ភ្នំពេញៈ ស្លាកលេខរថយន្តពិសេស ដែលក្រសួងសាធារណការ និងដឹកជញ្ជូនទើបឱ្យចេញ ប្រើផ្លូវការនោះ កំពុងតែរងការរិះគន់ មិនសំចៃមាត់ ពីអ្នកលេងហ្វេសប៊ុក។ ស្លាកលេខ ពិសេសនេះ មានអ្នកប្រើមុនគេ គឺឈ្មោះ “S.Solika” ត្រូវបានគេស្គាល់ថាជារបស់តារាល្បី ខ្មែរយើង គឺអ្នកនាង ស៊ឹម សូលីកា ពិធីការិនី ប្រចាំស្ថានីយទូរទស្សន៍បាយ័ន។
ពិតជាអស្ចារ្យមែន ដែលតារាល្បីរូបនេះ ត្រូវបានស្វាមីរបស់នាង ទិញរថយន្ត Lexus ៥៧០ ហើយថែមទាំង ប្រើរថយន្ត ដែលមានស្លាក ជាអក្សរមុនគេ គឺលោក អេង រិទ្ធី ជាពិធីករផងដែរ និងជាមន្ត្រីយោធាផ្កាយពីរ។
ប៉ុន្មានថ្ងៃនេះ គេសង្កកេតឃើញ មានការរិះគន់ជាច្រើន លើបណ្តាញសង្គមហ្វេសប៊ុកទាក់ទង ទៅនឹងការប្រើប្រាស់ ស្លាកជាអក្សរមួយនេះពិសេស គឺតម្លៃតែម្តង។ តែទោះបីជាយ៉ាងណា ទោះបីជាមានការរិះគន់ក៍ដោយ ក៍មានមន្ត្រីរាជការ បងប្អូនប្រជាពលរដ្ឋ នៅតែបញ្ជាទិញស្លាកលេខ ជាអក្សរជាច្រើនដែរ ក្នុងនោះក៍មានអតីតតារាពីរដួង ក៍បានប្រើប្រាស់ស្លាកលេខនេះ មុនគេផងដែរ។
មានមតិស្របខ្លះ និងរិះគន់ខ្លះ បាននិយាយជជែកពីការធ្វើស្លាកលេខនេះរហូតដល់មានអ្នកខ្លះ ថា ការធ្វើបែបនេះ មានភាពរញ៉េរញ៉ៃ តែអ្នកខ្លះ ក៍ បានច្រានចោលវិញថា មកពីមិនដែល ទៅដើរលេងស្រុកគេទេដឹង ជាពិសេសស្រុកថៃ ក៍គេធ្វើស្លាកលេខ ជាអក្សរជាប់ ម៉ូតូ និងឡាន យូរហើយ តែមកពីយើងទៅលេងថៃដែរ តែមិនចាប់អារម្មណ៍ គឺគេមានប្រើប្រាស់យូរឆ្នាំ ហើយ៕ ដោយៈ បូរិន
