ខ្សែប្រយុទ្ធ អាឡិកស៊ីស សានឆេស (Alexis Sanchez) បានក្លាយជាកីឡាករថ្មីបំផុត ដែលត្រូវបានគេវាយទម្ទេចរូបសំណាករបស់ខ្លួនចោលនៅប្រទេសកំណើត។
កីឡាករវ័យ៣១ឆ្នាំរូបនេះគឺជាកីឡាករដែលបង្ហាញមុខនិងរកបានគ្រាប់បាល់ច្រើន ជាងគេ សម្រាប់ក្រុមជម្រើសជាតិស៊ីលីដោយបាន៤១គ្រាប់និងបង្ហាញមុខបាន១២៤លើកសម្រាប់ ប្រទេសរបស់ ខ្លួន ហើយរូបសំណាកត្រូវបានគេសង់ឡើង ដើម្បីផ្តល់កិត្តិយសហើយរូប សំណាកនេះត្រូវបានសម្ពោធកាលពីឆ្នាំ២០១៧។
រូបសំណាកនេះបានបង្ហាញរូប សានឆេស ក្នុងឈុតជម្រើសជាតិហើយក៏បានបង្ហាញឈ្មោះ ក្រុមដែលកីឡាកររូបនេះបង្ហាញលេងឲ្យក្នុងអាជីពរបស់ខ្លួនរូមទាំងក្លិប អាសេណល, ម៉េនឆេស្ទ័រ យូណាយធីត( Manchester United )និង បាសេឡូណា។
វាមិនប្រាកដថា គ្រប់គ្នាសុទ្ធតែជាអ្នកគាំទ្ររបស់កីឡាកររូបនេះនោះទេ ខណៈរូបនេះរបស់ សានឆេស ត្រូវបានគេវាយកម្ទេចនិងខូចខាតធ្ងន់ធ្ងរ។
គេមិនទាន់ដឹងពីមូលហេតុនៃការវាយប្រហារនេះនៅឡើយទេ ប៉ុន្តែវាបានក្លាយជារឿងដ៏គួរឲ្យ ភ្ញាក់ផ្អើល ដោយសារតែ សានឆេស ត្រូវបានគេចាត់ទុកថា ជាវីរបុរសទៅហើយនៅទឹកដី កំណើរនោះ។
រឿងនេះកើតមានត្រឹមតែមួយសប្តាហ៍ បន្ទាប់ពីរូបសំណាករបស់ ស្លាតាន់ អ៊ីប្រាហ៊ីម៉ូវីច (Zlatan Ibrahimovic) ត្រូវបានបំផ្លាញនៅទីក្រុង Malmo ដោយសារអ្នកគាំត្រមិនសប្បាយចិត្តបន្ទាប់ពី កីឡាកររូបនេះបានវិនិយោគជាមួយក្លឹប Hammarby ដែលជាគូប្រជែង៕ ប្រែសម្រួល: ពិសិដ្ឋ
