អបអរសាទរ​ខួប​លើក​ទី​៤១​នៃ​ថ្ងៃ​ជ័យជម្នះ​៧​មករា​១៩៧៩

ដោយៈ​សៅ​វ៉ាន់ឌី​/​ព្រះវិហារ​៖​រដ្ឋបាលខេត្ត​ព្រះវិហារ​កាលពី​ព្រឹក​ថ្ងៃទី​៩​ខែមករា​ឆ្នាំ​២០២០​បានរៀបចំ​ពិធី​អបអរសាទរ​ខួប​លើក​ទី​៤១​នៃ​ថ្ងៃ​ជ័យជម្នះ​៧​មករា​-១៩៧៩-៧​មករា​២០២០​​ក្រោម​អធិបតីភាព​លោក​មាស​សុភា​ទេសរដ្ឋមន្ត្រី​ទទួលបន្ទុក​បេសកកម្ម​ពិសេស​និង​ជា​ប្រធាន​ក្រុមការងារ​ថ្នាក់ជាតិ​ចុះជួយ​ខេត្តព្រះវិហារ​​លោកស្រី​ឱ​សុខុម​សមាជិក​ព្រឹទ្ធសភា​,​លោក​ប្រាក់​សុវណ្ណ​អភិបាលខេត្ត​,​លោក​ឡុង​សុវណ្ណ​ប្រធាន​ក្រុមប្រឹក្សា​ខេត្ត​,​និង​មានការ​ចូលរួម​ពី​ក្រុមការងារ​ថ្នាក់ជាតិ​ប្រជាពលរដ្ឋ​សរុប​ជាង​២​ពាន់​នាក់​នៅ​មណ្ឌល​កីឡដ្ឋាន​ខេត្តព្រះវិហារ ។​

​មានមតិ​ស្វាគមន៍​លោក​ប្រាក់​សុវណ្ណ​អភិបាលខេត្ត​បាន​ថ្លែងថា​ថ្ងៃ​៧​មក​រាជា​ថ្ងៃកំណើត​ទី​២​ដែល​បាន​នាំ​កម្ពុជា​ទទួលបាន​នូវ​ការបង្រួបបង្រួម​ជាតិ​ឯកភាព​ជាតិ​សុខសន្តិភាព​និង​ការអភិវឌ្ឍ​រីកចម្រើន​លើ​គ្រប់​វិស័យ​។​ដែល​ទាំងនេះហើយ​បានកើត​ចេញពី​ថ្ងៃ​៧​មករា​ក្រោម​ការដឹកនាំ​ដោយ​គណបក្ស​ប្រជាជន​កម្ពុជា​ដឹកនាំ​ដោយ​សម្តេច​អគ្គមហាសេនាបតី​តេ​ជោ​ហ៊ុនសែន​។​

​ក្នុងនាម​ថ្នាក់ដឹកនាំ​ខេត្ត​ប្រជាពលរដ្ឋ​ទូទាំង​ខេត្ត​ចងចាំ​មិន​បំភ្លេចបាន​ស្មារតី​៧​មករា​ស្ថិតក្នុង​ដួងចិត្ត​ប្រជ​ជន​បើ​គ្មាន​ថ្ងៃ​៧​មករា​ក៏​គ្មានអ្វីៗ​ដូច​ថ្ងៃ​នេះឡើយ​។​ដូចនេះ​យើង​ត្រូវការពារ​ឱ្យបាន​និង​អគុណ​នូវ​សន្តិភាព​អគុណ​សម្តេច​តេ​ជោ​ដែល​ដឹកនាំ​កម្ពុជា មាន​រីកចម្រើន​រហូតដល់​ប​ច្ចុ​ប្បន្ន ។​

​លោក​មាស សុភា ទេសរដ្ឋមន្ត្រី​បាន​មានប្រសាសន៍ថា​ជ័យជំនះ​៧​មករា​គឺ​តម្លៃ​មិនអាច​កាត់ថ្លៃ​បាន ជា​ថ្ងៃកំណើត​ទី​២ របស់​ប្រជាជន​កម្ពុជា ដែល​បាន​នាំ​កម្ពុជា​ទទួល​នូវ​ឯកភាព​ជាតិ បង្រួបបង្រួម​ជាតិ សុខសន្តិភាព​និង​ការអភិវឌ្ឍ​ដូច​សព្វថ្ងៃ​។​ទាំងនេះ​កើតចេញ​កម្លាំង​អ្នក​សេ​ហា​ជាតិ​បរិ​សុ​ទ្ឋ​បង្កើតជា​រណសិរ្ស​សាមគ្គី​សង្គ្រោះ​ជាតិ​កម្ពុជា​នៅ​ថ្ងៃទី​២​ធ្នូ​១៩៧៨​ផ្តួល​រលំ​ប្រល័យពូជសាសន៍​ប៉ុលពត ដែល​បានសម្លាប់​ប្រជាពលរដ្ឋ​ស្លូតត្រង់​ជិត​៣​លាន​នាក់​។​

​រយៈពេល​៤១​ឆ្នាំ​ដែល​កម្ពុជា​បាន​ពុះពារ​គ្រប់​ឧបសគ្គ​ខិតខំ​ស្តារ​កសាង​អភិវឌ្ឍ​មាតុភូមិ​រហូត​ទទួលបាន​នូវ​សុខសន្តិភាព​ពិតប្រាកដ​និង​ការអភិវឌ្ឍ​រីកចម្រើន​តាមរយៈ​ការដាក់ចេញ​នយោបាយ​ឈ្នះ​ឈ្នះ​។​គោលនយោបាយ​ចតុកោណ​និង​គោលនយោបាយ​ផ្សេងៗ​ទៀត​របស់​រាជរដ្ឋាភិបាល​កម្ពុជា​ដឹកនាំ​ដោយ​សម្តេច​តេ​ជោ​ហ៊ុនសែន​។​លើសពីនេះ​ទៀត​ក្នុងនាម​ប្រជាពលរដ្ឋ​សូម​ប្តេជ្ញា​ការពារ​សុខសន្តិភាព​ស្ថេរភាព​នយោបាយ​និង​ការអភិវឌ្ឍ​ឱ្យបាន​ស្ថិតស្ថេរ​យូរអង្វែង​តរៀង​ទៅ ៕S/​srn

ទីតាំងផ្សាយពាណិជ្ជកម្ម

- Advertisment -

Most Popular

រោងភាពយន្ត លេ​ជិន ផ្អាក​ប...

​ដោយៈ សុផល / ភ្នំពេញៈ រោង...

ក្រោយ​ការធ្វើ​តេស្ត​ជំងឺ​...

​ដោយ​៖ ទេព មង្គល / ភ្នំពេ...

ថ្នាក់ដឹកនាំ​និង​មន្ត្រី​...

ដោយៈ​ដេប៉ូ​/​ភ្នំពេញៈ​ថ្ន...

ក្រសួង​អប់រំ​ប្រកាស​ផ្អាក...

​ដោយ​:​សុផល​/​ភ្នំពេញៈ​ដើ...