Home ព័ត៌មានអន្តរជាតិ ត្រាំ​និយាយថា...

ត្រាំ​និយាយថា អាម៉េរិក​មាន​កាំជ្រួច​ធំ​និង​ត្រង់​ជាង តែ​ចង់​អោយ​អ៊ីរ៉ង់​មាន​អនាគត​

​ក្នុងការ​ថ្លែង​សុន្ទរកថា​ទៅកាន់​ប្រជាជាតិ​កាលពី​ថ្ងៃ​ពុធ​ទី​៨​មករា ប្រធានាធិបតី​អាម៉េរិក​លោក​ដូណាល់ ត្រាំ បាន​និយាយថា​មិន​មាន​បុគ្គលិក​យោធា​អាម៉េរិក​​ណា​រងគ្រោះថ្នាក់​ពី​ការបាញ់​កាំជ្រួច​របស់​អ៊ីរ៉ង់​កាលពី​ថ្ងៃ​០៨​មករា​ទេ ដោយសារតែ​មាន​ការត្រៀម​បង្ការ​ទុក ការដកចេញ​កងកម្លាំង​និង​ប្រព័ន្ធ​ព្រមាន​ជា​មុន​។​

​ទោះ​ជា​បាន​អះអាង​ថា​អាម៉េរិក​នឹង​មិន​វាយប្រហារ​សងសឹក​ចំពោះ​ការវាយប្រហារ​នេះ លោក​ត្រាំ​បានប្រកាសថា​អាម៉េរិក​នឹង​បន្ត​ដាក់ទណ្ឌកម្ម​សេដ្ឋកិច្ច​ដ៏​ខ្លាំង​ជា​​ថ្មី​លើ​អ៊ីរ៉ង់​ទាល់តែ​អ៊ីរ៉ង់​ផ្លាស់ប្តូរ​ឥរិយាបទ​របស់​ខ្លួន​នៅ​លើ​ឆាក​អន្តរជាតិ​។​លោក​បាន​បន្ថែមថា លោក​នឹង​ស្នើសុំ​អង្គការ​ណា​តូ​ចូលរួម​ពាក់ព័ន្ធ​ខ្លាំង​ឡើង​នៅក្នុង​​ដំណើរការ​នយោបាយ​នៅ​មជ្ឈិម​បូព៌ា​។​

​លោក​ត្រាំ​ក៏​បាន​ឆ្លៀត​អួតថា កងកម្លាំង​អាម៉េរិក​មាន​«​កាំជ្រួច​ធំ​និង​ត្រង់​ជាង​»​កាំជ្រួច​របស់​អ៊ីរ៉ង់ តែ​លោក​សង្ឃឹមថា​នឹង​មិន​ប្រើ​វា​ប្រឆាំង​អ៊ីរ៉ង​ទេ​ពីព្រោះ​«​យើង​​ចង់​អោយ​អ្នក​មាន​អនាគត​អស្ចារ្យ​មួយ​។​តាមពិត កម្លាំងយោធា​និង​សេដ្ឋកិច្ច​អាម៉េរិក​ជារ​បាំង​ល្អ​បំផុត​ដើម្បី​កុំអោយ​កើតសង្គ្រាម​»​។​

​តែ​ឯកអគ្គរដ្ឋទូត​អ៊ីរ៉ង់​ប្រចាំ​អង្គការសហប្រជាជាតិ​លោក​ម៉ា​ជី​ត តាជី​ត តាក់ រ៉ា​វ៉ាន់​ជី បាន​ព្រមាន​ថា​រដ្ឋាភិបាល​ក្រុងតេអេ​រ៉ង់​នឹង​ឆ្លើយតប​យ៉ាង​ស្វាហាប់​ចំពោះ​​ការ​ផ្សងព្រេង​ដោយ​យោធា​ណាមួយ​ម​លើក​អ៊ីរ៉ង់ និង​«​ការឈ្លានពាន​ណាមួយ​»​។​

​ត្រាំ​ក៏បាន​និយាយ​អំពី​ការសម្លាប់​មេបញ្ជាការ​កងកម្លាំង​គូត លោក​ឧត្តមសេនីយ៍​កាសេម សូ​ឡេ​ម៉ានី ដោយ​លោក​អះអាងថា អាម៉េរិក​មាន​ព័ត៌មាន​ថា​បុរស​នេះ​​រៀបចំ​ផែនការ​វាយប្រហារ​នៅ​ថ្ងៃ​០៤​មករា ហើយ​វា​ជា​មូលហេតុ​ជំរុញ​អោយ​លោក​សំរេចចិត្ត​ចេញ​បញ្ជា​អោយ​សម្លាប់​មេទ័ព​អ៊ីរ៉ង់​ដ៏​មាន​ឥទ្ធិពល​រូបនេះ​។​

​ទោះជា​យ៉ាងណា ការសម្លាប់​មេទ័ព​រូបនេះ​បាន​បង្ក​ភាព​តានតឹង​ភ្លាម​រវាង​អាម៉េរិក​និង​អ៊ីរ៉ង់​ដែល​បានសំរេច​ដាក់​កងកម្លាំង​អាម៉េរិក​ទាំងអស់​ជា​ក្រុម​ភេរវកម្ម​ ទាមទារ​អោយ​អាម៉េរិក​ដកចេញ​ពី​អ៊ីរ៉ាក់​និង​ទី​បំផុត​បាញ់​កាំជ្រួច​ដាក់​មូលដ្ឋានទ័ព​អាម៉េរិក​។​

​ជុំវិញ​សភាពការណ៍​នៅ​មជ្ឈិមបូព៌ា​នេះ រដ្ឋមន្ត្រី​ការពារជាតិ​អាម៉េរិក​លោក ម៉ាក អ៊ី​ស​ភើ បាន​និយាយថា​យោធា​អាម៉េរិក​នៅតែ​ត្រៀម​ខ្លួន​ខ្ពស់​ក្រោយ​ការ​វាយ​​ប្រហារ​ដោយ​កាំជ្រួច​អ៊ីរ៉ង់​លើ​មូលដ្ឋាន​យោធា​អាម៉េរិក​នៅ​អ៊ីរ៉ាក់​។​

​លោក​បាន​អោយដឹងថា ការវាយប្រហារ​កាលពី​ដើម​ថ្ងៃ​ពុធ​បង្ក​ការខូចខាត​តិចតួច គឺ​ខូច​រោង​ដាក់​យន្តហោះ​មួយ កន្លែង​ចត​និង​ឧទ្ធម្ភាគចក្រ​មួយ ហើយ​មិន​​មាន​ទាហាន​អាម៉េរិក​រងរបួស​ឬ​ស្លាប់​ទេ​៕​ប្រែ​សម្រួល​៖​វាសនា​

ត្រាំ ឈរ​ជិត​មេទ័ព​របស់លោក ក្នុងពេល​ថ្លែង​សុន្ទរកថា​ប្រាប់​ទៅ​ប្រជាជាតិ​អាម៉េរិក​អំពី​ការវាយប្រហារ​របស់​អ៊ីរ៉ង់​

ទីតាំងផ្សាយពាណិជ្ជកម្ម

- Advertisment -

Most Popular

ការប្រឡង​ឌី​ប្លូ​ម​២​ថ្ងៃ...

​ដោយ​:​ដេប៉ូ​/​ភ្នំពេញ​:​...

សម្តេច​ប្រធានរដ្ឋសភា​កម្ព...

ដោយៈ​ស្រីនាថ​,​សុផល​/​ភ្ន...

ពិតជា​ស្ចា​រ្យ​មែន​! អតិ...

ដោយ​៖ ដេប៉ូ / ភ្នំពេញ​៖ ប...

ដំរី​ឈ្មោល​ខា​វ៉ាន់​ពី​ប៉...

ដោយ​: ដេប៉ូ / ភ្នំពេញ​: ស...