ដោយៈ ភ្នំស្វាយ /បន្ទាយមានជ័យៈ រដ្ឋបាល ខេត្តបន្ទាយមានជ័យ ពន្យល់បំភ្លឺករណីស្លាប់របស់ពលរដ្ឋម្នាក់ជាមេខ្លោងបំផុសចលនារំលោភដីធ្លីកម្មសិទ្ធិរដ្ឋ និងកម្មសិទ្ធិ
ឯកជននៅ ឃុំសឹង្ហ ស្រុកអូរជ្រៅ និង ឃុំស្លក្រាម ស្រុកស្វាយចេក ខេត្តបន្ទាយមានជ័យ នាពេលកន្លងមកគឺដោយសារបញ្ហាសុខភាព។
យោងប្រកាសព័ត៌មានរបស់រដ្ឋបាល ខេត្តបន្ទាយមានជ័យ ស្តីពីករណីស្លាប់ប្រជាពលរដ្ឋឈ្មោះ ទុយ ស្រស់ ភេទប្រុសឆ្នាំកំណើត១៩៨៥បច្ចុប្បន្ន
ទីលំនៅ ភូមិជ្រៃ ឃុំចង្ហារ ស្រុកអូរជ្រៅ ចុះថ្ងៃទី៦ ខែមករា ឆ្នាំ២០២០ ឱ្យដឹងថា បើតាមលទ្ធផលកោសល្យវិច័យរបស់ ការិយាល័យបច្ចេកទេសវិទ្យាសាស្ត្រ
នៃស្នងការដ្ឋាននគរបាលខេត្ត និងតាមការបំភ្លឺរបស់ជនត្រូវចោទបួននាក់ទៀត នៃសំណុំរឿងតែមួយ ក្នុងដីកាបង្គាប់ឱ្យចាប់ខ្លួនលេខ៨៧៣ ដចខ របស់សាលា
ដំបូង ខេត្តបន្ទាយមានជ័យ ចុះថ្ងៃទី៣១ ខែធ្នូ ឆ្នាំ២០១៩ ប៉ះពាល់កម្មសិទ្ធិឯកជន និងគ្រួសារបានអះអាង និងសន្និដ្ឋានថា ការស្លាប់របស់ជនត្រូវចោទឈ្មោះ
ទុយ ស្រស់ គឺមកពីគាត់មានសភាពមិនប្រក្រតី (ជំងឺសរសៃប្រសាទប្រចាំកាយ) មានសុខភាពមិនល្អ និងញៀនស្រាដាច់មិនបានទៀតផង។ មុនពេលស្លាប់ មន្ត្រីពន្ធនាគារនុរក្ស ក្រុមគ្រួសារ និងគ្រូពេទ្យ នៅមន្ទីរពេទ្យ ខេត្តមិត្តភាពកម្ពុជា.ជប៉ុនមង្គលបុរី បានប្រឹងប្រែងយកចិត្តទុកដាក់អស់លទ្ធភាព ប៉ុន្តែមិនអាចស ង្គ្រោះបាន។
ចំណែកកអ្នកស្រី ប៊ុយ គី ជាភរិយា និងឪពុក នៃសពបានប្រាប់សារព័ត័មាន និងមន្ត្រីសមត្ថកិច្ចថា ឈ្មោះ ទុយ ស្រស់ នៅក្មេងតែមានជំងឺប្រចាំ កាយ ញៀនគ្រឿងស្រវឹង ប៉ុន្តែមិនសមនឹងស្លាប់ពេលឃុំខ្លួននិងបញ្ជូនទៅមន្ទីរពេទ្យនោះទេ។ ឈ្មោះនេះអាចរងការវាយដំធ្វើទារុណកម្មមុននឹងស្លាប់ព្រោះ មានស្លាកស្នាមជាំ និងប៉ះទង្គិច។ ទោះយ៉ាងណាប្រពន្ធនិងឪពុកសពក៏មិនប្រកែកពីមូលហេតុដែលជនរងគ្រោះមានចិត្តមានៈស្រាប់ធ្វើឱ្យឈឺចាប់ខ្លួនឯង ដើម្បីបញ្ឈឺសមត្ថកិច្ចនោះទេ ឬក៍រោគសញ្ញាបង្កពីជំងឺថ្លើម។
ចំពោះប្រកាសព័ត៌មានរបស់រដ្ឋបាលខេត្ត បានរំលឹកប្រវត្តិដំណើររឿងរំលោភកម្មសិទ្ធិដីធ្លីឯកជន (ដីមានប្លង់រឹង ដែលចេញអំឡុងការអនុវត្តបទ
បញ្ជាលេខ១បប នៃគោលនយោបាយចាស់យុទ្ធសាស្ត្រថ្មីរបស់ រាជរដ្ឋាភិបាល ឆ្នាំ២០១២ ដែលវាស់វែងដោយ ក្រុមការងារសុរិយោដី និងយុវជនស្ម័គ្រចិត្ត
សម្តេចតេជោ ហ៊ុន សែន) និងដីកម្មសិទ្ធិរដ្ឋ (ដីស្ថានីយ៍ផ្សព្វផ្សាយ និងស្តារព្រៃឈើឡើងវិញតាបែន២) នៅឃុំសឹង្ហ ស្រុកអូរជ្រៅ និង ឃុំស្លក្រាម ស្រុកស្វា
យចេក។
នៅថ្ងៃទី១៦ ខែធ្នូ ឆ្នាំ២០១៩ រដ្ឋបាលខេត្ត និងឯកភាពពីអយ្យការអមសាលាដំបូងខេត្ត បានទទួលបណ្តឹងពីម្ចាស់កម្មសិទ្ធីដី (ប្លង់រឹង) ខេត្តបាន ចាត់មន្ត្រីក្រុមការងារចម្រុះឱ្យចុះទៅអប់រំណែនាំដល់ បងប្អូនប្រជាពលរដ្ឋដែលចាញ់បោកការឃោសនារបស់មេខ្យល់អូសទាញឱ្យចូលកាន់កាប់កម្មសិទ្ធិឯក ជននិងរដ្ឋ។
ថ្ងៃទី១៨ ខែធ្នូ ឆ្នាំ២០១៩ ក្រុមការងារចម្រុះបន្តចុះលើកទី២។ ប៉ុន្តែបងប្អូនពលរដ្ឋនិងមេខ្យល់ ពុំព្រមអនុវត្តតាម ហើយបន្តកៀងគរក្រុមអនាធិប តេយ្យបន្តរំលោភកាន់កាប់ ដីកម្មសិទ្ធិរដ្ឋ និងកម្មសិទ្ធិឯកជន ជាច្រើនម្ចាស់ (ដែលកំពុងកាន់កាប់អាស្រ័យផល (មានដាំស្វាយចន្ទី ,មៀន,ដំឡូងមី,ចម្ការមន, ដើមគីនីន,ស្វាយ និងធ្វើស្រែជាដើម) ដោយជឿតែតាមការញុះញង់ពីមេខ្លោងនិងបង្កើនបក្ខពួកគេទៅកាន់តែច្រើនឡើងរៀងរាល់ថ្ងៃ។
នៅថ្ងៃទី២៦ ខែធ្នូ ២០១៩ ក្រុមការងារចម្រុះខេត្តស្រុកបានចុះទៅបង្ក្រាបជនអនាធិបតេយ្យ និងបានរុះរើសំណង់បង្គោល រោង និងខ្ទម ដែល គ្មានមនុស្សរស់នៅត្រង់ចំណុចអូរកំបុត,ចំណុចអាងកន្សែង ឃុំសឹង្ហ ស្រុកអូរជ្រៅ និងចំណុច ភូមិទ័ពសៀម ចំណុចសម្បុកចាប ឃុំស្លក្រាម ស្រុកស្វាយចេក។
លុះដល់ថ្ងៃទី២៧ ខែធ្នូ ឆ្នាំ២០១៩ ក្រុមជនអនាធិបតេយ្យជាង៤០នាក់រួមមានឈ្មោះ ទុយ ស្រស់ ដឹកនាំបានលើកគ្នាមកតវ៉ានៅមុខសាលាខេត្ត ហើយក្រុមការងារចម្រុះថ្នាក់ខេត្តបានចេញមុខមកសម្រសម្រួលនិងសាកសួរធ្វើកំណត់ហេតុដោយពួកគាត់ឆ្លើយបំភ្លឺថា ការចូលកាន់កាប់ដីនៅទីនោះគឺតាម រយៈគេប្រាប់ (មេខ្លោង មេខ្យល់) ឱ្យទៅចាប់និងមិនស្គាល់ទីតាំងដីថា ត្រង់ណាទេព្រោះពួកគាត់មកពីប្រភពឆ្ងាយៗក្នុងនិងក្រៅខេត្ត (ចំណាកស្រុក) មិនមែន អ្នកភូមិនៅក្បែរៗនោះទេ។
ក្រុមការងារបានអប់រំណែនាំឱ្យពួកគាត់បញ្ឈប់បង្កសកម្មភាពអនាធិបតេយ្យ នៅលើដីមានប័ណ្ណកម្មសិទ្ធិមកដីកម្មសិទ្ធិឯកជននិងដីរដ្ឋ។ ពួកគាត់
ក៏រំសាយទៅលំនៅឋានវិញ។ ប៉ុន្តែដល់ថ្ងៃទី២៨ ខែធ្នូ ឆ្នាំ២០១៩ (ព្រឹកថ្ងៃសៅរ៍) ក្រុមជនអនាធិបតេយ្យ ដដែលនេះបានមកតវ៉ានៅមុខសាលាខេត្ត សារជា
ថ្មីទៀតហើយក្រុមការងារចម្រុះខេត្តបានចុះអប់រំណែនាំជាថ្មីទៀតដែរ។ ប៉ុន្តែពួកគាត់មិនស្តាប់ហើយបង្កបញ្ហាដល់ក្រុមការងារ (រារាំងប្រឆាំងមន្ត្រីសាធារណៈ
របស់រដ្ឋ) ហើយត្រូវកម្លាំង កងរាជអាវុធហត្ថខេត្ត ឃាត់ខ្លួនមេខ្លោងជាអ្នកដឹកនាំរួមមានទី១.ឈ្មោះ នូវ នឿន ភេទប្រុសអាយុ៦១ឆ្នាំរស់នៅ ភូមិគីឡូម៉ែត្រ
លេខ៤ សង្កាត់ផ្សារកណ្តាល ក្រុងប៉ោយប៉ែត។ ទី២.ឈ្មោះ យិប ម៉ក់ ភេទប្រុសអាយុ៦២ឆ្នាំរស់នៅ ភូមិជ្រៃ ឃុំសឹង្ហ ស្រុកអូរជ្រៅ។ ទី៣.ឈ្មោះ ហឹម គីរី
ភេទប្រុសអាយុ៤៥ឆ្នាំរស់នៅ ភូមិស្រមោច ឃុំ-ស្រុកព្រះនេត្រព្រះ។ ទី៤.ឈ្មោះ អាន រួន ភេទប្រុសអាយុ៥៩ឆ្នាំរស់នៅ ភូមិក្បាលខ្ទីង ឃុំបុស្បូវ ស្រុកព្រះ
នេត្រព្រះ និងទី៥.ឈ្មោះ ទុយ ស្រស់ ភេទប្រុសអាយុ៣៤ឆ្នាំរស់នៅ ភូមិជ្រៃ ឃុំសឹង្ហ ស្រុកអូរជ្រៅ។ ពួកគាត់ទាំង៥នាក់នោះត្រូវបានកសាងសំណុំរឿងប
ញ្ជូនទៅសាលាដំបូងខេត្តហើយ ព្រះរាជអាជ្ញារងនិងចៅក្រម បានចោទប្រកាន់ពីបទប៉ះពាល់កម្មសិទ្ធិឯកជនរួចចេញដីកាឃុំខ្លួនកាលពីថ្ងៃទី៣១ ខែធ្នូ ឆ្នាំ
២០១៩ រហូតមកនៅពន្ធនារគារខេត្ត។
ដោយឡែកឈ្មោះ ទុយ ស្រស់ ដែលមានបញ្ហាសុខភាពធ្ងន់ធ្ងរស្រាប់តាំងពីនៅក្នុងគ្រួសារ ត្រូវបញ្ជូនទៅសង្គ្រោះ ពិនិត្យព្យាបាល នៅមន្ទីរ
ពេទ្យខេត្តមិត្តភាពកម្ពុជា.ជប៉ុនមង្គលបុរី។ ទោះយ៉ាងណាឈ្មោះនេះបានស្លាប់ ហើយគណៈកម្មការកោសល្យវិច័យបានបញ្ជាក់ថា គាត់មានសភាពមិនប្រ
ក្រតីសុខភាពមិនល្អ និងញៀនស្រាដាច់មិនបានទៀតផង។
រីឯប្រភពពី ស្រុកអូរជ្រៅ និង ស្រុកស្វាយចេក នៅថ្ងៃទី៨ ខែមករា ឆ្នាំ២០២០ បានឱ្យដឹងថា តាំងពីតុលាការបង្គាប់ឱ្យភ្នាក់ងារមានសមត្ថកិច្ច
នៃកម្លាំងសាធារណៈចាប់ខ្លួនរួចបញ្ជូនទៅឃុំខ្លួនបណ្តោះអាសន្នមេខ្លោង៥នាក់ខាងលើនៅពន្ធនាគារ ខេត្តបន្ទាយមានជ័យ មកទល់ពេលនេះចលនាអនា
ធិបតេយ្យចូលរំលោភកាន់កាប់ដោយខុសច្បាប់ នូវដីធ្លីកម្មសិទ្ធិឯកជន និងរដ្ឋ នៅទីតាំងដូចខាងលើនៃស្រុកទាំង២បានស្ងប់ស្ងាត់លែងមានសកម្មភាព។
រីឯចលនាបង្កបន្សាបឥទ្ធិពលអំណាចអាជ្ញាធរសាធារណៈការធ្វើអប្បគមន៍មិនឱ្យអាជ្ញាធរមានសមត្ថកិច្ចចូលទៅតំបន់ខ្លួនរំលោភក៏ថយចុះផងដែរ៕សរន
