Home ប្លែកៗ Samsung បញ្ចេ...

Samsung បញ្ចេញ “​មនុស្ស​សិប្ប​និមិត្ត​” បង្ហាញមុខ​តាម​កញ្ចក់​អេក្រង់​

​ក្រុមហ៊ុន Samsung បាន​បញ្ចេញ “​មនុស្ស​សិប្បនិម្មិត​” (Artificial Human) របស់ខ្លួន​មាន ឈ្មោះថា NEON ដែល​នឹង​បង្ហាញ​លើ​កញ្ចក់​អេក្រង់​ជំនួស “​ជំនួយការ​ឆ្លាត​វៃ​” (Smart Assistant) ជា​មនុស្ស​ឆ្លើយឆ្លង​វីដេអូ​ពិតៗ និង​ឆ្លើយ​សំណួរ​ភ្លាមៗ​ក្នុងពេល​ប៉ុន្មាន​តែ​វិនាទី​។

​ផលិត​ដោយ Star Labs ដែលជា​ក្រុមហ៊ុន​បុត្រ​សម្ព័ន្ធ​របស់ Samsung មាន​មូលដ្ឋាន​នៅ​រដ្ឋ កាលីហ្វ័រ​ញ៉ា សហរដ្ឋ​អាម៉េរិក បច្ចេកវិទ្យា​នេះ​អនុញ្ញាតឱ្យ​បង្កើត​មនុស្ស​ឌីជីថល (Digital Being) សម្រាប់​ការប្រើប្រាស់​លើ​កញ្ចក់ អេក្រង់ ឬ​ក្នុង​វីដេអូ​ហ្គេម​។

Star Labs លើកឡើងថា មនុស្ស​សិប្ប​និមិត្ត NEON អាច​ត្រូវបាន​រចនា​ឡើង​ឱ្យធ្វើជា “​ពិធីករ​ទូរទស្សន៍ អ្នកនាំពាក្យ ឬ​តារាភាពយន្ត​” ឬ​សូម្បី “​មិត្តសម្លាញ់​” បាន​យ៉ាង​អស្ចារ្យ​។

​ទោះយ៉ាងណា មនុស្ស​សិប្ប​និមិត្ត​ដែល​ប្រើ​បញ្ញា​សិប្ប​និមិត្ត (Artificial Intelligence) ហៅ​កាត់​ថា AI ដែល​ត្រូវ​បានប្រកាស​ក្នុង “​ពិព័រណ៍​គ្រឿង​អេ​ឡិច​ត្រូ​និ​ច​ប្រើប្រាស់​” (Consumer Electronics Show) នៅ​ឡាស វ៉េ​ហ្គាស (Las Vegas) សហរដ្ឋ​អាម៉េរិក នេះ​នឹងមាន​សមត្ថភាព​ពិសេស​អាច “​សន្ទនា និង​សម្ដែង​អារម្មណ៍​អាណិតអាសូរ​” ដូច​មនុ​ស្សពិតៗ​៕ ប្រែ​សម្រួលៈ ខុម

ទីតាំងផ្សាយពាណិជ្ជកម្ម

- Advertisment -

Most Popular