Home កម្សាន្ត នាយ​ក្តិ​ប​យំ...

នាយ​ក្តិ​ប​យំ​ស្ទើរតែ​រីង​ខ្លួន ​ព្រោះ​បាត់បង់​កូនប្រុស​ជាទី​ស្រឡាញ់​

ភ្នំពេញៈ តារា​កំប្លែង ដែលមាន​រហស្ស​នាម​ថា នាយ​ក្តិ​ប ជា​សមាជិក​ក្រុម​កំប្លែង នាយ​ក្រឹម បាន​យំ​ស្ទើរតែ​រីង​ខ្លួន​ចង់​ដាច់ខ្យល់​ទៅហើយ ព្រោះ​បាត់បង់​កូនប្រុស​ជាទី​ស្រឡាញ់​របស់ខ្លួន​ដែល​ស្លាប់​ដោយ​គ្រោះថ្នាក់កាលពី​ថ្ងៃទី​៨ ខែមករា ឆ្នាំ​២០២០​។

កាលពី​ម៉ោងជាង​១១​យប់​ថ្ងៃទី​៨ ខែមករា ឆ្នាំ​២០២០ មាន​ករណី​គ្រោះថ្នាក់​ចរាចរណ៍​​បង្កឡើងដោយ​រថយន្ត​បាន​បុក​អ្នករត់ PassApp គេ​ស្គាល់​ថាជា​កូនប្រុស​បង្កើតនាយ​ក្ដិ​ប​តារា​កំប្លែងជើងចាស់ ដែល​កំពុងមាន​ជំងឺ​ធ្ងន់​ប្រចាំកាយ​ស្រាប់ បណ្តាល​ឲ្យ​ស្លាប់​ភ្លាមៗ​នៅតាម​បណ្តោយផ្លូវជាតិ​លេខ​៦A​ នៅ​ចំណុច​ស្ពាន​ទី​១​ ជិតវត្ត​ខ្ទរ សង្កាត់​ព្រែកលៀប ខណ្ឌ​ជ្រោយចង្វា រាជធានី​ភ្នំពេញ​។​

ប្រភពពី​កន្លែងកើតហេតុ​បាន​ឲ្យ​ដឹងថា មុនពេល​កើតហេតុ​ខាងលើ គេ​បានឃើញ​បុរស​ម្នាក់ បាន​បើករថយន្ត​បង្ក​ម៉ា​កនី​សា​ន់​ពណ៌​ទឹកប្រាក់​ពាក់ផ្លាក​លេខ ភ្នំពេញ ២AG.៣៩៦១ បើកបរ​តាម​បណ្តោយ​ផ្លូវជាតិ​លេខ​៦​ក្នុងទិសដៅ​ពី​ត្បូង​ទៅ​ជើង​ក្នុង​ល្បឿន​យ៉ាង​លឿន​ ខណៈ​បើក​មកដល់​ចំណុច​កើត​បានជ្រុល​បុក​ម៉ូតូ​កង់​បី​ឥណ្ឌា​ពណ៌​ស​ពាក់​ផ្លាក​លេខ ភ្នំពេញ ១HR.៨១១១​។ ជនរ​រងគ្រោះ​ដែល​បើកបរ​ម៉ូតូ​កង់​បី​ឥណ្ឌា​នោះ​ត្រូវបាន​ស្គាល់​ថាជា​កូនប្រុសបង្កើត នាយ​ក្ដិ​ប តារា​កំប្លែង​ជើងចាស់ ដែលមាន​ជំងឺ​ធ្ងន់​ប្រចាំកាយ​សព្វថ្ងៃនេះ​។ ករណី​គ្រោះថ្នាក់​រថយន្ត​បង្ក​បាន​បុក​ពេញទំហឹង​បណ្តាល​ឲ្យ​ក្រពឹត​រង​ការខូចខាត​ផ្នែក​ខាងមុខ ​បែក​កញ្ចក់​ រួច​រថយន្ត​បង្ក​នៅ​មិនទាន់​អស់​ល្បឿន​បានរេចង្កូត​ទៅបុក​ផើងផ្កា​នៅមុខ​ផ្ទះ​ប្រជាពលរដ្ឋ​បែក​អស់ចំនួន​មួយ​ផើង​ថែមទៀត​។

ចំណែក​អ្នកបើក​ម៉ូតូ​កង់​បី​រងរបួស​បែកក្បាល​ធ្ងន់ធ្ងរ​ត្រូវបាន​ប្រជាពលរដ្ឋ​នៅក្បែរ​កន្លែងកើតហេតុ​ជួយ​នាំយក​ទៅកាន់​មន្ទីរពេទ្យ​។ ប៉ុន្តែ​ជា​អកុសល​ដោយសារ​របួស​ធ្ងន់ធ្ងរ​ពេក​ក៍បាន​ផុតដង្ហើម​ទៅហើយ​។​
​ ​
ក្រោយពេល​កើតហេតុ​​ សមត្ថកិច្ច​មូល​ដ្ឋា​នខណ្ឌ​ជ្រោយចង្វា បាន​ចុះ​ធ្វើការ​វាសវែង​រួច​ដឹកយករថយន្ត​បង្ក​និង PassApp ទៅ​រក្សាទុក​នៅ​ការិយាល័យ​ចរាចរណ៍​ផ្លូវគោក នៃ​ស្នងការដ្ឋាន រាជធានី​ភ្នំពេញ ដើម្បី​រង់ចាំ​ដោះស្រាយ​គ្នា​នៅពេល​ក្រោយ​៕ ដោយៈ បូ​រិ​ន​/​អង្គា​រ៍​ហេង​/Ha

ទីតាំងផ្សាយពាណិជ្ជកម្ម

- Advertisment -

Most Popular

អធិការនគរបាល​ខ​ណ្ឌ​ពោធិ៍​...

ដោយ​៖​រ៉ា​ម៉ន / ភ្នំពេញ​៖...

ក្មេងៗ ៩ នាក់ ព្រួត​វាយ​ប...

​ដោយៈ ស​រិ​ទ្ធ / កណ្តាលៈ ...

​យុវជន​បីនាក់ ត្រូវបាន​ឃា...

ដោយ​: ស​រិ​ទ្ធ / ភ្នំពេញ​...

ពិធី​ចាក់​បេតុង​ត​ភ្ជាប់​...

​ដោយៈ​សុផល​/​ភ្នំពេញ​: ពិ...