អ្នក​ដែល​ជួបគ្នា លើស​ង្វៀន​ខា​រ៉ា​បាវ​

ដោយ​៖ រ៉ូ​ហ្សា
​ភ្នំពេញ​៖
លើស​ង្វៀន​ខា​រ៉ា​បាវ​របស់ អាស៊ីអាគ្នេយ៍ នា​រសៀល​ថ្ងៃទី​១១ មករា ខាងមុខនេះ អ្នក​ប្រដាល់​កម្ពុជា សូត្រ ខេ​វិ​ន ក្លិប​បក្សី​ស្លាប​ដែក ត្រូវ​ជួប​តស៊ូ​ជាមួយ អ្នក​ប្រដាល់​ថៃ កង កុង​វ៉ាន (Kang kongwan) ដោយ​ប្រកួត​គ្នា ក្នុង​ប្រភេទ​ទម្ងន់ ៦០ គីឡូក្រាម ។​

​ខេ​វិ​ន មួយរយៈ​នេះ ការប្រកួត​របស់គេ បង្ហាញ​នូវ​ភាព​រីកចម្រើន​ច្រើន តែ​គេ​វ៉ៃ​មិនសូវ​ជាមាន ភាពវាងវៃ​នោះទេ ។ ពេលខ្លះ គេ​វ៉ៃ​កញ្ជ្រោក តាម​ការ​ពន្យុះ របស់​អ្នកទស្សនា ហើយ​លទ្ធផល​ចុងក្រោយ គេ​ជួប​បរាជ័យ ។ តែ​ពេលខ្លះ គេ​វ៉ៃ​បានល្អ និង​ផ្ដួល​គូប្រកួត បាន​មុន​ទឹក​ទី​៥ ក៏មានដែរ ។​

​សូត្រ ខេ​វិ​ន និង កង កុង​វ៉ាន​

​ចំពោះ​អ្នក​ប្រដាល់​ថៃ កង កុង​វ៉ាន វិញ នេះ​ជា​លើកដំបូង​ហើយ ដែល​គេ​ឆ្លងដែន មក​ប្រកួត​នៅ​ស្រុក​ខ្មែរ​។ តាម​ការ​ឲ្យ​ដឹង​ពី​លោក​ថៃ អ៊ូ ដែលជា​មន្ត្រី​ដឹកនាំ អ្នក​ប្រដាល់​បរទេស មក​ប្រកួត​នៅ​សង្វៀន​អាស៊ីអាគ្នេយ៍​នោះ​ថា អ្នក​ប្រដាល់​ថៃ​រូបនេះ មិនសូវ​ជាខ្លាំង​ណាស់ណា​ទេ គេ​មាន​សមត្ថភាព ប្រហាក់​ប្រ​
​ហែល ជាមួយ​ខេ​វិ​ន​ដែរ ។​

​អ្នក​ប្រដាល់​ថៃ​រូបនេះ មាន​ប្រវត្តិ​ប្រកួត ចំនួន​៥៥​ដង ឈ្នះ​៤៩​ដង និង ចាញ់​ចំនួន​៦​ដង ។ ចំពោះ សូត្រ ខេ​វិ​ន វិញ គេ​មាន​ប្រវត្តិ​ប្រកួត ចំនួន​៦៧​ដង ឈ្នះ​៥០​ដង ចាញ់​១៥​ដង និង​ស្មើ​ពិន្ទុ​២​ដង ។ ខេ​វិ​ន ជា​អ្នក​ប្រដាល់ ដែល​ល្អ​កែង និង​ជង្គង់ តែ​នៅពេល​ប្រកួត គេ​តែងតែ​បង្ហាញ​ពី​ឆន្ទៈ ដើម្បី​ផ្ដួល​គូប្រកួត ឲ្យ​បាន​រហ័ស ។ ចំពោះ​កង កុង​វ៉ាន វិញ មិនទាន់​ដឹងថា របៀប​វ៉ៃ​របស់គេ យ៉ាងណា​នោះឡើយ ។ ចាំមើល​ជំនួប​មួយ​នេះ នរណា​ឈ្នះ នរណា​ចាញ់ ?​។​

រិ​ន សារ​ដ្ឋ និង ឆៃ ស៊ី​ង​

​រិ​ន សារ​ដ្ឋ ក្លិប​បញ្ជាការដ្ឋាន​កង​ទ័ពជើងទឹក ប្រកួត​ជាមួយ​អ្នក​ប្រដាល់​ថៃ ឆៃ ស៊ី​ង (Chai Sing) ដោយ​ប្រកួត​គ្នា ក្នុង​ប្រភេទ​ទម្ងន់ ៦៣,៥០ គីឡូក្រាម​។​

​នេះ​ជា​លើកដំបូង​ហើយ ដែល​អ្នក​ប្រដាល់​ថៃ​រូបនេះ ឆ្លងដែន​មក​ប្រកួត​នៅ​ស្រុក​ខ្មែរ​។ មិនមាន​នរណា​ដឹងថា គេ​ខ្លាំង​ឬ​ខ្សោយ​នោះទេ ចំពោះ​អ្នក​ប្រដាល់​កម្ពុជា សារ​ដ្ឋ វិញ អាច​និយាយបានថា ជួន​ក៏​ជា​អ្នកខ្លាំង តែ​អ្នក​ប្រដាល់​រូបនេះ វ៉ៃ​ហាក់ដូចជា​ផ្សង លើ​សំណាង​ច្រើនជាង ។​

​សារ​ដ្ឋ មាន​ប្រវត្តិ​ប្រកួត ចំនួន​៦៧​ដង ឈ្នះ​៥៩​ដង ចាញ់​១៤​ដង និង​ស្មើ​ពិន្ទុ​៣​ដង ។ ចំពោះ ឆៃ ស៊ី​ង វិញ គេ​មាន​ប្រវត្តិ​ប្រកួត ចំនួន​៥៨​ដង ឈ្នះ​៥០​ដង និង​ចាញ់​៨​ដង ។ នរណា​ឈ្នះ ក្នុងការ​ប្រកួត​នេះ​?​។​

​ជំនួប​រវាង​អ្នក​ប្រដាល់ រួម​ជាតិ​វិញ​នោះ បឺត ចិ​ត្រា ក្លិប​រ៉ា​ហាប់​ស្វាយប៉ាក ប្រកួត​ជាមួយ ព្រំ វី ក្លិប​បូរី​រាជសីហ៍​មាន​រិ​ទ្ធ ដោយ​ប្រកួត​គ្នា ក្នុង​ប្រភេទ​ទម្ងន់ ៥៧ គីឡូក្រាម ។ សយ សុខ ក្លិប​ពន្លឺ​វិបុល​ប្រកួត ជាមួយ ម៉ន រិទ្ធី ក្លិប​ការិយាល័យ​ទី​៥ កងទ័ពជើងគោក ដោយ​ប្រកួត​គ្នា ក្នុង​ប្រភេទ​ទម្ងន់ ៥៤ គីឡូក្រាម ។​

​ខ្លា​ចាស់ ហ៊ា ចាន់ថន ក្លិប​គី​សែ​មាន​រិ​ទ្ធ ប្រកួត​ជាមួយ​ខ្លា​ចាស់ លួ​ន សុខ​ខេង ក្លិប​ពុទ្ធ​សេរី​វង្ស ។ ពួកគេ​ប្រកួត​គ្នា ក្នុង​ប្រភេទ​ទម្ងន់ ៦៩ គីឡូក្រាម ៕v

ទីតាំងផ្សាយពាណិជ្ជកម្ម

- Advertisment -

Most Popular

​ជំរុញ​កសិករ ដាំ​បន្លែ នៅ...

​ដោយៈ ភ្នំ​ស្វាយ / ពោធិសា...

​ទោះជា​កូ​វីដ​-១៩ បង្ក​ផល...

​ដោយៈ ប​.​ជ័យ​-​អូរ​ស...

ទៅ​ភូមិភាគ​ឥ​សាន្ត​កុំ​ភ្...

​ដោយៈ​ជា​សីហៈ​/​ភ្នំពេញៈ ...