Home ព័ត៌មានអន្តរជាតិ ​បេក្ខជនប្រជែ...

​បេក្ខជនប្រជែងតំណែងប្រធានាធិបតីតៃវ៉ាន់កំពុងនាំគ្នាយកចិត្តយុវជន ខណៈការបោះឆ្នោតជិតមកដល់

ពួកបេក្ខជនប្រជែងតំណែងប្រធានាធិបតីនៃកោះតៃវ៉ាន់កំពុងនាំគ្នាយកចិត្តយុវជនរាប់លាននាក់នៅមុនការបោះឆ្នោតនៅចុងសប្តាហ៍នេះ ព្រោះដឹងថាសន្លឹកឆ្នោតរបស់ពួកគេអាចរុញឱ្យពួកគេទៅរកជ័យជម្នះ។

ទាំងប្រធានាធិបតី សៃ អ៊ីងវិន ដែលកំពុងស្វែងរកអាណត្តិទីពីរនិងគូប្រជែងឈ្មោះ ហាន គូយូ (Han Kuoyu) បានប្រើប្រាស់បណ្តាញសង្គមនិងទូរទស្សន៍ដើម្បីអំពាវនាវយ៉ាងពេញទំហឹងសុំការគាំទ្រពីយុវជន ខណៈពួកគេដាក់ចេញទស្សនវិស័យប្រជែងគ្នាសម្រាប់អនាគតកោះមួយនេះ។

យោងតាមទិន្នន័យផ្លូវការ ក្នុងចំណោមប្រជាជនតៃវ៉ាន់ចំនួន ១៩,៣ លាននាក់ដែលមានសិទ្ធិបោះឆ្នោតនៅថ្ងៃសៅរ៍ខាងមុខនេះ គឺមាន ៣,១ លាននាក់អាយុក្រោម ៣០ ឆ្នាំ និង ១,៨១ លាននាក់ជាអ្នកបោះឆ្នោតលើកដំបូង។

លោកស្រីសៃ ដែលជាអ្នកនាំមុខគេនៅក្នុងការបោះឆ្នោតស្ទង់មតិ បានបង្ហាញនូវប្រៀបឈ្នះយ៉ាងងាយស្រួលបំផុតលើក្រុមយុវជន ដែលមានទំនោរងាកទៅរកភាពរីកចម្រើនបន្ថែមទៀតលើបញ្ហាសង្គមនិងការដាក់មន្ទិលសង្ស័យទៅលើចិន។

ទីក្រុងប៉េកាំងចាត់ទុកកោះតៃវ៉ាន់ជាផ្នែកមួយនៃទឹកដីរបស់ខ្លួនដែលរង់ចាំតែថ្ងៃបង្រួបបង្រួមជាមួយចិនដីគោកឡើងវិញ ដោយប្រើកម្លាំង ប្រសិនបើចាំបាច់។

ក្នុងចំណាត់ការមួយដែលបង្កការបែកបាក់ក្នុងសង្គម គណបក្សប្រជាធិបតេយ្យឈានមុខរបស់លោកស្រីសៃ (DPP) បានធ្វើឱ្យស្របច្បាប់នូវអាពាហ៍ពិពាហ៍ភេទដូចគ្នាកាលពីឆ្នាំមុន គឺលើកដំបូងបង្អស់ហើយនៅអាស៊ី។

បក្សនេះក៏តាំងខ្លួនឯងជាអ្នកការពារតម្លៃប្រជាធិបតេយ្យប្រឆាំងនឹងរដ្ឋអំណាចផ្តាច់ការរបស់ចិនប៉េកាំងផងដែរ។

បញ្ហាទាំងពីរនេះគឺជាស្គរ ដែលបក្ស DPP គោះមិនចេះជិនណាយ ដើម្បីអន្ទងចិត្តយុវជន៕ ដោយ៖ កញ្ញាដាលីស

លោកស្រីសៃ អ៊ីងវិន និង លោកហាន គូយូ កំពុងយកចិត្តយុវជនដើម្បីបោះឆ្នោតឱ្យខ្លួននៅក្នុងការបោះឆ្នោតនៅថ្ងៃសៅរ៍នេះ

ទីតាំងផ្សាយពាណិជ្ជកម្ម

- Advertisment -

Most Popular

ជើងហោះហើរ​រាប់រយ​ត្រូវ​លុ...

​ប្រែ​សម្រួល : កញ្ញា​ដា​ល...

​គណៈកម្មាធិការ​ពិគ្រោះ​យោ...

​ដោយៈ ទេ​ពក​ង្រី / កំពង់ឆ...

​ស្លាប់​១​នាក់ របួសធ្ងន់​...

​ដោយៈ ប​,​ជ័យ​/ បន្ទាយ​មា...

ឧ​ត្ត​ម​សេនីយ៍​ឯក ហ៊ុន ម៉...

​ដោយៈ មុនី​រ័ត្ន​/​ភ្នំពេ...