ដោយ៖ប.ជ័យ/បន្ទាយមានជ័យ៖អនុវត្ដដីកាបង្គាប់ឱ្យនាំខ្លួនរបស់ចៅក្រមស៊ើបសួរហុកពៅនៃសាលាដំដំបូងខេត្តបន្ទាយមានជ័យកម្លាំងអាវុធហត្ថខេត្តបន្ទាយមានជ័យបានទៅនាំខ្លួនទៅសាកសួរកាលពីថ្ងៃទី៩ខែមករាឆ្នាំ២០២០។
យោងដីកាលេខ១៤២នខ/ឃចុះថ្ងៃទី២៩ខែធ្នូឆ្នាំ២០១៩បានបង្គាប់ឱ្យនាំខ្លួនឈ្មោះកើតណូតភេទប្រុសអាយុ៣៧ឆ្នាំមុខរបរកម្មកររស់នៅភូមិទ័ពសៀមឃុំស្លក្រាមស្រុកស្វាយចេកពីបទកាប់រានព្រៃឈូសឆាយដីព្រៃហ៊ុំព័ទ្ធកាន់កាប់ព្រៃពុំមានអាជ្ញាប័ណ្ណឬលិខិតអនុញ្ញាត។
ប្រព្រឹត្តនៅឃុំស្លក្រាមស្រុកស្វាយចេកខេត្តបន្ទាយមានជ័យ(ដីស្ថានីយ៍ផ្សព្វផ្ដាយនិងស្តារព្រៃឈើឡើងវិញតាបែន២ឃុំស្លក្រាមស្រុកស្វាយចេក)កាលពីថ្ងៃទី១ខែមីនាឆ្នាំ២០១៩កន្លងទៅ។កើតណូតអាចជាមេខ្លោងរងបន្ទាប់ពីឈ្មោះតួសិញហិញ(ប្អូនលោកតួធានទឺ),។
លោកតួធានទឺទីប្រឹក្សាអ្នកធំនៅក្រុមប្រឹក្សាស្តារនិងអភិវឌ្ឍន៍កសិកម្មនិងជនបទដែលជាមេខ្លោងធំ។ក្នុងករណីបំផុសចលនាពលរដ្ឋរាប់រយពាន់នាក់ឱ្យចូលរុករានទន្ទ្រានហ៊ុព័ទ្ធ័កាន់កាប់ដូចខុសច្បាប់លើដីរជ្ឋ(ដីស្ថានីយ៍ផ្សព្វផ្ដាយនិងស្តារព្រៃឈើឡើងវិញតាបែន២ឃុំស្លក្រាមស្រុកស្វាយចេក។
ក្រុមមេខ្លោងនេះបានចលនាឱ្យជនអាណាធិបតេយ្យដែលថាជាពលរដ្ឋក្រីក្រខ្វះខាតដីធ្លីសង់លំនៅឋាននិងដីបង្កបង្កើនផលមានតែឈ្មោះក្នុងបញ្ជីចំនួន១.៥០០គ្រួសារដាក់ពាក្យទៅក្រុមប្រឹក្សាស្តារនិងអភិវឌ្ឍន៍កសិកម្មនិងជនបទដើម្បីចុះទៅដោះស្រាយដីធ្លី ។
មន្ត្រីក្រុមប្រឹក្សានេះនិងអាជ្ញាធរដែនដីមន្ទិរកសិកម្មរដ្ឋបាលព្រៃឈើបានជួបប្រជុំគ្នាជាបន្តបន្ទាប់ដើម្បីដោះស្រាយសំណើរសុំដីរដ្ឋពីក្នុងដីស្ថានីយ៍ខាងលើដើម្បីយកទៅចែកគ្នា។ប៉ុន្តែពេលមន្ត្រីអាជ្ញាធរនិងជំនាញដាក់ផែនការធ្វើអត្តសញ្ញណកម្មក្រុមមេខ្លោងនេះបានបដិសេធហើយថាបើចង់ធ្វើអត្តសញ្ញាណកម្មចាំពួកគេធ្វើអោយ។
រារាំងមន្ត្រីអាជ្ញាធរមានសមត្ថកិច្ចសាធារណៈចូលធ្វើការងាររដ្ឋបាលនិងសន្តិសុខក្នុងតំបន់ដែលត្រួតត្រាខ្លួនឯងផងដែរ។អំពីតំបន់ដែលក្រុមអាណាធិបតេយ្យទាំងនោះមន្ត្រីអាជ្ញាធរភូមិឃុំស្រុកបានចាត់ទុកជាតំបន់អប្បគមន៍។មកទល់ពេលនេះក្រោយការនាំខ្លួនកើតណូតប្រភពព៍ត៌មានបានរាយការណ៍ថាមេខ្លោងផ្សរងទៀតបានភ័យខ្លួនដែរហើយ ។
សូមរំលឹកថា រដ្ឋបាលខេត្តបន្ទាយមានជ័បានចេញសេចក្តីជូនដំណឹង លេខ៨៥៥/១៩.សជណ ចុះថ្ងៃទី៣០ខែធ្នូឆ្នាំ២០១៩ដែលថា៖”កន្លងមកនេះមានបងប្អូនប្រជាពលរដ្ឋមកពីតំបន់ផ្សេងជាច្រើនបាននិងកំពុងចាញ់បោកមេខ្លោងនិងបក្ខពួកមួយចំនួនដែលបានធ្វើចលនាអូសទាញពីសកម្មភាពវាស់វែងបែងចែកដីសង់រោងនិងបោះបង្គោលយ៉ាងអាណាធិបតេយ្យលើដីកម្មសិទ្ធិរបស់ឯកជនរបស់ប្រជាពលរដ្ឋ និងដីរដ្ឋក្នុងស្ថានីយ៍ផ្សព្វផ្យាយ និងស្តារព្រៃឈើតាប៉ែន២ ស្ថិតក្នុងភូមិសាស្ត្រ ឃុំស្លក្រាម ស្រុក ស្វាយចេក ខេត្តបន្ទាយមានជ័យ ” ។
រដ្ឋបាលខេត្តបានធ្វើការណែនាំដូចជា៖១សូមឱ្យប្រជាពលរដ្ឋឈប់បន្តចាញ់បោកឃោសនារបស់ក្រុមមេខ្លោងនិងបក្ខពួកបន្តទៅទៀតលើដីកម្មសិទ្ធរបស់ឯកជនរបស់ប្រជាពលរដ្ឋនិងដីក្នុងស្ថាននីយ៍ផ្សព្វផ្យាយនិងស្តារព្រៃឈើតាប៉ែន២ស្ថិតនៅភូមិសាស្ត្រឃុំស្លក្រាមស្រុកស្វាយចេក។២ត្រូវវរុះរើរោងនិងបង្កោលដែលបានបោះទាំងអស់ចេញពីដីកម្មសិទ្ធឯកជនរបស់ប្រជាពលរដ្ឋនិងដីក្នុងស្ថាននីយ៍ផ្សព្វផ្យាយ និងស្តារព្រៃឈើតាប៉ែន២ ដកខ្លួនត្រឡប់ទៅលំនៅដ្ឋានរៀងខ្លួនវិញ។
៣គ្រប់រដ្ឋបាលក្រុងស្រុកនិងមន្ទីរពាក់ព័ន្ធត្រូវបន្តចុះអប់រំផ្សព្វផ្យាយដល់ប្រជាពលរដ្ឋក្នុងមូលដ្ឋានរបស់ខ្លួនកុំឲ្យចាញ់បោកកាឃោសនារបស់ក្រុមមេខ្លោងនិងបក្ខពួកបន្តទៅទៀត។រដ្ឋាបាលខេត្តនិងវិធានការរដ្ឋបាលចំពោះមេខ្លោងនិងបក្ខពួកដែលតាំងខ្លួនជាអាជ្ញាធរបង្កើតតំបន់គ្រប់គ្រងដោយខ្លួនឯង(អប្បគមន៍)ដោយគ្មានទទួលស្គាល់ដោយអាជ្ញាធរ និងសមត្ថកិច្ច។
សជណនោះបានព្រមានថា៖ក្នុងករណីជនណាធ្វើវិទ្ធង្សនាដល់ការអនុវត្តសេចក្តីជូនដំនិងនេះ នឹងត្រូវចាក់ការទៅតាមនិតិវីច្បាប់ជាធរមាននិងពុំទទួលខុសត្រូវក្នុងការបាត់បង់ផលប្រយោជន៍របស់បងប្អូនប្រជាពលរដ្ឋឡើយ។មន្ត្រីអាជ្ញាធរសមត្ថកិច្ចនិងកងកម្លាំងចម្រុះនៃគណៈបញ្ជាការខេត្តបន្ទាយមានជ័យបានចាត់វិធានក្តៅដោយចុះបង្ក្រាបចលនាជនអាណាធិបតេយ្យមកពីប្រភពជាច្រើនដែលលើកគ្នាចាប់ដីរដ្ឋនិងដីឯកជននៅស្រុកអូរជ្រៅនិងស្រុកស្វាយចេកហើយកាលពីថ្ងៃទី២៦ ខែធ្នូ ឆ្នាំ២០១៩ ។
កាលពីថ្ងៃទី២៦ខែធ្នូឆ្នាំ២០១៩មន្ត្រីរដ្ឋបាលខេត្តបន្ទាយមានជ័យក៏បានដឹកនាំក្រុមការងារចម្រុះកងកម្លាំងសមត្ថកិច្ចខេត្តស្រុកចុះទប់ស្កាត់ក្រុមជនអនាធិបតេយ្យដែលចូលរុករាននិងបោះបង្គោលសាងសង់ខ្ទមអនាធិបតេយ្យនៅលើដីទ្រព្យសម្បត្តិរដ្ឋនិងដីទ្រព្យសម្បត្តិឯកជន(មានប័ណ្ណសម្គាល់កម្មសិទ្ធិលើអចលនវត្ថុស្របច្បាប់ )នៅទីតាំងភូមិសាស្ត្រ ភូមិកណ្តាលឃុំសិង្ហ ស្រុកអូរជ្រៅ ជាប់ព្រំប្រទល់ ជាមួយឃុំស្លរក្រាម ស្រុកស្វាយចេក ។
កម្លាំងចម្រុះបានអោយកម្លាំងពលកម្មរុះរើនិងដុតបំផ្លាញនូវសម្ភារៈសំណង់ខុសច្បាប់ទាំងនោះ។បន្តទៀតខាងដៃគូនៃស្ថានីយ៍ផ្សព្វផ្សាយនិងស្តារព្រៃឈើតាបែន២សមត្ថកិច្ចជំនាញនិងអ្នកពាក់ព័ន្ធនឹងពិនិត្យនិតិវិធីជាមួយអាជ្ញាធរមានសមត្ថកិច្ចនិងស្ថាប័នអយ្យការអមសាលាដំបូងខេត្តដើម្បីចុះបង្ក្រាបសកម្មភាពនិងមេខ្លោងមេខ្យល់និងបក្ខពួកវាស់វែងបែងចែកដីសង់រោងនិងបោះបង្គោលយ៉ាងអាណាធិបតេយ្យលើដីកម្មសិទ្ធិរបស់រដ្ឋ ៕S/
រូបថត៖ចលនាអូសទាញវាស់វែងរុករានកាប់ទន្ទ្រានដីរដ្ឋខុសច្បាប់នៅស្ថានីយ៍ផ្សព្វផ្សាយនិងស្តារព្រៃឈើតាបែន២ ស្រុកស្វាយចេកត្រូវតុលាការបង្គាប់អោយយនាំខ្លួនមេខ្លោងម្នាក់ឈ្មោះកើត ណូត ភេទប្រុសអាយុ៣៧ឆ្នាំ (រូប៖ ប.ជ័យ)
