេតុនៅឡើយ។
យោងតាមសម្ដីម្ចាស់ហាងបានប្រាប់ឲ្យដឹងថា ដំបូងឡើយគេឃើញមានគ្នាបួននាក់ ជិះរថយន្តមួយគ្រឿងមិនចាំម៉ាកមកឈប់នៅមុខខាងរបស់គាត់ ហើយក៏បានដើរចូលទៅខាងក្នុងបន្តបន្ទាប់គ្នា បុរសជាខ្មាន់កាំភ្លើងទៅដល់អង្គុយមុន ចំណែកឯជនរងគ្រោះទៅបន្ទាប់ពីខ្មាន់កាំភ្លើងទៅដល់ហើយក៏ទាញម៉ឺនុយ យកមកកម្មង់ម្ហូប មិនទាន់បានកុម្ម៉ង់ផង ស្រាប់តែបុរសម្នាក់ក្នុងចំណោម ៤នាក់ ជាខ្មាន់កាំភ្លើងងើបឈរដកកាំភ្លើងបាញ់ចំសៀតផ្កាមួយគ្រាប់ ហើយទម្លាក់កាំភ្លើងម៉ាកកា៥៤ មួយដើមនៅកន្លែងកើតហេតុ ហើយក៏បាននាំគ្នាចាកចេញទាំង៣នាក់ឡើងជិះរថយន្តគេចខ្លួនបាត់។
ក្រោយកើតហតុ សមត្ថកិច្ចមកដល់កន្លែងកើតហេតុយកខ្សែហ៊ុមព័ទ្ធជុំវិញ និងរង់ចាំឲ្យខាងកោសលវិច័យមកពិនិត្យទៅលើសាកសព ដើម្បីកំណត់មុខសញ្ញាតាមចាប់ខ្មាន់កាំភ្លើង យកមកផ្ដន្ទាទោសទៅតាមផ្លូវច្បាប់នៅពេលក្រោយ៕ ល/Ha
