ដោយ:គង់ហេង/កំពង់ចាម:លោកអ៊ុនចាន់ដាអភិបាលខេត្តកំពង់ចាមបានជំរុញឱ្យកម្មករកម្មការិនីតាមបណ្តារោងចក្រសហគ្រាសទាំងអស់ គឺនាំគ្នាអានសៀវភៅនៅតាមបណ្ណាល័យ របស់រោងចក្រ ឬក៏នៅតាមបណ្ណាល័យចល័ត។ដោយមិនត្រូវទុកពេលទំនេរឥតប្រយោជន៍ជាពិសេសអ្នកដែលមានទូរស័ព្ទស្មាតហ្វូត គឺប្រើប្រាស់ឱ្យបានចំគោលដៅ។
នៅក្នុងពិធីសម្ពោធអគារបណ្ណាល័យ រោងចក្រមេតថេក ខេមបូឌា ខប លីមីតធីតក្នុងស្រុកកំពង់សៀម នៅចំពោះមុខវត្តមានកម្មករ កម្មការិនីប្រមាណ ២.៥០០ នាក់ នៅព្រឹកថ្ងៃទី ៩ ខែមករា ឆ្នាំ២០២០ លោកអ៊ុនចាន់ដាអភិបាលខេត្តកំពង់ចាមបានមានប្រសាសន៍ថាសម័យទូរស័ព្ទស្មាតហ្វូនបច្ចុប្បន្ននេះលោកជឿថាគឺមានកម្មករកម្មការិនីរបស់យើងស្ទើរ១០០ភាគរយហើយដែលជាលេងឬប្រើប្រាស់បណ្តាញសង្គមហ្វេសប៊ុកនិងយូធូប។
លោកអភិបាលខេត្តបានប្រសាសន៍ថាហ្វេសប៊ុកនិងយូធូបជាបណ្ណាល័យចល័តគឺយើងមើល និងអានឱ្យមានប្រយោជន៍តាមរយ:ព័ត៌មានក្នុងទូរស័ព្ទស្មាតហ្វូនពីស្វែងរកព័ត៌មានផ្សេងៗឬក៏បញ្ហាអ្វីមួយ។ប៉ុន្តែការអានការទស្សនានៅតាមបណ្តាញសង្គមនេះចូរយើងប្រើប្រាស់ឱ្យចំគោលដៅជារូបភាពឲ្យមានប្រយោជន៍។
លោក អ៊ុន ចាន់ដា បានមានប្រសាសន៍ទៀតថា ជាពិសេសយើងចាំបាច់ គឺការអានសៀវភៅប្រមាណ ៣.០០០ក្បាលដែលជាជំនួយរបស់អង្គការស៊ីប៉ាជួយដល់បណ្ណាល័យរោងចក្រមេតថេកនាពេលនេះ។ បើមានចម្ងល់ចង់ពីអ្វីឬក៏ចង់បានអ្វីពាក់ព័ន្ធនឹងបញ្ហាសភាបញ្ហាសង្គមនិងបញ្ហាផ្សេងៗគឺទៅកាន់បណ្ណាល័យនេះភ្លាម។
លោកបានមានប្រសាសន៍បន្តថា ដោយអាចជ្រើសរើសសៀវភៅទាំងអស់នេះ ទៅតាមការចង់ដឹង តាមរយ:ការខ្ចីយកទៅអាននៅផ្ទះឬក៏អានពេលសម្រាកពីការងារក្រោយពីទទួលទានអាហារពេលថ្ងៃត្រង់។គឺឆ្លៀតពេលចូលប័ណ្ណាល័យអង្គុយអានយ៉ាងហោចណាស់បានពីមួយទៅពីរទំព័រក៏បានដែរ។ ដោយមិនត្រូវទុកពេលទំនេរឥតប្រយោជន៍ឡើយ៕S/
